Hosea 7
7
1Is an neiyagai naduk op welegesa ’gela’ge ebalema obapsogo enebasulat, Is Israel a’ge ou erlagapsogo enebasulat, tik epasu legi a’geat de, is Efraim wiak togwi a’ge ano nak horogat agalat, ye, is Samaria wiak lok modok togwi a’ge ano telakma agalat, tago yo. Is en e, aphwami lalonobogulat, aphwami onowi pam ’gwi lagalat yogorlia wogulat, ’gebela pam en aphwami ena’ge delogo wogulat, togwi ai o. 2Is wiak til lagai a’ge ’berlegat an en eberak welegi a’ge ano is en pobi nobogwi erlagat oruak o. Onowiak ano en e’gerlik onoboluk welat, is wiak togwi ai an eberak nak welat, taga legi o, oluk, egei.
Ap ’gain a’ge owi op lok werikmu en togwi a’ge ano mo’gulentesi wene
3Is wiak til lagai ano pam onue ’gain ede aganhan hasulat, is eniagesei il no’gwi ano pam onuelak ’gain-’gain enede hwedik tagonobogulat togwi o. 4Nogo uogoluk, e sagai han narlik poluk nogogulomtik odouk ano nekhi oso erlak hwedigat oruakma so’boru werarogwi ai ’gela’ge, is aphwami ’berlegat e ai ’gela’ge welat, an uknoboluk enede aganhansogo wiak til lagai o. 5Ap nonue ’gain en ede aganhan pam seni sorogwi erlige at osi ’gain-’gain ebano anggur a’bosu noluk enede ’bal agoam yogunat til lagalat, at mia opoluk til lagai ano a’ge, enemin otluk ap uo a’ge en togwi ’gela’ge togwi o. 6Seni sorogumu ebano en odouk magale lobuk nak hasu ai ’gela’ge welat, disogo tuok, asogo tuok oluk enede aganhan lobuksogo eberak pogulomtik, is en tul oluk enede eberogwi a’ge ano o huba’go loboksogo libagalat, o hubet o’gwe odouk lobuk oso ai ’gela’ge aganhan nag tagenebasuam, tugulat, togwi ai o.
7Sorogumu odouk magale nak lobuk hasu ’gela’ge, is ai ’berlek asogoat tak welat onuelak tenentarok a’ge enemdema ’bil ontogulat, onuelak ononuk oruak a’ge ano mesik wusogo pil tugulat, tugukhweat de, is mesik en, letniemin o, oluk, eniak loksogo an mo’gulnogwi erlagat oruak o, oluk, egei.
Israel emin, aphwami emin en tugu legesa wene
8Is Efraim a’ge en di aphwami yu aphwami emin ’bali worogulat. Soboru werarogulat, abel pema eden erlak welagai ’gela’ge welat, togwi o, oluk egei. 9Aphwami enebe esanat en is Efraim a’ge enanni ano erlagapsogo pogwi a’geat de. Disogo taknenebegesa o, oluk opogulat, enasu holobu a’bik lebagama oruakhweat de, disogo taknebasu o, oluk, enagat hogulat, togwi erlagat oruak o. 10Is Israel enede en logo pagathorlogulat til lagai ai en, yu a’ge til lagai ano pam disogo takhonobouwa ani o, oluk, mo’gulonto a’geat de, pobuk togolik enaik ’gain Nonuk Logo a’ge muknoboluk wagalat, An heranebil wagalat, togwi erlagat welagai ai o. 11Is Mesir a’ge en letnentaumak o, oluk, mo’gulentai lagalat, pobuk, is Asyur a’ge en letnentaumak o, oluk, eneragam lagalat, togumu re, is Israel ai, tue merpati ede erlak we ’gela’ge we mi-miarak po ’gela’ge welagai o. 12Asogo togukhwe, An nosum tue hol worogwi a’ge ano ene’bek perakpasulat, Sum emde larak pogwiam sue yagat ago holuk lisogo lebikpou wagai ’gela’ge takpasulat, takpoluk, is wiak til lagai ano pam e’gin enebam pasulat, togolik o.
13Is an uknoboluk ’gwi ’gwani legesema re, enebe nede o! An en mo’gulentasu a’ge ano tu enebit en enede epegesarikmu re, enebe erlagapsogo enebaik o. Enagap delogo enebele logwe eige, oluk, epasu a’geat de, an nil pam eniak esei nak mo’gulnogwi o. 14Is en e, nenaik letnentemin o, oluk, enede ’bekhitsogo mo’gulnogwi erlak o. A’geat de, An niak sagalogo uknoboluk gandum emin, anggur a’bosu ’gerat ne’gak a’ge emin onu’gwarek enasua en woknontouwak oluk, is nogogumu ebano welat, nge togulat, enebe me’gin semele wusogo pogulat, togwi o. 15An en is tugulom a’ge paget mo’gulentasulat, ene’gik anni welemagoluk, takpasulat, tegis a’geat de, an wiagapnobo a’ge nak eberak pogwi o. 16An nanni a’ge en lerontouwagoluk mo’gulnoum erlakma en uknoboluk e, we, is ai asua en leronto puk a’ge paget de motluk lagai o. Is ai enebe re segen anni erlak a’ge ’gela’ge oruak o. Eniak wiak a’ge nak il no’gwi ai onuelak ononuk oruak a’ge ano wa’gun pam werak welema o. Ai, togwiam o Mesir eba en eida tagonobogu lema o, oluk, egeimu re mo’gulhentegis o, oluk mo’gulentegis.
