Daniel 12
12
O ologun Pam tua wene
1 #
Mat. 24:21; Mrk. 13:19; Wah. 7:14; 12:7 Asogo egeirik, at aphwami onorogole ’gela’ge tak a’ge ano en mesik emin eselat, “o ai erlige is aphwami ena’gul onuk hat welegen o’gwe a’ge tenentarok welago a’ge onuk modok logo a’ge ’gain Mikhael ano inema o. Inago holuk aphwami e’gin-pe’gin modok mia a’ge enebam ema o. E’gin pe’gin enebam ema ano re, di aphwami yu aphwami wigal etil wagalat, ena’gul onuk owan hebarligen om erlakhwerli en ’bekhit at inema hwerli, e’gin asogo enebam aga laga erlak a’geat de, o ai erligeat e’gin enebam ema o. Asogo a’geat de o ai erlige is aphwami ena’gul onuk hat welegen o’gwe a’ge Allah oruesi’ga pam ononuk ’belak oruak holuk e, enagap delua o. 2#Yes. 26:19; Mat. 25:46; Yoh. 5:29Is aphwami a’bigat waregesarik, ’gwiangma nogogwi a’ge ebano enelaluk emarik inema o. Is ado pema modok-modok enelaluk welemagoluk inagalat, ye, pema re, ene’gerli pam modok-modok nonouk tugu lomogoluk inagalat, tua o 3Is ap enede oruak a’ge welat, til lagai ano re, o ’bogorl pam o dakharak, modok oruakhwe hogu lege ai ’gela’ge modok-modok welat, ye, is aphwami a’bi’gat en Allah emin op nak tugu lemagoluk wene opsogo mo’gulontogwi ano re, hwesagal yeberl-yeberl oso ai ’gela’ge at is modok-modok asogoat welat, tugu lema o.”
4 #
Wah. 22:10
Asogoat togu lema a’geat de, hat Daniel nak e, wene an en mo’gulhegis a’ge buku ’berlegat ebano pam odo pelal ’balise legen a’ge ’berlegat ai la’bulogo a’bosu dopnosogo poluk, aphwami mo’gulonto erlak oruakhwe o ologun hwerliat lauma o. Wene ai, hisogokhwe, is aphwami a’bigat yu ago a’ge yu nenaluk olo e, oluk, di owi yu owi heralaga lema a’geat de, hisogo nak welemak o, oluk, mo’gulnesi.
5Asogo mo’gulnosokhwe hegirik, an Daniel en nil holuk ap enebe ’biren, at mesik ik yu akhit edik welat, ye, at are mesik e, ik etle akhit edik welat, tugukhwe entegis o. 6Yet entegis ’gal e, at mesik edik welaga a’ge ano en at mu a’ge mesik osum ’gut a’ge ’buksogo ik elaruk akhit o’gwe welago a’ge ano, mo’guleselat, “Modok elalin tu a’ge ano, hegit lau wom erlakhwe o agauwa meren lai louwano?”
7 #
Wah. 10:5; 12:14 Mo’gulesimu, at osum ’gut a’ge ’buktak a’ge ik elaruk akhit edik welaga a’ge ano e’gik pema-pema ’birenakho ’bogorl akhit lagabak poluk, at Modok-modok Elaluk Welago a’ge ano onuk ’balholuk ho’buk ’baliselat, asogo tua ano re, o agauwa mesik pam tagalat, agauwa ’biren pam tagalat, agauwa ’burl me’girik a’ge pam tagalat, til-til agauwa tiga setengah hari pam at ema o. Op a’ge ema e’gei a’ge ano owan tu erlakhwerli en ’berlegat ema hwerli at lai louwa o, asogo agokhwe is aphwami Allah eiyagai a’ge e’gin-pe’gin tagenebasu a’ge ano ebe mabenap pouwa o.
8At en oso a’ge ano an nesa’go hwelegisat a’geat de, “Edip ’ge? oluk oso a’ge ano pobi takpo erlakma re,” an en at mo’guleselat, “Naik o. O ologun pam tu ano re, at en hegit lau wago holuk e, no’gosogo ema no?” oluk.
9Mo’gulegismu, at en an mo’gulneselat, “Daniel o, wene mo’gulhegis a’ge buku pam pelal wogo a’ge yu, la’bulogo a’bosu dopnorak poluk hisakho oruakhwe, o ologun hwerliat lau womma re, yogodak e weat lak o. 10#Wah. 22:11Is aphwami a’bigat enede opsogo oruakhwe ontouwagoluk tagonobogulat, enedemu ago erlakhwe ontouwagoluk, tagonobogulat, enede hurle emak oluk, enebabut ’balogulat, asogo togukhweat de, is wiak togwi a’ge en nak e, wiagat til laga lema ani o. Is wiak togwi a’ge mesigat nak mesik en wene yu pobi tua erlak a’geat de, is nin enede oruak a’ge en nak e, wene yu enagat pobi tua ani o.
11 #
Dan. 9:27; 11:31; Mat. 24:15; Mrk. 13:14 Allah ebaget hwedik wusogo wogogulom mia o, oluk, mo’gulontouwa hwerli en ’bekhit, Allah owi werik wiagapsogo po a’ge enemelmel a’ge mesik edikpo a’ge ai hwerli, agauwa 1.290 at ema ani o. 12Wene ai lai lasukhwe, o agauwa 1.335 pam om a’ge ano ’gobok ti louwak oluk ap sa en ede hweriogo poluk memet hogwi holuk e, ede aganhanat hasu lema o.
13A’geat de, hat nak e pobirak poluk til lasukhwe, o ologun ’gobok lauma atma re, hede selangsogoat lak o. Set hwal horlogumu en, set hwal hwerlaguntik pobuk o ologun lau wago erlige hat mesik takhebegesa a’ge hebaget polik a’ge ano hwerlai lagun en togolik Inorogun ani o,” oluk, mo’gulnosoma hegi o.
Actualmente seleccionado:
Daniel 12: Wul
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
