SEPANIA 2
2
Ubuk Pad Ideh Pian Uren
1O bawang luk na kali' migu', do' muyuh tumui, 2kareb nateh muyuh melayuh idi maté mepad kudeng busak bunga', pa kiung useh Tuhan luk macing nemuyuh, idi kareb nateh aco luk inanNeh ngegala' usehNeh macing. 3O amung muyuh lun luk mebeneh niat bang bawang ini, luk maya' ukumNeh, do' amé' inan Tuhan. Do' nganau' luk matu dengan mebeneh niat, pad muyuh mepuit lek kareb aco luk inan Tuhan ngegala' usehNeh.
Ukum Kuan Amung Pupu Luk Libut-Libut Israil
4Seburur pana' nateh luk ketecan déi' bawang Gasa. Askelon miak tacin. Bang setangal aco mo' lun Asdod miak uen ngusu, idi lun Ekron miak tebanen. 5Muyuh lun Pilistin luk tudo tangeb abpa' rayeh na miak na kumin. Tuhan pangeh nemutut ukum kuan muyuh. Ieh miak ngaté nemuyuh pad seburur pana' nateh luk ketecan. 6Tana' muyuh luk tangeb abpa' rayeh miak mangun ku laman dumba. 7#Yes 14.29–31; Yer 47.1–7; Yeh 25.15–17; Yo 3.4–8; Am 1.6–8; Sek 9.5–7 Lun Yahuda luk mulun miak tebawang luun tana' muyuh. Ideh miak nganau' laman kuan dumbadeh su ineh, idi ideh miak rudap bang ruma'-ruma' déi' Askelon. Tuhan Allahdeh miak ngedengan nedeh, pad ideh uen ngeperuan teh.
8 #
Yes 15.1—16.14; 25.10–12; Yer 48.1–47; Yeh 25.8–11; Am 1.13–15; Yer 49.1–6; Yeh 21.28–32; 25.1–7 Kebala Tuhan luk Melalud, “Ui pangeh neninger nelun Moab idi lun Amon ngedat idi situnga na pupuKu, idi pebala dengan medita' niat ratnan kudeng apeh ideh miak ngalap tana'deh. 9#Pud 19.24 Ui ini Allah lun Israil luk mulun, pebulung ku ulunKu, kebulungKu, ‘Moab idi Amon miak uen ngusag, mepad kudeng Sodom idi Gemora. Bawang ineh mangun ku su luk inan uduh luk dat, idi su luk inan lubang tucu' idi usag luk meruked. PupuKu luk mulun miak ngaro dueh bawang ineh idi ngalap tana'deh.’ ”
10Lun Moab idi lun Amon miak kumin kudeng ineh, ngaceku ideh pebala dengan medita' niat, idi nesitunga nan pupu Tuhan luk Melalud. 11Tuhan miak ngatot nedeh. Ieh miak nala' amung kang tana' ini, pad na luk ketecan, idi anid-anid pupu miak sembayang Neneh bang bawangdeh sebuleng.
12 #
Yes 18.1–7
O muyuh lun Sudan! Muyuh pana' pitayen Tuhan.
13 #
Yes 10.5–34; 14.24–27; Nah 1.1—3.19 Tuhan miak makai laludNeh pelé Asur uen ngusag, ieh ineh bawang luk pa tinueh busat aco. Ieh miak ngusag bawang Ninewé, pad ieh tacin idi mangun ku su luk ali-ali luk na abpa'. 14Dumba idi sapi' dengan pung luk baken-baken pana' miak telubid su ineh. Puek miak mulun arang usag bawang ineh idi muni-muni ratnan tabuk. Bungkak muni-muni ratnan munung tanga'. Kayuh tumuh miak lapen ratnan ruma' bawang ineh. 15Ini luk miak mangun kuan bawang luk medita' niat ngaceku ratnan laludneh, idi luk ngerawé na inan susa'. Lun bang bawang ineh ngerawé bawangdeh luk meluun rayeh bang tana' ini. Ieh miak mangun ku bawang luk tican su luk inan pung luk meliput ngato erurdeh. Idé-idé luk lemaba su ineh miak matot idi situnga neneh.
Actualmente seleccionado:
SEPANIA 2: BLD
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
BALA LUK DO' Lun Bawang Bible © The Bible Society of Malaysia 1982, Second Edition 1998.
