MATHE 2
2
Phajhi" Boo Mo, Yesu Ri: Re" Noku Da" Khyoo:
1Akhid" Herod khokham" da" pyaid moo Yuda mung" mo Bedlehem voogung moo Yesu bain khu: lo thang: ri yu" ge' bid thu' mung" mo phajhi" bo da" byu yi gi Yerusalem voogung moo zheung: ju" re" boem wigi 2«Khu: loo bye: da" Yuda khokham" gi kha: yoo: lha". Nya: da" kyi: ri bid thu' mung" moo ngoonu" shau" myang bye. Houg: yoomo nyang: ri noku wa ngoonu" ju" re" boem:» ga: re" tid ago".
3Herod khokham" hau: da" dang: ri shau" gyoo: lang" gi nyang: yo' Yerusalem mo mo, dangain"- seing" gyo: kho" nyid boem wigi 4Hau: byumyu" da" khainjung moo" yi yo' Tarha" sara: yi dangain" ri khe: zheung" to" lho: «Khristu ri khayoo: khu: to" boem wa lha"» Ga: nyangnu" ri myid: yu" da.
5Nyangnu" nyang: tid da" zigi «Yuda mung" mo Bedlehem voogung moo khu: loo wa nghoid» ga: tid kyo" boem. Khasu" wim gari «lapi: yi da" lo, yo' hid: su" ga: lhid" to".
6‹Yuda mung" mo nang Bedlehem we"- Yuda voogung yi tho' moo
Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi
nang mo thu' loo wa ga: wigi nyang: ri tid kyo" boem.›»
7Houg: lang" Herod gi phajhi" boo mo, ri gau" khe: yu lho: hau: kyi: zeing thu' lo da" khyoo: ri myed: yu lho: wigi 8Bedlehem khyoo nyangnu" ri nhang: kaid lho: wigi «cang yen: yu" lho: shau" myang lang" gi ngoo we' yhe: yo" noku sho' ngoori lo doem tid kyoo" kho' ge'» ga: tid kaid.
9Hau: khohkam" da" dang: bain shau" gyoo: lang" nyangnu" thu' lo ri Yu" ge' bid thu' mung" da" kyi: gi Zoonu" khu: to" joyoo eung: eung: dab sho' nyangnu" da" shid' khyoo: dayhe: lo" nyid.
10Hau: da" kyi: ri myang boem lang" gi nyangnu" gye" gau yi boem. 11Hau: yhoem: moo ju" vang lo" boem ri zoonu" yo' nya: myhi' Mari ri myang boem wigi poid thug thoug lho: nyang: ri zheung: noku boem. Nyang: tu: nya: da" sadeig ri phang lho: nyang: ri sheing:- myi: nghe' nam pyo: xu:- myi: anghe' ja: mu" ra: jhung: shug ri thoid' yu boem lho: nyang: ri to' byid: boem.
12Herod jhang khyo" adoem tau" loo" wa shid re" yhoeb' mo, moo nyangnu" ri mau lagyoo: re" tid poin" yoomo khyoo: goo" khaid khyo" nyang: nya: moug: khyoo: doem lo" byug boem bye.
13Akhid" phajhi" boo mo, lo" byug thang: ri «Yu" ge' hau: Aseing da" moug: lagyoo: dayug gi Yoseb ri yhoeb' mo, moo thu' shug wigi too' we' hau: zoonu" yo' nya: myhi' ri shu" lho: Egutu mung" khyoo: phang: we'. Ngoo nang ri doem khe: da" bidnyid ju" sho' houg: moo dalo" nyid nyid we'. Khasu" wim gari hau: zoonu" ri said pyam wa ga: Herod sho: nyid bye:» ga: tid.
14Houg: lang" Yoseb to wigi zoonu" mitang: ri myen" gam gung ri shu" thu' lho: Egutu mung" khyoo: phang: loo" bye. Herod so' she: thang da" bidnyid ju" sho' hau: mung" moo danyid nyid. 15Hau: zigi «Nga" zoo: ri Egutu mung" mo ngoo khe: yu bye» ga: wigi lapi: tid to" hau: Aseing dang: byeung" loo baja" ga: bue" loo bye.
