मत्ती 8

ईसु कुड़गा रोगियाय चिकन तेडा

(मरकुस 1:40-45; लूका 5:12-16)

1हेना वरी ईसु हेना बुरू वरिय अगड़ू एना, तहाँ भीड़ रेनकू होड़कू हेंय तयोम तेकू सेनतेडा। 2मियाँहोड़ कुड़गा तनय होड़ हेना रे मेजकेन ते ईसुय जोहार वडा, अवुरिय कहनी तेडा, “ओ परभु, अगर अम चहोः रेदो, इंञ मी सुद्ध सकोआ।” 3हेना वरी ईसु तीत सुहरू केते हेंयिय छुयों#8:3 कुड़गा रोगियाकू छुयों रेदो असूधुआ मेनते होड़कू हेंकू वरी कू ञींर दोहो एनु, हेंडे रेहो ईसु तीत सुहरू केतेय छुवों तेडिया। तेडिया, अवुरिय कहनी तेडा, “इंञ चहोः तना, अम सूधुः मी।” हेना वरी हेंय राः कुड़गा रोग तुरेत्ते सुद्ध यनु। 4हेना वरी ईसु हेंय थरेय कहनी तेडा, “अँजोमेमू, कनय थरे अलोम लाय बेड़ायू, सींड़कू मड़ंग रे सखिया गोवाह होयाः लगड, सेनकोःते आजक मी तिःवा। कुड़गा वरी चिकानुअय लगड भगवान मूसा थरे नियामिय एमतेडा, हेना राः अनुसार ते पुजम एमू।”

मियाँहोड़ दरोगा राः बिसवास

(लूका 7:1-10; एहुन्‍ना 4:43-54)

5हेना वरी ईसु कफरनहूम सहर रेय मेजेना, हेना रे मियाँहोड़ दरोगा#8:5 नेय दरोगा सव झन सिपाहिकू रेनिय अधिकारिय दोहो एना, नेय दरोगा रोमि देस रेनिय नागरिक हवे। मेजकेन ते हेंय थरेय गोड़ेन मुड़ेन एना, 6“ओ परभु, ईञाअय नोकर लवका रोग ते अखीरिय दुख केनते ओड़ाः रेय पड़ो केना।” 7हेना वरी ईसु हेंय थरेय कहनी तेडा, “इंञ मेजकोःते हेंयिंञ चिकानिया।” 8तहाँ दरोगा जबाब तेडा, “ओ परभु, इंञ नआँ लायिक कोवाञाँ कि अम इंञ ओड़ाः रेम मेजुऊ, लेकिन अम मेन वरी मियाँ अखर मी टेबोः गोत्ते रेदो, ईञाअय नोकर चिकानु अयू। 9कहेकि इंञ हो कनय राः सीमांञ रखोआ, अवुर सिपाहिकू हो ईञाः सीमा कू रखो। कनय थरेंञ कहनियू, ‘जू’ मेंडे रेदोय चलोआ, अवुर मेजुः मी मेंडे रेदोय मेजुआ। अवुर ईञाअय कनय हरवाह हो नअँम काम मेनतेंञ कहनी वय रेदोय कामेआँ। ईञाः भरोसा इदाना कि अमाः टेबोः रे सक्‍ति इदाना।”

10हेना वरी ईसु नआँ टेबोईय अँजोम केतेय अहचरज यनु, तहाँ अनेज तयोम तेकू से-ने दोहोएन हेंकू थरेय कहनी तेडा, “इंञ सही मेते अपे थरेंञ कहनी यडा, इसरायिल रेहो नआँ घियाआ बिसवास मेनेंञ ञेंलगाडा। 11#लूका 13:29इंञ अपे थरेंञ कहनी यडा, पुरूब अवुर पछु हनवरी अखीर होड़कू मेजकोःते, अबराहम अवुर इसहाक अवुर एकूब सुदा सरग राज रेकू दुड़ूबा। 12#मत्ती 22:13; 25:30; लूका 13:28लेकिन राज रेनकू चोंडिजकू#8:12 राज रेनकू चोंडिजकू मतलोब भगवान राः राज राः हँक ञँम लगड मोका इदान हेंकू एहूदिकू, मेनेकू बिसवासे रेदो बहेर अंधरा ओत हनतेकू एर ढोकलोआ, , बहेर अंधरा ओत हनतेकू एर ढोकलोआ, हेना रे हेंकू ईयामा कू अवुर तिरींग तुकुकू लुकड़ूमा।” 13तहाँ ईसु दरोगाय कहनी वडू, “जू, जेयसे अमाः बिसवास इदाना, हेन घयते होयाऊ।” अवुर हेंय रेनिय नोकर हेनेन तोलोगिय चिकन यनु।

ईसु अखीर रोगिया कुय चिकन तेडा

(मरकुस 1:29-34; लूका 4:38-41)

14हेना वरी ईसु पतरस ओड़ाईय सेनेन रे पतरस हनहार जार लेनताडिय तोलोगिय सेन ञँमतेडिया। 15हेना वरी हेंय तीय छुवों तेडा, अवुर हेंय राः जार तुरेत्ते अगड़ू यनु, अवुर हेंय तुरेत्ते रिमकेनते आदर भोजन कू लगाडिय भिड़ो यनु। 16सिंगड़ एन तहाँ, जे जे थरे भूत परेतकू लगो तना, हेंकू अखीर होड़कू ईसु थरे कू इदी तेडकुआ, अवुर हेंकू भूत परेतकू, ईसु मियाँ अखारिय कहनी तेड सी कू उडूंग यनु; अवुर रोगियाकू भर दोय चिकन तेडकुआ। 17ताकि एसायाह भविस्यवक्‍ता राः दोवारा ते नआँ घयतेय कहनी तडा टेबोः पूरा होयाऊ, “हेंय अबू राः कमजोरी अवुर बेमारिय जोला लगड अनेज उपर रे कमजोरी अवुर बेमारिय रिमतेडा।” #एसा 53:3,4

