Marko 4
4
Vmyø̀ wøn kàshvbóng
Mat. 13:1-23; Luk. 8:4-15
1Yesuí tìnúngmè shvnvng yv́ng rá tiqkvt mvshǿl shvngø:tnòe. Àng vl yv́ng vsv̀ng loksok lokga kø̀m ráì rvtnø̀, Àng nø tìnúngmè yv́ng vl we kùngshí taq zv́ngshì nø̀ rúngá:mì. Vsv̀ng loksok shvngbe nø tìnúngmè vdàmpa tø̀mø runge. 2À:ngí àngmaq sv̀ng kàshvbóng kèní mvme pv̀n shvngø:tnò nø̀ yadø a:lòe. 3“Ètá dánø̀ng! Vmyø̀ wøn vsv̀ng nø, vmyø̀ wøn nv̀ng búngá:mì. 4À:ngí wø:nò dvgvp, tiqmaq nø tvrà yv́ng vjáá:mì nø̀, carì dì ráì weí tǿvm bǿà. 5Tiqmaq nø vba gvzà màvl we lóngheq mvdv̀m vjáá:mì. Vba gvzà mvtvt rvt tiqdvshaqí yó lú:ngì. 6Íwe àngrø mvcaqshì rvtnø̀, nv̀m svr ráì ke, gángkéò weí shúngá:mì 7Tiqmaq nø bv̀nghǿ póng vdòng vjáá:mì. Íwe, bv̀nghǿ póng té lú:ngì weí shø̀rkéò rvt àngshí mvzí long. 8Tiqmaq nø vba shvlá taq vjáá:mì nø̀ yó lú:ngì. Vzashì nø̀ té lú:ngì nìnø, vshø̀mcé dvtv̀ng, vchuqcé dvtv̀ng, tiqyá dvtv̀ng àngshí shí lú:ngì,” a:lòe. 9Wekvt À:ngí, “Tálv́m vnà vdá vsv̀ng nø laq tashì,” a:lòe.
10Àng wawa vl dvgvp, Àng mèpvng cv̀n rì nv̀ng Tiqcé Vnípèí kàshvbóng welòng dang Àng sv̀ng rø:tnòe. 11Wervt À:ngí àngmaq sv̀ng, “Nàmaq sv̀ng nø Gvray móngdànò vmáshaq lòng Gvrayí vzíshaq íe. Ínìgø, Ngaí vtv́nglap vl vsv̀ngrì kaq nø kàshvbóng kàí wa shvngøtnòe. 12Kadø íe wani,
‘Àngmaqí yà:ngò nìgø mvràllv́m,
táò nìgø mvcínglv́m dvpvt íe.
Mø̀í nìnø, àngmaqí yà:ngò nø̀ cíngràl lú:ngò kvt
àngmaq nøt língshì ra nø̀ mvrà chutna we lú:nò ni we íe,’” a:lòe.#Esa. 6:9,10; Yoh. 12:40; Dzr. 28:26
Vmyø̀ wøn kàshvbóng lvjøm pǿ:nò we
13Wekvtrá Yesuí àngmaq sv̀ng, “Kàshvbóng yalòng sv̀ng nàmaqí mècíngnø̀ng nìnø, dvgá kàshvbóngrì sv̀ng nø kadøwa lecíngnø̀ngni? 14Vmyø̀ wø:nò gǿ nø Gvray mòngkà wø:nò gǿ íe. 15Vsv̀ng tiqmaq nø tvrà mvdv̀m vjáá:mì we vmyø̀ nv̀ng vbónge. Àngmaqí mòngkà tá bǿà kvt, wela:ngí ni Satan di ra weí, àngmaq nøt taq wøn bǿà we mòngkà sv̀ng lùv́m bǿà. 16Tiqmaq nø lóngheq mvdv̀m wøn bǿà we vmyø̀ nv̀ng vbónge. Àngmaq nø mòngkà tá bǿà kvt, dvbùnø:tní chàng vtoshìe. 17Íwe àngmaq nøt vdòng taq àngrø mvcaqshì rvtnø̀ tiqdvgvp wa zá:nòe. Àngmaq nø Gvray mòngkà rvtnø̀ dvshà mvhøtlv́m, mø̀íni dvki vrè we vhǿm lú:ngò kvt, wela:ngí ni lángshìvme. 18Tiqmaq nø bv̀nghǿ póng taq wøn bǿà we vmyø̀ nv̀ng vbónge. Àngmaqí mòngkà sv̀ng tá bǿà kvt, 19yabàn gónggilv́m rì nv̀ng pø̀í yù:mò we nv̀ng dvgá àngpv̀npv̀n sv̀ng map we nøt gòng ra weí mòngkà sv̀ng shø̀rkéò rvtnø̀, àngshí mvshí rì íe. #Mak. 10:23-24 20Tiqmaq nø vba shvlá taq wøn bǿà we vmyø̀ nv̀ng vbónge. Àngmaq nø mòngkà tá bǿà kvt vtoshìrì íe. Yarì nø vshø̀mcé dvtv̀ng, vchuqcé dvtv̀ng, tiqyá dvtv̀ng, àngshí shí longe,” a:lòe.