Bedlehem Moo Zoonu" Yiri Said Da" Khyoo:
16Herod gi phajhi" boo mo, mhau' too" khare" zi si lang" nheig yo: lho: wigi phajhi" boo mo, nyang: ri toin" shid da" ayo, ri soin: yu" wigi Bedlehem voogung yo' hau: mung" goin" mo eig zain vhoo: mo yuggi zoo: yi jhoid' said pyam bye.
17Lapi: Yeremi tid to" da" dang: gi joeb byeung" loo bye.
18«Hau: uri nyang: Rama joyoo moo
kug myeing" shau" thui: gi
myeing tei" to" zi shoug" gyo: boem bye.
Rakhela nya: zoo: yi ngau nyid ri
nheig teing byu aboo ga: wigi tid to.»
Egutu Mung" Mo Nazared Khyoo Doem Lo"
19Akhid" Herod shid: lo" thang: ri Yu" ge' hau: Aseing da" moug: lagyoo: dayug gi Egutu mung" mo Yoseb jang" moo doem thu' loo bye. 20«Too' we' hau: zoonu" yo' nya: myhi' ri shu" lho: Israela mung" khyoo: doem loo" we' hau: zoonu" da" kang: ri kuang mo, shid: boem bye:» ga: re" tid. 21Houg: lang" nyang: to' wigi zoonu" yo' nya: myhi' ri shu" lho: Israela mung" khyoo: doem loo" bye.
22Nghoidloug we' Akela-u gi nya: phoo Herod da" gung thid' Yuda mung" moo khokham" doem koid nyid zi Yoseb shau" gyoo: lang" nyang: myid gyoug nyid. Hau: tho' moo yhoeb' mo, khyo" nyang ri doem toin" shid yoomo Galile mung" khyoo: nyang: lo" wigi Nazared ga: da" voogung moo danyid nyid. 23Houg: su" wigi Yesu ri «Nazared phoo ga: myheing boem wa» ga: lapi: yi tid to" dang: gi byeung" loo bye.
Actualmente seleccionado:
MATHE 2: LCL
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Lacid Bible © Bible Society of Myanmar, 2009.
MATHE 2
2
Phajhi" Boo Mo, Yesu Ri: Re" Noku Da" Khyoo:
1Akhid" Herod khokham" da" pyaid moo Yuda mung" mo Bedlehem voogung moo Yesu bain khu: lo thang: ri yu" ge' bid thu' mung" mo phajhi" bo da" byu yi gi Yerusalem voogung moo zheung: ju" re" boem wigi 2«Khu: loo bye: da" Yuda khokham" gi kha: yoo: lha". Nya: da" kyi: ri bid thu' mung" moo ngoonu" shau" myang bye. Houg: yoomo nyang: ri noku wa ngoonu" ju" re" boem:» ga: re" tid ago".
3Herod khokham" hau: da" dang: ri shau" gyoo: lang" gi nyang: yo' Yerusalem mo mo, dangain"- seing" gyo: kho" nyid boem wigi 4Hau: byumyu" da" khainjung moo" yi yo' Tarha" sara: yi dangain" ri khe: zheung" to" lho: «Khristu ri khayoo: khu: to" boem wa lha"» Ga: nyangnu" ri myid: yu" da.
5Nyangnu" nyang: tid da" zigi «Yuda mung" mo Bedlehem voogung moo khu: loo wa nghoid» ga: tid kyo" boem. Khasu" wim gari «lapi: yi da" lo, yo' hid: su" ga: lhid" to".
6‹Yuda mung" mo nang Bedlehem we"- Yuda voogung yi tho' moo
Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi
nang mo thu' loo wa ga: wigi nyang: ri tid kyo" boem.›»
7Houg: lang" Herod gi phajhi" boo mo, ri gau" khe: yu lho: hau: kyi: zeing thu' lo da" khyoo: ri myed: yu lho: wigi 8Bedlehem khyoo nyangnu" ri nhang: kaid lho: wigi «cang yen: yu" lho: shau" myang lang" gi ngoo we' yhe: yo" noku sho' ngoori lo doem tid kyoo" kho' ge'» ga: tid kaid.