ईसु रेनिय चेला बनोअय होड़

(लूका 9:57-62)

18हेना वरी ईसु चरियो गतर हँडे भीड़िय ञेंलकेते चेला कुतय समुन्धर वरी मेना परोम हनतेबू चलोऊ मेनतेय कहनी वडकू। 19तहाँ मियाँहोड़ एहूदी नियम चेचेडय ठाँव रे मेजकेन ते ईसु थरेय कहनी तेडा, “ए गुरू, जहाँ ना अम सेनुआँ, इंञ अम तयोम तेंञ से-नेआँ।” 20तहाँ ईसु हेंय थरेय कहनी तेडा, “बुवाः लगड लात अवुर अगस तेनकू तितीजकू लगड तुका दोहोना; लेकिन होड़ होपोन लगड भोः छहयों मेन्हों जघा कोवाआ।” 21हेना वरी अवुर मियाँहोड़ चेला कहनी तेडा, “ओ परभु, पहील ते अपुंञ हर लगड इकम गोडवंञ मी।” 22ईसु हेंय थरेय कहनी तेडा, “अम इंञ तयोम तेम से-ने, गोजकेन हेंकू अकू राः लास मी एनेम हरवा कू।”#8:22 जे होड़ थरे भगवान उपर रे बिसवास कोवाआ, अवुर अनन्त जीवन राः हँकदार कोवा कुआ, हेंकू भगवान राः नँजेर रे गोजकेनकू घयगी अकू, न घियाःकू अनेज राः लास मी एनेम हरवा कू मेनतेय कहनी वताना।

गरा घटाय थबदो तेडा

(मरकुस 4:35-41; लूका 8:22-25)

23हेना वरी ईसु डोंगा रेय रकब एना, तहाँ चेला कुतय हो हेंय तयोम तेकू सेनतेडा। 24तहाँ समुन्धर रेकू दोहोएन तोलोग अचाकते एतना गरा घटा रिमेना कि हिलकोस एन हेना, डोंगा रे बोल दोहो एनु। अवुर ईसु दोय गितीज दोहो एनु। 25हेना वरी चेलाकू बँदेत रे मेजकेन तेकू रिमतेडिया, अवुर कू कहनी वडियू, “ओ परभु, बंचो बुमू, अबू नासुः तनाबू।” 26तहाँ हेंय हेंकू थरेय कहनी तेडा, “ए कमजोर बिसवासिकू, ची लगड पे बोर तना?” तहाँ ईसु रिमकेनते गरा घटा अवुर दाः हिलकोसुः हेनाय दबेट तेडा, अवुर सगोर थबदो यनु। 27अवुर हेंकू अहचरज यन तेकू कहनियू, “नेय करा घियाअय होड़ हवे? गरा घटा अवुर दाः घली नेय राः टेबोः अँजोमेआँ!”

ईसु भूतकू लगोतन हेंकीञिंय चिकन तेडा

(मरकुस 5:1-20; लूका 8:26-39)

28ईसु समुन्धर वरी मेना परोम गदरेनिकू देस रेय सेनेना, तहाँ बा होड़ थरे भूतकू लगोतन हेंकींञ, मरघटी वरी सेनकेन ते हेंय सुदा कींञ जूमो एना। हेंकींञ एतना डरडरवन तेकींञ दोहो एना कि होड़कू हेना होर ते मेने कू सेन बेड़ाऊ। 29अवुर हेंकींञ ईसु ञेंलकेते अहीज केनते कींञ कहनी तेडा, “ए, भगवान होपोन! अले राः अम थरे ची काम इदाना? अम अले समय वरी पहील ते सजा ओवा ले लगड मी मेजकेना किदो?” 30हेंकींञ वरी दमभराआ सँगिंञ रे मियाँ लेहँड़ सुकरिकू बुरू रेकू चरोः दोहो एनु। 31भूतकू ना याःते ईसु थरे गोड़े पय्याँ केनतेकू कहनी तेडा, “अगर अम नेकींञ वरिम उडूंग यडले रेदो, मेकू सुकरिकू राः लेहँड़ रेम कुल गोत्तेले।” 32तहाँ ईसु हेंकू भूतकू थरेय कहनी तेडा, “जू चलोः पे!” हेना वरी हेंकू भूतकू हेंकींञ वरी उडूंग केनते, हेंकू सुकरिकू थरे कू झपटो एना। हेना वरी हेंकू सींड़ लेहँड़ रेनकू हुंको सेनकेनते करखा वरी दाः रेकू डुबो गोजियानू। 33हेना वरी सुकरी चरवाहकू ञींरेना कू, अवुर सहर रे सेनकेनते नआँ सींड़ टेबोः अवुर जे थरे भूतकू लगो तना, हेना सींड़ हाल कू लाय तेडा। 34तहाँ हेना सहर रेनकू सींड़ होड़कू ईसु सुदा जुमोः लगड कू सेनेना, अवुर हेंय ञेंलते सींड़कू “अले सिवन वरी चलोःमी” मेनते ईसु थरे कू गोड़े पय्याँ एना।

Actualmente seleccionado:

मत्ती 8: ksz

Destacar

Comparar

Copiar