YOBU 9
9
1Naasa Yobu karouwa
2N dede shiishi ni indo kikai.
Indi nndu ashiidimaa inda iva nsaari mbee ya Iruva?
3Kwa kooya nndu ekaraa iwakyana nawe,
nta nnashiidimaa ifika ando fo;
nta irouwa kiveso kyimwi ando a kyiku fo.
4We mmbo atiri urango usha kilanya na finya shiingyi,
m mbi alenkesa nawe, kavinga?
5We mmbo asamisaa mafumbu kulaore nta fimanyaa,
kafisambuya kwaasha kwa unyafi lwakwe.
6We mmbo aring'isaa ulana lukauka ando avayo,
na ngo ta vayo tikarinina.
7Mmbo ashiimaa mwi ulavaa,
kasikkya nyinyiri tilamikkye.
8We muni alealau ngina
na ivavara matundulu a yeeve.
9Mmbwe aletana nyinyiri ngini-u:
Dubu, Orioni, Kilimia na nyinyiri ta sinde.
10Mmbwe atanaa findo finiini filandelolywa,
findo fya wende filatiri yeekyenya.
11Lolate! Mmbo ashiiraa kufii na yeny nta shilanlollye,
naasa kaenda kyakwe kulaore yeny shammanya.
12Lola! We mmbo epoo akunda;
mmbi ashiidimaa imwiima?
Mmbi akaraa immbesa, “N kyokyi kuletana?”
13Iruva nnyasiikaa unyafi lwakwe;
si yakwe m vakee kulema kwa werei Rahabu (Ishoka lya yeeveny) na veekyi vakwe.
14A shiidimi inda irouwa Iruva?
Nkwi n sauwaa marero a immbya?
15Ra na elyi shilalya marye, nshishiidimaa inrouwa-fo.
Nkuti interewa ashilyillye yeto nkumbi wakwa.
16Naakwaa shembaangaa nawe ashirouwe,
n sheshiidimaa ikusirya sheelyi akeeshaarannya-fo.
17We mmbo ashisirya na matundulu;
kaengera fyaasha fyakwa kulaifo kimaruma.
18Nnashiree nta shaeng'a-fo
mu wakwa kauishura fyuure.
19Kwa kooya ni iwakyana, we mmbo atiri finya kilanya
Na kwakooya ni itana fya usumanu,
a mmbi amwuutya uvingo?
20Ra na elyi shilatiri kindo shirengye, marero akwa meni mmbo eshiutyaa uvingo
lla elyi shilatiri teve mmbo ashiring'isya sheelyi shikee nreti.
21Nshitiri mbesefo, indi yeny nshikuvikye nsia fo.
Mmbo shisuuye muu wakwa.
22Fyoose ni kyimwi, nkyo shaamba;
Iruva mmbo amamitaa woose vasaari na varavi.
23Renga iendee ufu lwa tiny,
Mmbo lushekkyaa ngatara ya vandu valatiri mbese.
24Uruka lukavikwa ushiliny lwa vandu varavi,
Iruva mmbo arayaa miso a verumbwa myaandu va vayo.
Kwa kooya nshi we atanaa indo a mmbi ungiiny?
25Mikonu yakwa ikeenda sere m mwasi ya nndu arisha;
ikarisha shilalollye mbusha.
26Mmbo ikee risha nnu sha ngalava ya makongye,
sha ngoru irumbukkyaa kindo ikyiwara.
27Shaamba, “Shirekkywa idya lyakwa,
shilakani na kisangu kya tingwa shive na ifura!
28Indi mmbo shiereiye mavavio akwa moose,
mashika shilollye Iruva n nashiekenaa shitiri usumanu-fo.
29Kwa kooya shautywa uvingo,
sheelyi shilyamarye a kyeekyiny shikuvinise ruu?
30Naakwaa shasamba na laura ya kyaamwi,
na isangya maako na sabuny,
31naakwaa nyindo mmbo ashoolotaa irininy lyitiri kirinda,
na soori takwa shitilolye nkiraa.
32Iruva nnakee nndu sheeny shinrouwe fo,
kutani lwaidima ienda kwa veerumbwa myaandu amwi.
33Nkwiifo mwiluleta nnang'ani yeeru
we luleta ve vaviifo
34Iruva nashiutye umbiri elo lwa ishikapa,
na veresi lwakwe lulashimattwe!
35Llyo sheshiidimaa irera shilatiri weerei,
mashika n shiindo shikee muuny wakwa fo.”