Vdèò gálòng dvtan ra we
Luk. 8:16-18
21Yesuí rá àngmaq sv̀ng a:lò we nø, “Svmigwìn lv́nga:tnò nìnø mvgù:rí kuplv́m, mø̀íni yøpgù lv̀ngpvngø shvrúnglv́m í má? Àng shvrúngrà taq lè shvrúng rà we mø̀í má? #Mat. 5:15 22Kadø íe wani vmáshaq pà í nìgø Gvrayí dvtan lú:ngòe. Vwvmshaq pà ínìgø gá yv́ng dvtan lú:ngòe. #Mat. 10:26; Luk. 12:2 23Tálv́m vnà vdá vsv̀ng nø laq tashì,” a:lòe.
24À:ngí vrá, “Nàmaqí ètá bǿshà rì shvla dv̀ng wa dèdvmnø̀ng. Té ètánø̀ng nìnø, cíngrál nøt té èzídaqnø̀nge. Wemvdv̀m gø èlúndaqnø̀nge.#Mat. 7:2 25V́laò gǿ sv̀ng nø rvma daqòe.#4:25 “Cíngrálnøt vl gǿ sv̀ng nø cíngrálnøt rvma daqòe” wa nø̀ gø rø daqe. Màv́laò gǿ kèní nø, v́laò hvncè gø àng yv́ngkèní lù bǿòe,” a:lòe.#Mat. 13:12
Vmyø̀ té lú:ngì we kàshvbóng
26À:ngí vrá, “Gvray móngdàn nø, vsv̀ng tiqgǿí rvmá hv́ng taq vmyø̀ wø:nò we nv̀ng vbónge. 27Wø:nò dá:ngí àng nø yaqdø̀:ngí yøp nø̀ vyá:ngí kungshì nø̀ vl ke, kadøwa vmyø̀ mvkuq nø̀ té lú:ngì we à:ngí mvsháò. 28Vbaí àngwawa shvyó lúngò nø̀, nv̀mlat nø mvdùn cvp, mèpvng nø shírùng, wemèpvng nø rvkøpshì we àngshí vl longe. 29Mvzí dvyø̀ gong ra kvt nø shvrvt dvkøm rvtø̀ høq bǿà rvt, à:ngí shv̀mdvgoq lá:ngò nø̀ shvra:tnòe,” a:lòe. #Yol. 3:13
Mvngakashí kàshvbóng
Mat. 13:31-32,34; Luk. 13:18-19
30À:ngí vrá, “Gvray móngdàn nø, nøngmaqí kapà nv̀ng shvbónglv́m í má? Kapà kàshvbóng nv̀ng shvbóng shvla má? 31Gvray móngdàn nø mvngakashí tiqchv̀ngcè nv̀ng vbónge. Mvngakashí nø, rvgaqtø̀m taq vl pv̀n dvyø̀ shvngbe taqkèní té zì pv̀n íe. 32Íwe ka:tnò nø̀, yo long kvtnø vyúngkvn shvngbe mvdv̀m te longe. Dvgv̀ngmèrì dvkaq long weí, carì nø àngdv̀ng washì nø̀ dvkøqshì lú:nòe,” a:lòe. #Dan. 4:12,21; Ezk. 17:23; 31:6
33Àngmaqí cíngràllv́m dvpvt À:ngí yalòng dø í we kàshvbóng mvme pv̀n kèní àngmaq sv̀ng mòngkà shvngø:tnòe. 34Kàshvbóng kèní wa mø̀í nìnø, À:ngí àngmaq sv̀ng pàgø mvshø̀:nò. Íwe Àng nv̀ng Àng coqcv́nrì àngmaq wa vl dvgvp nø, À:ngí mvshǿl werì shvngbe pǿnaòe.