9Hau: khohkam" da" dang: bain shau" gyoo: lang" nyangnu" thu' lo ri Yu" ge' bid thu' mung" da" kyi: gi Zoonu" khu: to" joyoo eung: eung: dab sho' nyangnu" da" shid' khyoo: dayhe: lo" nyid.
10Hau: da" kyi: ri myang boem lang" gi nyangnu" gye" gau yi boem. 11Hau: yhoem: moo ju" vang lo" boem ri zoonu" yo' nya: myhi' Mari ri myang boem wigi poid thug thoug lho: nyang: ri zheung: noku boem. Nyang: tu: nya: da" sadeig ri phang lho: nyang: ri sheing:- myi: nghe' nam pyo: xu:- myi: anghe' ja: mu" ra: jhung: shug ri thoid' yu boem lho: nyang: ri to' byid: boem.
12Herod jhang khyo" adoem tau" loo" wa shid re" yhoeb' mo, moo nyangnu" ri mau lagyoo: re" tid poin" yoomo khyoo: goo" khaid khyo" nyang: nya: moug: khyoo: doem lo" byug boem bye.
13Akhid" phajhi" boo mo, lo" byug thang: ri «Yu" ge' hau: Aseing da" moug: lagyoo: dayug gi Yoseb ri yhoeb' mo, moo thu' shug wigi too' we' hau: zoonu" yo' nya: myhi' ri shu" lho: Egutu mung" khyoo: phang: we'. Ngoo nang ri doem khe: da" bidnyid ju" sho' houg: moo dalo" nyid nyid we'. Khasu" wim gari hau: zoonu" ri said pyam wa ga: Herod sho: nyid bye:» ga: tid.
14Houg: lang" Yoseb to wigi zoonu" mitang: ri myen" gam gung ri shu" thu' lho: Egutu mung" khyoo: phang: loo" bye. Herod so' she: thang da" bidnyid ju" sho' hau: mung" moo danyid nyid. 15Hau: zigi «Nga" zoo: ri Egutu mung" mo ngoo khe: yu bye» ga: wigi lapi: tid to" hau: Aseing dang: byeung" loo baja" ga: bue" loo bye.
Bedlehem Moo Zoonu" Yiri Said Da" Khyoo:
16Herod gi phajhi" boo mo, mhau' too" khare" zi si lang" nheig yo: lho: wigi phajhi" boo mo, nyang: ri toin" shid da" ayo, ri soin: yu" wigi Bedlehem voogung yo' hau: mung" goin" mo eig zain vhoo: mo yuggi zoo: yi jhoid' said pyam bye.
17Lapi: Yeremi tid to" da" dang: gi joeb byeung" loo bye.
18«Hau: uri nyang: Rama joyoo moo
kug myeing" shau" thui: gi
myeing tei" to" zi shoug" gyo: boem bye.
Rakhela nya: zoo: yi ngau nyid ri
nheig teing byu aboo ga: wigi tid to.»
Egutu Mung" Mo Nazared Khyoo Doem Lo"
19Akhid" Herod shid: lo" thang: ri Yu" ge' hau: Aseing da" moug: lagyoo: dayug gi Egutu mung" mo Yoseb jang" moo doem thu' loo bye. 20«Too' we' hau: zoonu" yo' nya: myhi' ri shu" lho: Israela mung" khyoo: doem loo" we' hau: zoonu" da" kang: ri kuang mo, shid: boem bye:» ga: re" tid. 21Houg: lang" nyang: to' wigi zoonu" yo' nya: myhi' ri shu" lho: Israela mung" khyoo: doem loo" bye.
22Nghoidloug we' Akela-u gi nya: phoo Herod da" gung thid' Yuda mung" moo khokham" doem koid nyid zi Yoseb shau" gyoo: lang" nyang: myid gyoug nyid. Hau: tho' moo yhoeb' mo, khyo" nyang ri doem toin" shid yoomo Galile mung" khyoo: nyang: lo" wigi Nazared ga: da" voogung moo danyid nyid. 23Houg: su" wigi Yesu ri «Nazared phoo ga: myheing boem wa» ga: lapi: yi tid to" dang: gi byeung" loo bye.
Actualmente seleccionado:
:
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Lacid Bible © Bible Society of Myanmar, 2009.