Actualmente seleccionado:
YOBU 9: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
YOBU 9
9
1Naasa Yobu karouwa
2N dede shiishi ni indo kikai.
Indi nndu ashiidimaa inda iva nsaari mbee ya Iruva?
3Kwa kooya nndu ekaraa iwakyana nawe,
nta nnashiidimaa ifika ando fo;
nta irouwa kiveso kyimwi ando a kyiku fo.
4We mmbo atiri urango usha kilanya na finya shiingyi,
m mbi alenkesa nawe, kavinga?
5We mmbo asamisaa mafumbu kulaore nta fimanyaa,
kafisambuya kwaasha kwa unyafi lwakwe.
6We mmbo aring'isaa ulana lukauka ando avayo,
na ngo ta vayo tikarinina.
7Mmbo ashiimaa mwi ulavaa,
kasikkya nyinyiri tilamikkye.
8We muni alealau ngina
na ivavara matundulu a yeeve.
9Mmbwe aletana nyinyiri ngini-u:
Dubu, Orioni, Kilimia na nyinyiri ta sinde.
10Mmbwe atanaa findo finiini filandelolywa,
findo fya wende filatiri yeekyenya.
11Lolate! Mmbo ashiiraa kufii na yeny nta shilanlollye,
naasa kaenda kyakwe kulaore yeny shammanya.
12Lola! We mmbo epoo akunda;
mmbi ashiidimaa imwiima?
Mmbi akaraa immbesa, “N kyokyi kuletana?”
13Iruva nnyasiikaa unyafi lwakwe;
si yakwe m vakee kulema kwa werei Rahabu (Ishoka lya yeeveny) na veekyi vakwe.
14A shiidimi inda irouwa Iruva?
Nkwi n sauwaa marero a immbya?
15Ra na elyi shilalya marye, nshishiidimaa inrouwa-fo.
Nkuti interewa ashilyillye yeto nkumbi wakwa.
16Naakwaa shembaangaa nawe ashirouwe,
n sheshiidimaa ikusirya sheelyi akeeshaarannya-fo.
17We mmbo ashisirya na matundulu;
kaengera fyaasha fyakwa kulaifo kimaruma.
18Nnashiree nta shaeng'a-fo
mu wakwa kauishura fyuure.
19Kwa kooya ni iwakyana, we mmbo atiri finya kilanya
Na kwakooya ni itana fya usumanu,
a mmbi amwuutya uvingo?
20Ra na elyi shilatiri kindo shirengye, marero akwa meni mmbo eshiutyaa uvingo
lla elyi shilatiri teve mmbo ashiring'isya sheelyi shikee nreti.
21Nshitiri mbesefo, indi yeny nshikuvikye nsia fo.
Mmbo shisuuye muu wakwa.
22Fyoose ni kyimwi, nkyo shaamba;
Iruva mmbo amamitaa woose vasaari na varavi.
23Renga iendee ufu lwa tiny,
Mmbo lushekkyaa ngatara ya vandu valatiri mbese.
24Uruka lukavikwa ushiliny lwa vandu varavi,
Iruva mmbo arayaa miso a verumbwa myaandu va vayo.
Kwa kooya nshi we atanaa indo a mmbi ungiiny?
25Mikonu yakwa ikeenda sere m mwasi ya nndu arisha;
ikarisha shilalollye mbusha.
26Mmbo ikee risha nnu sha ngalava ya makongye,
sha ngoru irumbukkyaa kindo ikyiwara.
27Shaamba, “Shirekkywa idya lyakwa,
shilakani na kisangu kya tingwa shive na ifura!
28Indi mmbo shiereiye mavavio akwa moose,
mashika shilollye Iruva n nashiekenaa shitiri usumanu-fo.
29Kwa kooya shautywa uvingo,
sheelyi shilyamarye a kyeekyiny shikuvinise ruu?
30Naakwaa shasamba na laura ya kyaamwi,
na isangya maako na sabuny,
31naakwaa nyindo mmbo ashoolotaa irininy lyitiri kirinda,
na soori takwa shitilolye nkiraa.
32Iruva nnakee nndu sheeny shinrouwe fo,
kutani lwaidima ienda kwa veerumbwa myaandu amwi.
33Nkwiifo mwiluleta nnang'ani yeeru
we luleta ve vaviifo
34Iruva nashiutye umbiri elo lwa ishikapa,
na veresi lwakwe lulashimattwe!
35Llyo sheshiidimaa irera shilatiri weerei,
mashika n shiindo shikee muuny wakwa fo.”
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.