Yesuí tima na:rò we
Mat. 8:18,23-27; Luk. 8:22-25
35Weni dørø̀m høqa:tnà dvgvp, Yesuí coqcv́nrì kaq, “Tìnúngmè kupa léshàì,” a:lòe. 36Wervt coqcv́nrì nø vsv̀ng loksokrì là:ngò nø̀, Yesu rung we kùngshí sv̀ng zv́ngshì dá:ngí, Àng nv̀ng tiqdø léshìe. Dvgá kùngshírì gø zv̀ne. 37Wekvt nv̀mbø̀ng mvrùmè mut ráì nø̀, tìma pvlòng weí, kùngshí nø tìí zǿng mvnshì lú:ngì. 38Yesu nø kùngshí ni yv́ng vgo mvkøm mvkømshì nø̀ yøpme. Wekvt coqcv́nrìí Àng sv̀ng dvsha:tnò nø̀, “Kàngpèá, vmv́nglv́m wàì we sv̀ng Nàí mènøtshà má?” wa vkiqe.
39Wervt Àng kungshì nø̀ nv̀mbø̀ng sv̀ng nga:nò nø̀, tìma sv̀ng gø, “Shø̀mwa èzø̀lvm,” vl bǿà kvt, wela:ngí nv̀mbø̀ng shø̀má:mì nø̀ vtvngshaq mòngzø̀lá:mì.
40Yesuí, “Pàwá wedv́ngte sèrenø̀nge? Akvt høq kv́mnøt mèv̀lnø̀ng má?” a:lòe.
41Íwe, àngmaq gvzà svreá:mì nø̀, “Yapè nø kagǿ íe má? Nv̀mbø̀ng nv̀ng tìma gø Àng kà tae,” wa vrùnge.
Actualmente seleccionado:
Marko 4: GSM
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 4
4
Vmyø̀ wøn kàshvbóng
Mat. 13:1-23; Luk. 8:4-15
1Yesuí tìnúngmè shvnvng yv́ng rá tiqkvt mvshǿl shvngø:tnòe. Àng vl yv́ng vsv̀ng loksok lokga kø̀m ráì rvtnø̀, Àng nø tìnúngmè yv́ng vl we kùngshí taq zv́ngshì nø̀ rúngá:mì. Vsv̀ng loksok shvngbe nø tìnúngmè vdàmpa tø̀mø runge. 2À:ngí àngmaq sv̀ng kàshvbóng kèní mvme pv̀n shvngø:tnò nø̀ yadø a:lòe. 3“Ètá dánø̀ng! Vmyø̀ wøn vsv̀ng nø, vmyø̀ wøn nv̀ng búngá:mì. 4À:ngí wø:nò dvgvp, tiqmaq nø tvrà yv́ng vjáá:mì nø̀, carì dì ráì weí tǿvm bǿà. 5Tiqmaq nø vba gvzà màvl we lóngheq mvdv̀m vjáá:mì. Vba gvzà mvtvt rvt tiqdvshaqí yó lú:ngì. 6Íwe àngrø mvcaqshì rvtnø̀, nv̀m svr ráì ke, gángkéò weí shúngá:mì 7Tiqmaq nø bv̀nghǿ póng vdòng vjáá:mì. Íwe, bv̀nghǿ póng té lú:ngì weí shø̀rkéò rvt àngshí mvzí long. 8Tiqmaq nø vba shvlá taq vjáá:mì nø̀ yó lú:ngì. Vzashì nø̀ té lú:ngì nìnø, vshø̀mcé dvtv̀ng, vchuqcé dvtv̀ng, tiqyá dvtv̀ng àngshí shí lú:ngì,” a:lòe. 9Wekvt À:ngí, “Tálv́m vnà vdá vsv̀ng nø laq tashì,” a:lòe.
