A Ooze 4
4
Wẽnnaam bʋʋda ne Israyɛll nebã
1Israyɛll nebã, kelg-y Sẽn-Ka-Saab koɛɛga!
Sẽn-Ka-Saab tara yell ne tẽngã
nebã,
bala, sɩd ne maan-neere, la Wẽnnaam bãngr ka be tẽngã pʋgẽ ye.
2Tẽngã pida ne kãab taab wẽnga,
la zãmbo, ne nin-kʋʋre, la wagdem,
ne yoobo, la maan taab pãnga.
Wakat fãa yaa zɩɩm daagr woo
zɩɩm daagre.
3Woto n kɩte, tɩ sũ-sãang na n kẽ tẽngã.
Tẽngã nebã ne we-rũmsã, la yĩngr liuuli wã,
hal baa ne zĩmã sẽn be ko-kãsengã pʋgẽ
wã na n sãamame.
Maan-kʋʋdbã beegre
4La bɩ ned ba a yembr da bao n bʋ ne a to ye.
Bɩ ned da ning a to taal ye.
Maan-kʋʋda, yaa ne foom la mam tar yelle!
5Fo na n laka wĩndga,
la no-rɛɛsã sẽn be ne foomã
na n laka yʋngo,
la mam na n sãama f ma wã.
6Mam nebã sãamdame, bãngr kaalem yĩnga.
Fo sẽn zãgs bãngrã yĩnga,
mam me na n zãgsa foom,
tɩ f ka leb n yɩ maan-kʋʋd yɛs ye.
Fo sẽn yĩm f Wẽnnaamã tõogã yĩnga,
mam me na n yĩma f kambã yelle.
7Maan-kʋʋdbã sõor paasdame,
la b kongrã me paasdame,
la mam na n teka b waoogrã tɩ lebg paoogre.
8Bãmb tũnugda mam nebã
yel-wẽnã n paamd n dɩtẽ,
bãmb pirsd-b lame tɩ b maand kongr nins
bãmb mensã sẽn maandã.
9Yell ning sẽn na n paam nebã,
n na n paam maan-kʋʋdã me.
Mam na n sɩbga yẽnda a manesem-wẽnsã yĩnga,
la m na n lebsa yẽnda wa sẽn zems a tʋʋmã.
10Bãmb na n dɩɩme, la b kõn tɩg ye,
Bãmb na n yoome, la b kõn fɩɩg ye,
bala, bãmb basa Sẽn-Ka-Saabo.
Israyɛll nebã yoobo
11Yoobo, la reezẽ rãam, ne reezẽ
rã-paalg menesda ned yam.
12Mam nebã sokda raad b sẽn peese.
Bãmb dasaarã n gomd ne-ba.
Yoobã sɩɩg kẽes-b-la moogo,
n kɩt tɩ b zãag ne b Wẽnnaamã.
13Bãmb maanda maand tãmsã zutu,
bãmb yõogda wisd kunkubã zutu,
la sɛn tɩɩse, ne pepliye tɩɩse, la terebẽnt tɩɩs
sẽn tar maasem wʋsg tẽngre.
Woto yĩngã, yãmb kom-pugli na n yoome,
la yãmb bi-pagbã na n yɩɩ yoaadba.
14La m ka na n sɩbg y kom-pugli wã,
wall y bi-pagbã b yoobã yĩng ye.
Bala, yãmb mensã kẽeda ne pʋg-yoaadba,
n naagd pʋʋsg zĩisẽ pʋg-yoaadbã n maand maando.
Yãmb yaa neb sẽn ka tar yam, la y na n sãamame!
15Israyɛll nebã, yãmb basa maam
wa pag sẽn bas a sɩd n kẽng yoobo.
La bɩ Zʋʋda nebã ra maan wa yãmba,
n kong bʋʋm ye.
Da kẽng-y Gilgall ye,
ra kẽng-y Bet-Avɛn ye,
la ra wẽen-y ne Sẽn-Ka-Saab
sẽn vɩ wã yʋʋr ye!
16Israyɛll nebã yaa tõatb wa nag-sadga,
la moasã Sẽn-Ka-Saab na n wãbnega
bãmb wa pe-bil sẽn be zĩ-yalengẽ n wãbdẽ.
17Efrayiim nebã tũuda wẽn-naandse.
Bas-y-ba!
18Bãmb ka yãt n yũ n sɛ,
la b leb n lʋɩ yoobã pʋgẽ ye.
Bãmb nanambsã nonga paoogre.
19Sebg n na n dɩk bãmba,
la yãnd na n yõk-b-la b maandã yĩnga.
