Hosea 12
12
Efraim Yehuda e’birek wiak o’go tagonobo wene
1Weim tuogoluk o werikmu welagai ai ’gela’ge is Efraim eniak esei-esei ogwi nak ano pam an wale’gik noboluk welat, Is Israel a’ge ai re, no’borl pam ligagai modok nak welat, ye, is aphwami Yehuda a’ge en enaik Allah at mo’gulontogwi a’ge ano tu a’ge enebit nak opogulat. At mu ago erlak omu degelakma welago a’ge ano emin ogorlitak nak welat, tugwi o.
2O sogwei motluk lagalat, mesik hwerlai lagai erlakma en almasogo motluk lagai ai ’gela’ge, is aphwami Efraim a’ge asogoat til lagalat, o sogwei o mo il liplau wago hegit en util wago a’ge ano motluk lagaihwe, o huberen o hupmu lai lasu ai ’gela’ge til lagalat togwi o. Asogo tugulat eniak esei il no’gwi ano logat wigal agalat, aphwami wiak til lagai a’ge ano nak lok agalat tagokhwe, is ap Asyur a’ge emin, disogo tuok o, oluk, enede, mesigarap poluk wene hwalogo pogulat, “Nis nenariat o,” oluk, enede opou wagoluk, zaitun a’bosu woluk o Mesir lagalat, togwi o.
3At ’gain Onuk Logo a’ge Allah en is Yehuda a’ge mesik en togwiam mo’gulonto epasulat, is Yakub a’ge en togwi a’ge ano motluk tagenebasulat, til no’gwi, is wiak til lagai a’ge ano o’go hegitsogoat takpasulat, tik o. 4#Kej. 25:26#Kej. 32:24-26At Yakub ano ia ogola en dagagalat, are oyuk o’gurl e’gik tenakhoat dagaga. At ebe lok agarik, Allah emin yeik pasulat tegei ani o. 5#Kej. 28:10-22At Malaikat emin yeik pogulat, at Yakub anni agalat, nge tagalat, hedeap noboluk nanniap nebemin o, oluk, mo’guleselat, o Betel pam sarlok toluk eba en emin welat en egei ai o. 6Asogo emin tigisa ano re, at anni modok welago a’ge ’gain Onuk Logo a’ge Allah atma re, At onuk lok aga ai, at ’gain Onuk Logo a’ge Allah at o. 7Asogoatma re, his pobuk togolik henaik Allah eragam wotluk, aphwami henemin henede hwedik tagenebil lagalat, pobirak poluk opsogo nak tagenebil lagalat, henede henaik Allah pam nak eberak poluk, henede hweriogo poluk memesogo welat, tugu lorogup ano pam at en lethontouwa o.
Is Israel a’ge pobuk emin e’gin enebam po wene
8Is ap di a’ge yu a’ge o’go wogwi a’ge ebano en e’gin walholuk elit ago erlakhweat de, elit aga o, oluk, aphwami lalonobu a’ge enede opoluk til lagai ai ’gela’ge, 9is Efraim a’ge en disogo egesa nis nene’gik oruak a’ge nak agalat, nena’ge a’bigat modok odoksogo pogulat, tige a’ge ebano paget aphwami en nis lal ’bal taknonobogulat, nene’gik oruak a’geat ege o, oluk, mo’gulnontogulat, aphwami wiagap enebi lagalat, ena’ge a’bik hwerlege o, oluk, mo’gulnontogulat, tu mia o, oluk, enede logo pogwi o. 10#Ima. 23:42,43 At Allah en disogo egei, o Mesir en wogonoboluk liplau wegi a’ge ’gain Nonuk Logo a’ge enaik Allah anat o. Is onogola enagai en seni soru wene werak a’ge ano seni arat sorogulat, onowi sabo werik poluk seni sorogu legesa ai ’gela’ge pobuk onowi rabo werik poluk welemagoluk, tak paik o.
11Is An en mo’gulentasukhwe mo’gulontogwi a’ge ebano wene mo’gulentasulat, enabi ’gela’ge pam mo’gulentasulat, An mo’gulentasukhwe mo’gulontogwi a’ge ebano wene ebam elitsogo mo’gulentasulat, taga legi ani o, oluk egeimu re, mo’gulhentegis o. 12O Gilead eba wiak tugumu atma re, is aphwami ai, we ’burlat til denagai o. Ye, o Gilgal eba sapi ierak a’ge wusogo enasua paget wogogumu re, enasua wusogo wogogumu ebale hele’gik ano re, helep yabukmu odoktak a’ge ebam louksogo pil lagai ai ’gela’geat oruak o.
13 #
Kej. 29:1-20
At Yakub ano ’bogulogo o Aram lagarik ebano welat, at Israel en ugwe hwerlaik oluk aphwami eneragam a’ge agalat, ugwe horlo a’ge o’go domba degeliselat, taga laga o. 14#Kel. 12:50,51Is Israel o Mesir en wogonoboluk liplaumagoluk Allah en mo’gulosokhwe, mo’gulentasu a’ge mesik edikpasulat, Israel degelonoboluk wemagoluk, at mo’gulosokhwe mo’gulentasu a’ge mesik enemin gwelak entarok welemagoluk mo’guleselat, tegei a’geat de, 15His Efraim en togwi ai pam at ede obotut nak takpegepma re, henaik en wiak togwi o’go wusogo honoboma henemep libemagoluk, ukhenebasulat, ye, at ’gain Onuk Logo a’ge at Allah mia opogwi ano o’go takhonobouwak oluk ukhenebasulat, tik ani o.
Actualmente seleccionado:
Hosea 12: Wul
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
