मत्ती 28

ईसु जियो रिमेनायू

(मरकुस 16:1-10; लूका 24:1-12; एहुन्‍ना 20:1-10)

1सब्द राः दिन बितो केन रे, मतलोब एतवार देवह एकदम ञींदाते मगदल रेनिय मरियोम अवुर एनेटागी मरियोम मरघटी ञेंल कींञ सेनेना।#मत्ती 27:56; लूका 8:2 2हेन तोलोग अचाकते भुईडोल होया एना, कहेकि परभु रेनिय मियाँटंग सरगदूत सरग वरिय अगड़ू एना, अवुर दिरी अड़ी केडते हेन अगस रेय दुड़ूब यनु। 3हेंय राः रूप बिजली घयते चमकोः दोहो एनु, अवुर कपड़ा तय पला घयते पुंडी दोहो एना।#एहुन्‍ना 20:12 4पहरदारकू हेंय ञेंलते बोर तेकू एखलाः दोहो एनु, अवुर बेहोस यन तेकू गोज लठूम यनु। 5सरगदूत कोड़ीकींञ थरेय कहनी तेडा, “अलोबा बो-रू,#मत्ती 14:27 इंञ पपाड़ी तनाञूँ कि अबा कुरूस रेकू ठोको गोजतेडिया ईसु बा छपा बेड़ा यडा। 6हेंय नआँ रे कोवाया; हेंय जेयसेय टेबोः तडा हेन घयतेय जियो रिमकेना, दाव भला परभु कू दोहो तडा, हेना जघा बा ञें-लू। 7अबा हलिते सेनकोःते चेला कुतय बा लायवा कि हेंय गोजतन वरिय जियो रिमकेना, अवुर हेंय अपे वरी मड़ंग ते गलील रेय सेनुआ, अपे हें-डेपे ञेंलेया, इंञ अबा थरेंञ लाय गोत्ते तना।”

कोड़ीकींञ ईसु कींञ ञेंलवाडा

8तहाँ मरघटी वरी हलिते कींञ चलो यनु, अवुर हेंकींञ बोर ते अवुर खुसी राः मार ते, चेलाकू खभेर लाय वकू लगड कींञ हुँको चलो एना। 9हेंकींञ हुँको चलोः दोहो एनु, हेनेन तोलोग ईसु हेंकींञ सुदाय जुमो एना,#एहुन्‍ना 20:14-18 अवुर “अपे सान्ति ञँमुऊ” मेनतेय कहनी वडकिञूँ। तहाँ हेंकींञ बँदेत रेकींञ सेनेना, अवुर आँख मुँह राः बल ते लोजोर केनते कटत सबकेड तेकींञ आराधना तेडिया। 10तहाँ ईसु हेंकींञ थरेय कहनी तेडा, “अलोबा बो-रू, अबा ईंञाःकू भाईकू#मत्ती 12:50; मरकुस 3:34; एहुन्‍ना 20:17; रोमि 8:29; इबरानी 2:11-13,17 थरे सेनकोःते गलील रे सेनुः लगड बा कहनी वकू, इंञ हें-डेकू ञेंलेञाँ।”

पहरदारकू सूचना कू एमतेडा

11हेंकींञ चनालोः दोहो एनु, हेन तोलोग कुछ पहरदारकू सहर रे सेनकेनते बड बडे आजककू थरे जो कुछ होया तना, हेना घटना सगोरकू लाय तेडा। 12तहाँ बड बडे आजककू सपायँड़कू सुदा कू जवर एना, अवुर मतर केनते सिपाहिकू अखीर पेयसा कू ओवडकू दोहो एनु, अवुर कू कहनी वडकू, 13“अले गितीज तन तोलोग चेला कुतय चोरा गोःयाडिया मेनते पे लाये।#मत्ती 27:64 14अगर नआँ टेबोः रोमि अधिकारी अँजोमे, रेदो अले समझो विया ले, अवुर अपे नआँ फरफंद वरी ले बंचो पेआ।” 15तहाँ हेंकू पेयसा तिला केते जेयसे कू लाय वडकुआ, हेन घयतेकू काम तेडा; अवुर नआँ टेबोः एहूदिकू थरे अब मेनते फयलो बगी केना।

ईसु चेला कुय हुकूम वडा

(मरकुस 16:14-18; लूका 24:36-49; एहुन्‍ना 20:19-23; परेरित 1:6-8)

16तहाँ ग्यारह झन चेलाकू ईसु जुमोः लगाडिय कहनी वडकू दोहो एनु, हेना बुरू रेकू सेनेना, अवुर हेना गलील रेआ।#मत्ती 26:32; 28:7,10; मरकुस 14:28 17हेंकू ईसु कू ञेंलतेड तहाँ अँख मुँह राः बल ते लोजोर केनतेकू आराधना तेडिया, लेकिन कोई कोई दोकू संखा तेडा। 18तहाँ ईसु हेंकू थरे मेजकेन तेय कहनी तेडा, “सरग अवुर धरती राः सींड़ ईञाः हाँथ गाँथ रेय एमकेडा।#दानि 7:13,14; एहुन्‍ना 3:35; इफि 1:20-22; फिलि 2:9,10 19हेनाते अपे जू, सगोर जात रेनकू ईंञाःकू चेला कुपे बनो कू;#एसा 49:6 अवुर हेंकू अपा अवुर होपोन तू अवुर पवितर आत्मा राः ञुमू ते बतिस्मा पे ओवाकू।#परेरित 1:8; रोमि 6:3,4; गला 3:27; कुलु 2:12 20अवुर हेंकू अपेंञ हुकूम वड हेना, सगोर मनोवे लगड पे चेडकू#एहुन्‍ना 14:26; परेरित 2:42 अवुर अँजोम तपे, इंञ दुनियाँ राः अखरी अँगम हमेसा अपे सुदाञाँ।”#बेवस्था 21:6; 1 राजा 8:57; मत्ती 18:20; परेरित 18:10

Actualmente seleccionado:

मत्ती 28: ksz

Destacar

Comparar

Copiar