Mataayo Ʉtagaalizyo
Ʉtagaalizyo
Ɨshitaabu ɨshi shahasimbwilwe nʉ Mataayo ʉyo ahali nʼsontwa wa Yeesu mu bhasontwa bhaala ishʉmi na bhabhɨɨlɨ. Ɨnsɨɨbho ɨzya‑asimbe ɨshitaabu ɨshi zyahali hubhakhajiilizye aBhayahuudi huje ʉYeesu yʉ Mʼfyʉli (ʉKilisiti) ʉyo ʉNgʉlʉbhɨ ahalapile hunʼsonteelezye hwa bheene. ɄNgʉlʉbhɨ ahayanjile huje ʉMʼfyʉli ahayifuma mu shikholo ɨsha mwɨnɨ ʉDaudi. Sha shɨɨsho ʉMataayo atagaliiye asimbe ɨshikholo sha Yeesu hu wandilo wɨ shitaabu ɨshi. Mu shitaabu ɨshi ʉMataayo ayanga huje, ashilile mwa Yeesu gafumiiye gonti ɨgo bhahayanjile abhakuwi abha mwi‑Ilagano ɨlyɨ Mandɨ. Nantele ʉMataayo akhajiilizya huje, ʉwumwɨnɨ ʉwa hu mwanya wa bhantu abha mu nsi zyonti ɨbho bhapɨnduushe.
Mu shitaabu ɨshi, ʉMataayo ahutibhʉʉzya ɨvilaale ɨvyɨ wʉʉmi ʉwa Yeesu afume hu wandilo afishe hu malishilo, ahwande apaapwe hwakwe, ʉlwozyo na‑ajelwe nʉ Seetano. Nantele ahutibhʉʉzya ɨmbombo zyakwe ɨzya‑alʉmbɨɨlɨle, ɨmanyizyo na hubhaponie abhantu mu Galilaaya. Ayanga ɨnshʉʉla ya Yeesu afume mu Galilaaya afishe mu Yelusaleemu, nɨ‑ɨgo gahafumiiye ʉlʉngʉ ʉgwa hu malishilo wɨ wʉʉmi waakwe mu nsi. Ɨshitaabu ɨshi hu malishilo shimama ɨnongwa ɨzya‑akhomeelwe mu shikhobheehanyo na‑azyʉshe hwa Yeesu nɨ ndajizyo ɨngoosi hwa bhooziwa, hubhalʉmbɨɨlɨle abhantu abha mu nsi zyonti huje bhabhe bhasundwe.
Ɨmbaatiho ɨzyɨ shitaabu ɨshi
1:1-2:23 Apaapwe hwa Yeesu ʉKilisiti
3:1-4:25 ɄYeesu ahwanda alʉmbɨɨlɨle
5:1-7:29 Ɨmanyizyo zya Yeesu hwi‑igamba
8:1-9:38 ɄYeesu ahubhaponia abhantu abhinji na‑amanyizye ɨmanyizyo ɨnjenu
10:1-12:50 ɄYeesu ahubhasonteelezya abhasundwe na‑adaliihane na Bhafalisaayo
13:1-19:30 ɄYeesu amanyizya ɨzyɨ wumwɨnɨ ʉwa hu mwanya
20:1-21:46 ɄYeesu atʉʉha mu Yelusaleemu na‑atʉʉshe mu lubhaga ʉlwɨ nyumba ɨmfinjile ɨya Ngʉlʉbhɨ
22:1-23:39 ɄYeesu alolesya ikhone lyakwe
24:1-25:46 ɄYeesu ayanga hu nongwa yɨ malabha agɨ nsiku ɨzya hu malishilo
26:1-27:66 ɄYeesu akhatwa na‑akhomeelwe pa shikhobheehanyo
28:1-20 Azyʉshe hwa Yeesu
Actualmente seleccionado:
Mataayo Ʉtagaalizyo: SBK
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2022, Wycliffe Bible Translators, Inc. All rights reserved.