10Àng wawa vl dvgvp, Àng mèpvng cv̀n rì nv̀ng Tiqcé Vnípèí kàshvbóng welòng dang Àng sv̀ng rø:tnòe. 11Wervt À:ngí àngmaq sv̀ng, “Nàmaq sv̀ng nø Gvray móngdànò vmáshaq lòng Gvrayí vzíshaq íe. Ínìgø, Ngaí vtv́nglap vl vsv̀ngrì kaq nø kàshvbóng kàí wa shvngøtnòe. 12Kadø íe wani,
‘Àngmaqí yà:ngò nìgø mvràllv́m,
táò nìgø mvcínglv́m dvpvt íe.
Mø̀í nìnø, àngmaqí yà:ngò nø̀ cíngràl lú:ngò kvt
àngmaq nøt língshì ra nø̀ mvrà chutna we lú:nò ni we íe,’” a:lòe.#Esa. 6:9,10; Yoh. 12:40; Dzr. 28:26
Vmyø̀ wøn kàshvbóng lvjøm pǿ:nò we
13Wekvtrá Yesuí àngmaq sv̀ng, “Kàshvbóng yalòng sv̀ng nàmaqí mècíngnø̀ng nìnø, dvgá kàshvbóngrì sv̀ng nø kadøwa lecíngnø̀ngni? 14Vmyø̀ wø:nò gǿ nø Gvray mòngkà wø:nò gǿ íe. 15Vsv̀ng tiqmaq nø tvrà mvdv̀m vjáá:mì we vmyø̀ nv̀ng vbónge. Àngmaqí mòngkà tá bǿà kvt, wela:ngí ni Satan di ra weí, àngmaq nøt taq wøn bǿà we mòngkà sv̀ng lùv́m bǿà. 16Tiqmaq nø lóngheq mvdv̀m wøn bǿà we vmyø̀ nv̀ng vbónge. Àngmaq nø mòngkà tá bǿà kvt, dvbùnø:tní chàng vtoshìe. 17Íwe àngmaq nøt vdòng taq àngrø mvcaqshì rvtnø̀ tiqdvgvp wa zá:nòe. Àngmaq nø Gvray mòngkà rvtnø̀ dvshà mvhøtlv́m, mø̀íni dvki vrè we vhǿm lú:ngò kvt, wela:ngí ni lángshìvme. 18Tiqmaq nø bv̀nghǿ póng taq wøn bǿà we vmyø̀ nv̀ng vbónge. Àngmaqí mòngkà sv̀ng tá bǿà kvt, 19yabàn gónggilv́m rì nv̀ng pø̀í yù:mò we nv̀ng dvgá àngpv̀npv̀n sv̀ng map we nøt gòng ra weí mòngkà sv̀ng shø̀rkéò rvtnø̀, àngshí mvshí rì íe. #Mak. 10:23-24 20Tiqmaq nø vba shvlá taq wøn bǿà we vmyø̀ nv̀ng vbónge. Àngmaq nø mòngkà tá bǿà kvt vtoshìrì íe. Yarì nø vshø̀mcé dvtv̀ng, vchuqcé dvtv̀ng, tiqyá dvtv̀ng, àngshí shí longe,” a:lòe.
Vdèò gálòng dvtan ra we
Luk. 8:16-18
21Yesuí rá àngmaq sv̀ng a:lò we nø, “Svmigwìn lv́nga:tnò nìnø mvgù:rí kuplv́m, mø̀íni yøpgù lv̀ngpvngø shvrúnglv́m í má? Àng shvrúngrà taq lè shvrúng rà we mø̀í má? #Mat. 5:15 22Kadø íe wani vmáshaq pà í nìgø Gvrayí dvtan lú:ngòe. Vwvmshaq pà ínìgø gá yv́ng dvtan lú:ngòe. #Mat. 10:26; Luk. 12:2 23Tálv́m vnà vdá vsv̀ng nø laq tashì,” a:lòe.