Actualmente seleccionado:
Hosea 7: Wul
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Hosea 7
7
1Is an neiyagai naduk op welegesa ’gela’ge ebalema obapsogo enebasulat, Is Israel a’ge ou erlagapsogo enebasulat, tik epasu legi a’geat de, is Efraim wiak togwi a’ge ano nak horogat agalat, ye, is Samaria wiak lok modok togwi a’ge ano telakma agalat, tago yo. Is en e, aphwami lalonobogulat, aphwami onowi pam ’gwi lagalat yogorlia wogulat, ’gebela pam en aphwami ena’ge delogo wogulat, togwi ai o. 2Is wiak til lagai a’ge ’berlegat an en eberak welegi a’ge ano is en pobi nobogwi erlagat oruak o. Onowiak ano en e’gerlik onoboluk welat, is wiak togwi ai an eberak nak welat, taga legi o, oluk, egei.
Ap ’gain a’ge owi op lok werikmu en togwi a’ge ano mo’gulentesi wene
3Is wiak til lagai ano pam onue ’gain ede aganhan hasulat, is eniagesei il no’gwi ano pam onuelak ’gain-’gain enede hwedik tagonobogulat togwi o. 4Nogo uogoluk, e sagai han narlik poluk nogogulomtik odouk ano nekhi oso erlak hwedigat oruakma so’boru werarogwi ai ’gela’ge, is aphwami ’berlegat e ai ’gela’ge welat, an uknoboluk enede aganhansogo wiak til lagai o. 5Ap nonue ’gain en ede aganhan pam seni sorogwi erlige at osi ’gain-’gain ebano anggur a’bosu noluk enede ’bal agoam yogunat til lagalat, at mia opoluk til lagai ano a’ge, enemin otluk ap uo a’ge en togwi ’gela’ge togwi o. 6Seni sorogumu ebano en odouk magale lobuk nak hasu ai ’gela’ge welat, disogo tuok, asogo tuok oluk enede aganhan lobuksogo eberak pogulomtik, is en tul oluk enede eberogwi a’ge ano o huba’go loboksogo libagalat, o hubet o’gwe odouk lobuk oso ai ’gela’ge aganhan nag tagenebasuam, tugulat, togwi ai o.
7Sorogumu odouk magale nak lobuk hasu ’gela’ge, is ai ’berlek asogoat tak welat onuelak tenentarok a’ge enemdema ’bil ontogulat, onuelak ononuk oruak a’ge ano mesik wusogo pil tugulat, tugukhweat de, is mesik en, letniemin o, oluk, eniak loksogo an mo’gulnogwi erlagat oruak o, oluk, egei.
Israel emin, aphwami emin en tugu legesa wene
8Is Efraim a’ge en di aphwami yu aphwami emin ’bali worogulat. Soboru werarogulat, abel pema eden erlak welagai ’gela’ge welat, togwi o, oluk egei. 9Aphwami enebe esanat en is Efraim a’ge enanni ano erlagapsogo pogwi a’geat de. Disogo taknenebegesa o, oluk opogulat, enasu holobu a’bik lebagama oruakhweat de, disogo taknebasu o, oluk, enagat hogulat, togwi erlagat oruak o. 10Is Israel enede en logo pagathorlogulat til lagai ai en, yu a’ge til lagai ano pam disogo takhonobouwa ani o, oluk, mo’gulonto a’geat de, pobuk togolik enaik ’gain Nonuk Logo a’ge muknoboluk wagalat, An heranebil wagalat, togwi erlagat welagai ai o. 11Is Mesir a’ge en letnentaumak o, oluk, mo’gulentai lagalat, pobuk, is Asyur a’ge en letnentaumak o, oluk, eneragam lagalat, togumu re, is Israel ai, tue merpati ede erlak we ’gela’ge we mi-miarak po ’gela’ge welagai o. 12Asogo togukhwe, An nosum tue hol worogwi a’ge ano ene’bek perakpasulat, Sum emde larak pogwiam sue yagat ago holuk lisogo lebikpou wagai ’gela’ge takpasulat, takpoluk, is wiak til lagai ano pam e’gin enebam pasulat, togolik o.
13Is an uknoboluk ’gwi ’gwani legesema re, enebe nede o! An en mo’gulentasu a’ge ano tu enebit en enede epegesarikmu re, enebe erlagapsogo enebaik o. Enagap delogo enebele logwe eige, oluk, epasu a’geat de, an nil pam eniak esei nak mo’gulnogwi o. 14Is en e, nenaik letnentemin o, oluk, enede ’bekhitsogo mo’gulnogwi erlak o. A’geat de, An niak sagalogo uknoboluk gandum emin, anggur a’bosu ’gerat ne’gak a’ge emin onu’gwarek enasua en woknontouwak oluk, is nogogumu ebano welat, nge togulat, enebe me’gin semele wusogo pogulat, togwi o. 15An en is tugulom a’ge paget mo’gulentasulat, ene’gik anni welemagoluk, takpasulat, tegis a’geat de, an wiagapnobo a’ge nak eberak pogwi o. 16An nanni a’ge en lerontouwagoluk mo’gulnoum erlakma en uknoboluk e, we, is ai asua en leronto puk a’ge paget de motluk lagai o. Is ai enebe re segen anni erlak a’ge ’gela’ge oruak o. Eniak wiak a’ge nak il no’gwi ai onuelak ononuk oruak a’ge ano wa’gun pam werak welema o. Ai, togwiam o Mesir eba en eida tagonobogu lema o, oluk, egeimu re mo’gulhentegis o, oluk mo’gulentegis.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión