زبُور 101

101

عهدِ پادشاه قد خُدا

زبُورِ داوُود.

1ما دَ بارِه رَحمت و اِنصاف تُو سرُود میخانُم؛

اَی خُداوند، ما بَلدِه تُو ساز مِیزَنُم.

2ما فِکر خُو ره سُون راه-و-طرِیقِ بےعَیب مِیگِیرُم.

چی وخت دَ پیش مه مییی؟

ما قد دِلِ راست دَ خانِه خُو رفتار مُونُم.

3چِیزِ بےاَرزِش ره دَ پیشِ چِیم خُو جای نَمِیدُم.

ما از کارِ آدمای بَدنِیَت بَد مُوبرُم؛

کارِ ازوا دَزمه نَمِیچَسپه.

4دِلِ کَجرَو ره از خُو دُور مُونُم

و قد شرارَت سر-و-کار نَدرُم.

5کسی که تاشَکی دَ بَلِه ھمسایه خُو تُهمَت کنه،

اُو ره نابُود مُونُم؛

و کسی که چِیمای پُرکِبر و دِلِ مغرُور دَره،

اُو ره تَحَمُل نَمُونُم.

6چِیمای مه سُون مردُمای وفادارِ زمی اَسته،

تا اُونا دَ پالُوی مه زِندگی کُنه؛

هر کسی که دَ راه-و-طرِیقِ بےعَیب قَدم بِزَنه،

ما اُو ره دَ خِدمت خُو قبُول مُونُم. دَز مه خِدمت مُونه.

7فِریبکار دَ خانِه مه جای-د-جای نَمُوشه

و دروغگوی دَ حُضُور مه جای نَدره.

8ھر صُبح#۱۰۱‏:۸ داوُود پادشاه هر صُبح دَ درگِه شار محاکمه دایر مُوکد. پگِ آدمای شرِیرِ زمی ره نابُود مُونُم،

تا تمامِ بَدکارا ره از شارِ خُداوند قطع کنُم.

Actualmente seleccionado:

زبُور 101: HAZ

Destacar

Copiar

Comparar

¿Quieres guardar tus resaltados en todos tus dispositivos? Regístrate o Inicia sesión

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Más información sobre Hazaragi Bible