24À:ngí vrá, “Nàmaqí ètá bǿshà rì shvla dv̀ng wa dèdvmnø̀ng. Té ètánø̀ng nìnø, cíngrál nøt té èzídaqnø̀nge. Wemvdv̀m gø èlúndaqnø̀nge.#Mat. 7:2 25V́laò gǿ sv̀ng nø rvma daqòe.#4:25 “Cíngrálnøt vl gǿ sv̀ng nø cíngrálnøt rvma daqòe” wa nø̀ gø rø daqe. Màv́laò gǿ kèní nø, v́laò hvncè gø àng yv́ngkèní lù bǿòe,” a:lòe.#Mat. 13:12
Vmyø̀ té lú:ngì we kàshvbóng
26À:ngí vrá, “Gvray móngdàn nø, vsv̀ng tiqgǿí rvmá hv́ng taq vmyø̀ wø:nò we nv̀ng vbónge. 27Wø:nò dá:ngí àng nø yaqdø̀:ngí yøp nø̀ vyá:ngí kungshì nø̀ vl ke, kadøwa vmyø̀ mvkuq nø̀ té lú:ngì we à:ngí mvsháò. 28Vbaí àngwawa shvyó lúngò nø̀, nv̀mlat nø mvdùn cvp, mèpvng nø shírùng, wemèpvng nø rvkøpshì we àngshí vl longe. 29Mvzí dvyø̀ gong ra kvt nø shvrvt dvkøm rvtø̀ høq bǿà rvt, à:ngí shv̀mdvgoq lá:ngò nø̀ shvra:tnòe,” a:lòe. #Yol. 3:13
Mvngakashí kàshvbóng
Mat. 13:31-32,34; Luk. 13:18-19
30À:ngí vrá, “Gvray móngdàn nø, nøngmaqí kapà nv̀ng shvbónglv́m í má? Kapà kàshvbóng nv̀ng shvbóng shvla má? 31Gvray móngdàn nø mvngakashí tiqchv̀ngcè nv̀ng vbónge. Mvngakashí nø, rvgaqtø̀m taq vl pv̀n dvyø̀ shvngbe taqkèní té zì pv̀n íe. 32Íwe ka:tnò nø̀, yo long kvtnø vyúngkvn shvngbe mvdv̀m te longe. Dvgv̀ngmèrì dvkaq long weí, carì nø àngdv̀ng washì nø̀ dvkøqshì lú:nòe,” a:lòe. #Dan. 4:12,21; Ezk. 17:23; 31:6
33Àngmaqí cíngràllv́m dvpvt À:ngí yalòng dø í we kàshvbóng mvme pv̀n kèní àngmaq sv̀ng mòngkà shvngø:tnòe. 34Kàshvbóng kèní wa mø̀í nìnø, À:ngí àngmaq sv̀ng pàgø mvshø̀:nò. Íwe Àng nv̀ng Àng coqcv́nrì àngmaq wa vl dvgvp nø, À:ngí mvshǿl werì shvngbe pǿnaòe.
Yesuí tima na:rò we
Mat. 8:18,23-27; Luk. 8:22-25
35Weni dørø̀m høqa:tnà dvgvp, Yesuí coqcv́nrì kaq, “Tìnúngmè kupa léshàì,” a:lòe. 36Wervt coqcv́nrì nø vsv̀ng loksokrì là:ngò nø̀, Yesu rung we kùngshí sv̀ng zv́ngshì dá:ngí, Àng nv̀ng tiqdø léshìe. Dvgá kùngshírì gø zv̀ne. 37Wekvt nv̀mbø̀ng mvrùmè mut ráì nø̀, tìma pvlòng weí, kùngshí nø tìí zǿng mvnshì lú:ngì. 38Yesu nø kùngshí ni yv́ng vgo mvkøm mvkømshì nø̀ yøpme. Wekvt coqcv́nrìí Àng sv̀ng dvsha:tnò nø̀, “Kàngpèá, vmv́nglv́m wàì we sv̀ng Nàí mènøtshà má?” wa vkiqe.
39Wervt Àng kungshì nø̀ nv̀mbø̀ng sv̀ng nga:nò nø̀, tìma sv̀ng gø, “Shø̀mwa èzø̀lvm,” vl bǿà kvt, wela:ngí nv̀mbø̀ng shø̀má:mì nø̀ vtvngshaq mòngzø̀lá:mì.
40Yesuí, “Pàwá wedv́ngte sèrenø̀nge? Akvt høq kv́mnøt mèv̀lnø̀ng má?” a:lòe.
41Íwe, àngmaq gvzà svreá:mì nø̀, “Yapè nø kagǿ íe má? Nv̀mbø̀ng nv̀ng tìma gø Àng kà tae,” wa vrùnge.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2025 Rvcv́ngcè Kàru Gomidi Kristu Shvngø̀mré. All Rights Reserved.