Revelesen 9
9
Nilm'a ensel iv natavan--Tapat avandan al tah p'arei
1Sarei, nilm'a ensel iv natavan. Laha, nla msi iamk irs dan eia kadama arna nadep'. Laha, atu kii na tah lil ani, la ip'arei dav'a dav'a ha. 2#Ap'u 19:28.Naran iela tah p'arei lahara, ienap' idan al tah kadama eia inep'a uaven lil iamk. Laha, neiel m'a p'knaran ima kadam't, sena ienap' idan al tah p'arei. 3#Avruh 10:12-15.Laha, tapat avandan al ienap' lahara kavrama arna nadep'. Atu nut hua anr inep'a nut hua skupiun avlak arna nadep'. 4#Esikiel 9:4.Laha, avr anr a ti amavutakm a nina arna nadep', v'aha si kinkin ihshsen, v'aha nai kinkin, v'eti apavutakm anr m'ertu uaki la mak iv'i nkan Atua iahter arna tana nahr ha. 5Ahatu nut hua anr a ti apavrpep'n m'ertu lera, v'eti apavanp'ilanr uaki nal ipalm'. P'ak m'ertu lera irer inep'a naran skupiun iha m'ertu. 6#Sup 3:21; Seremaia 8:3.Arna naran lera m'ertu apavtala m'ien, v'eti akavpaslei. Apavrn ti apavram'a, v'eti m'ien iparuh asnr.
7 #
Suil 2:4. Tapat lahara avrla ti avnep'a hus andedp'r a ti apavan naur. Arna ptr avrla ti avua manu p'as iv'i kul. Nahr inep'a nah m'ertu. 8#Suil 1:6.Nil ptr inep'a nil pt tav'et. Lur inep'a lu laiun. 9#Suil 2:5.Avua sat avrla ti iv'i aian. Tna nil heiar inep'a tna kat na naur inelnal avvrvr a ti apavan naur. 10Vlir inep'a vli skupiun la irndu ti ipaha natei. Nut huar iak a ti apavshs m'ertu a vlir kavanp'ilanr nal ipalm'. 11Mlinar iak iv'i mlin na tah p'arei lahara. Nahan arna v'nen a Isrel iv'i Apatun, v'eti arna v'nen a Kris iv'i Apuliun.
12Der iamk ihiris, v'eti pavrni, der iparu ipama uam ipatauatah.
Lm'sei na ensel iv natavan--Aulullar ensel arv'a ahudar asn naui lil iv'i Iuvretis
13 #
Avruh 30:1-3. Sarei, lm'sei na ensel iv natavan. Laha, nrn nadl iamk idan al kuma pluk iv'a iter arna nev'etet, iv'i kul, kadater arna nahn Atua. 14Kavr a lm'sei na ensel la iua natav ha, kavr ti a, “Pulullar ensel iv'a ahudar asn naui lil, nahan iv'i Iuvretis.” 15Laha, aulullar ensel arv'a, la atendedp' sarar a ti apavrpep'n nitla m'ertu udlani arna nadep', arna m'etaneiel nen m'a napn nen m'a nal nen m'a pai nen. 16Aspanr m'rnur udlani avlak arna hus avv'i tu antret miliun (200,000,000). Kana nrn ti aspanr inap'i lera. 17Naran nla sei, nla hus m'er m'ertu avlak aranar avnap'i laha. Avua sat iv'i aian, im'iel inep'a nep'v'en, kaplu inep'a plustun, kadauas inep'a salva. Pt husar inep'a pt laiun. Nep'v'en, ienap' m'a salva idan al navar. 18Sei itl lera, iv'i nep'v'en, ienap' m'a salva, la idan al navar ha, irpep'n nitla m'ertu udlani arna nadep'. 19Sena ti nut hua iak al navar m'a vlir a ti apavrp m'ertu. Sena ti vlir inep'a nmat, ptr iak, avrp m'ertu ani.
20 #
Npin 115:4-7; 135:15-17; Taniel 5:23. V'eti duanar m'ertu la ahavrpr a der lera ha, hir ahavvav v'ahienar, avpata sei avani a lm'ar uam. Avpata m'im'iln stu m'a aitul avani a kul, silva m'a aian v'il, nav'et v'aha nai. Si lera iarndu ti ipala sei, iarndu ti iparn sei, iarndu ti ipav'el. 21Ahavvav v'ahienar kavrn istu sena ti avrp m'ertu, kavan paria tiet, kavan si stu m'a tav'et, kavv'nah sei.
Actualmente seleccionado:
Revelesen 9: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