SEPANIA 2
2
Ubuk Pad Ideh Pian Uren
1O bawang luk na kali' migu', do' muyuh tumui, 2kareb nateh muyuh melayuh idi maté mepad kudeng busak bunga', pa kiung useh Tuhan luk macing nemuyuh, idi kareb nateh aco luk inanNeh ngegala' usehNeh macing. 3O amung muyuh lun luk mebeneh niat bang bawang ini, luk maya' ukumNeh, do' amé' inan Tuhan. Do' nganau' luk matu dengan mebeneh niat, pad muyuh mepuit lek kareb aco luk inan Tuhan ngegala' usehNeh.
Ukum Kuan Amung Pupu Luk Libut-Libut Israil
4Seburur pana' nateh luk ketecan déi' bawang Gasa. Askelon miak tacin. Bang setangal aco mo' lun Asdod miak uen ngusu, idi lun Ekron miak tebanen. 5Muyuh lun Pilistin luk tudo tangeb abpa' rayeh na miak na kumin. Tuhan pangeh nemutut ukum kuan muyuh. Ieh miak ngaté nemuyuh pad seburur pana' nateh luk ketecan. 6Tana' muyuh luk tangeb abpa' rayeh miak mangun ku laman dumba. 7#Yes 14.29–31; Yer 47.1–7; Yeh 25.15–17; Yo 3.4–8; Am 1.6–8; Sek 9.5–7 Lun Yahuda luk mulun miak tebawang luun tana' muyuh. Ideh miak nganau' laman kuan dumbadeh su ineh, idi ideh miak rudap bang ruma'-ruma' déi' Askelon. Tuhan Allahdeh miak ngedengan nedeh, pad ideh uen ngeperuan teh.
8 #
Yes 15.1—16.14; 25.10–12; Yer 48.1–47; Yeh 25.8–11; Am 1.13–15; Yer 49.1–6; Yeh 21.28–32; 25.1–7 Kebala Tuhan luk Melalud, “Ui pangeh neninger nelun Moab idi lun Amon ngedat idi situnga na pupuKu, idi pebala dengan medita' niat ratnan kudeng apeh ideh miak ngalap tana'deh. 9#Pud 19.24 Ui ini Allah lun Israil luk mulun, pebulung ku ulunKu, kebulungKu, ‘Moab idi Amon miak uen ngusag, mepad kudeng Sodom idi Gemora. Bawang ineh mangun ku su luk inan uduh luk dat, idi su luk inan lubang tucu' idi usag luk meruked. PupuKu luk mulun miak ngaro dueh bawang ineh idi ngalap tana'deh.’ ”
10Lun Moab idi lun Amon miak kumin kudeng ineh, ngaceku ideh pebala dengan medita' niat, idi nesitunga nan pupu Tuhan luk Melalud. 11Tuhan miak ngatot nedeh. Ieh miak nala' amung kang tana' ini, pad na luk ketecan, idi anid-anid pupu miak sembayang Neneh bang bawangdeh sebuleng.
12 #
Yes 18.1–7
O muyuh lun Sudan! Muyuh pana' pitayen Tuhan.
13 #
Yes 10.5–34; 14.24–27; Nah 1.1—3.19 Tuhan miak makai laludNeh pelé Asur uen ngusag, ieh ineh bawang luk pa tinueh busat aco. Ieh miak ngusag bawang Ninewé, pad ieh tacin idi mangun ku su luk ali-ali luk na abpa'. 14Dumba idi sapi' dengan pung luk baken-baken pana' miak telubid su ineh. Puek miak mulun arang usag bawang ineh idi muni-muni ratnan tabuk. Bungkak muni-muni ratnan munung tanga'. Kayuh tumuh miak lapen ratnan ruma' bawang ineh. 15Ini luk miak mangun kuan bawang luk medita' niat ngaceku ratnan laludneh, idi luk ngerawé na inan susa'. Lun bang bawang ineh ngerawé bawangdeh luk meluun rayeh bang tana' ini. Ieh miak mangun ku bawang luk tican su luk inan pung luk meliput ngato erurdeh. Idé-idé luk lemaba su ineh miak matot idi situnga neneh.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
BALA LUK DO' Lun Bawang Bible © The Bible Society of Malaysia 1982, Second Edition 1998.