Actualmente seleccionado:
A Ooze 4: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
A Ooze 4
4
Wẽnnaam bʋʋda ne Israyɛll nebã
1Israyɛll nebã, kelg-y Sẽn-Ka-Saab koɛɛga!
Sẽn-Ka-Saab tara yell ne tẽngã
nebã,
bala, sɩd ne maan-neere, la Wẽnnaam bãngr ka be tẽngã pʋgẽ ye.
2Tẽngã pida ne kãab taab wẽnga,
la zãmbo, ne nin-kʋʋre, la wagdem,
ne yoobo, la maan taab pãnga.
Wakat fãa yaa zɩɩm daagr woo
zɩɩm daagre.
3Woto n kɩte, tɩ sũ-sãang na n kẽ tẽngã.
Tẽngã nebã ne we-rũmsã, la yĩngr liuuli wã,
hal baa ne zĩmã sẽn be ko-kãsengã pʋgẽ
wã na n sãamame.
Maan-kʋʋdbã beegre
4La bɩ ned ba a yembr da bao n bʋ ne a to ye.
Bɩ ned da ning a to taal ye.
Maan-kʋʋda, yaa ne foom la mam tar yelle!
5Fo na n laka wĩndga,
la no-rɛɛsã sẽn be ne foomã
na n laka yʋngo,
la mam na n sãama f ma wã.
6Mam nebã sãamdame, bãngr kaalem yĩnga.
Fo sẽn zãgs bãngrã yĩnga,
mam me na n zãgsa foom,
tɩ f ka leb n yɩ maan-kʋʋd yɛs ye.
Fo sẽn yĩm f Wẽnnaamã tõogã yĩnga,
mam me na n yĩma f kambã yelle.
7Maan-kʋʋdbã sõor paasdame,
la b kongrã me paasdame,
la mam na n teka b waoogrã tɩ lebg paoogre.
8Bãmb tũnugda mam nebã
yel-wẽnã n paamd n dɩtẽ,
bãmb pirsd-b lame tɩ b maand kongr nins
bãmb mensã sẽn maandã.
9Yell ning sẽn na n paam nebã,
n na n paam maan-kʋʋdã me.
Mam na n sɩbga yẽnda a manesem-wẽnsã yĩnga,
la m na n lebsa yẽnda wa sẽn zems a tʋʋmã.
10Bãmb na n dɩɩme, la b kõn tɩg ye,
Bãmb na n yoome, la b kõn fɩɩg ye,
bala, bãmb basa Sẽn-Ka-Saabo.
Israyɛll nebã yoobo
11Yoobo, la reezẽ rãam, ne reezẽ
rã-paalg menesda ned yam.
12Mam nebã sokda raad b sẽn peese.
Bãmb dasaarã n gomd ne-ba.
Yoobã sɩɩg kẽes-b-la moogo,
n kɩt tɩ b zãag ne b Wẽnnaamã.
13Bãmb maanda maand tãmsã zutu,
bãmb yõogda wisd kunkubã zutu,
la sɛn tɩɩse, ne pepliye tɩɩse, la terebẽnt tɩɩs
sẽn tar maasem wʋsg tẽngre.
Woto yĩngã, yãmb kom-pugli na n yoome,
la yãmb bi-pagbã na n yɩɩ yoaadba.
14La m ka na n sɩbg y kom-pugli wã,
wall y bi-pagbã b yoobã yĩng ye.
Bala, yãmb mensã kẽeda ne pʋg-yoaadba,
n naagd pʋʋsg zĩisẽ pʋg-yoaadbã n maand maando.
Yãmb yaa neb sẽn ka tar yam, la y na n sãamame!
15Israyɛll nebã, yãmb basa maam
wa pag sẽn bas a sɩd n kẽng yoobo.
La bɩ Zʋʋda nebã ra maan wa yãmba,
n kong bʋʋm ye.
Da kẽng-y Gilgall ye,
ra kẽng-y Bet-Avɛn ye,
la ra wẽen-y ne Sẽn-Ka-Saab
sẽn vɩ wã yʋʋr ye!
16Israyɛll nebã yaa tõatb wa nag-sadga,
la moasã Sẽn-Ka-Saab na n wãbnega
bãmb wa pe-bil sẽn be zĩ-yalengẽ n wãbdẽ.
17Efrayiim nebã tũuda wẽn-naandse.
Bas-y-ba!
18Bãmb ka yãt n yũ n sɛ,
la b leb n lʋɩ yoobã pʋgẽ ye.
Bãmb nanambsã nonga paoogre.
19Sebg n na n dɩk bãmba,
la yãnd na n yõk-b-la b maandã yĩnga.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.