Génesis 35:11-12
Génesis 35:11-12 MEH
Jee suni nkachiꞌ Ndiosíꞌ nu̱u̱nꞌ re̱ꞌ: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Nataꞌviꞌ víꞌí ka̱ꞌ jee kukueꞌeꞌ ka̱ꞌ ichiyúkúnꞌ nú, jee kene nu̱u̱nꞌ noꞌó ɨɨn nación jín kue̱ꞌe̱ꞌ víꞌí rá ñuunꞌ. Jee ne̱ nu̱u̱nꞌ yɨkɨkúñu nú kene rá ichiyúkúnꞌ nú ya̱ kuvi rá te̱e tatúníꞌ. Jee ñuꞌun ya̱ njia̱ꞌa ni̱ꞌ nu̱u̱nꞌ Abraham jín nu̱u̱nꞌ Isaac, jee suni táji ni̱ꞌ maa nu̱u̱nꞌ nú, jee suni ku̱ꞌva ni̱ꞌ maa nu̱u̱nꞌ rá ichiyúkúnꞌ nú ―nkachiꞌ Ndiosíꞌ nu̱u̱nꞌ Jacob.
Biblia App
Biblia App para Niños
