BILANGAN 28
28
Tunu-hotu fafaik ma tunu-hotu le'donosok
(Kel. 29:38-46)
1 Manetualain nadenu Musa fo, 2nafa'da leoina Israel, nae sila muse taoafik besa-besa, fo ela neu fai-faik fo nananaketu basak-ka, ala tunu-hotu tutunu-hohotuk, nalupa nana'ak fo, nandaa no Manetualain dalen-na.
3Tutunu-hohotuk fo, sila muse tunu-hotu fen neu Manetualain-na, nde ia: Soaneu tutunu-hohotu fai-faik-ka nde, bi'ilopoana dua, besak-ka teuk beke esak, ma ta lu'u la'ak fa, 4fo esa soaneu tunu-hotu fafaik, ma esak-ka, soaneu tunu-hotu le'donosok. 5Muse tunu-hotu bi'ilopoana ndia, sama-sama no ha'desopuk kilo esa, nanasese'dok nenik mina setun neulauk litel esa. 6Ndia nde tutunu-hohotu nanatunu mahelek, fo makasoso san-na, nanatunu-hotuk neme Letek Sinai-a. Tunu-hotuk ndia, boon-na nandaa no Manetualain dalen-na. 7Muse tunu-hotu bi'ilopoana ndia, sama-sama no angol litel esa boe, fo pisin leo mei tunu-hotuk lain neu. 8Bi'ilopoana, fo soaneu tunu-hotu le'donosok-ka, muse tunu-hotun sama leo tunu-hotu fafaik-ka, sama-sama no angol. Tutunu-hohotuk ndia boon-na, nandaa no Manetualain dalen-na.
Tunu-hotuk nai fai Sabat-ta
9 #
Mat. 12:5
Neu fai Sabat-ta soona, muse tunu-hotu bi'ilopoana dua, besak-ka teuk beke esak, ma ta lu'u la'ak fa, ha'desopuk kilo dua, nanasese'dok nenik mina setun, fo soaneu tutunu-hohotu nana'ak, ma tutunu-hohotu angol. 10Muse tunu-hotu tutunu-hohotu nanatunuk ndia, tunga-tunga fai Sabat-ta, da'di leo tatamak neu tutunu-hohotu tunga faik-ka, sama-sama no tutunu-hohotu angol-la.
Tunu-hotuk tunga-tunga bulak-ka fain esa
11Nai basa bulak lala'en-na, fain esa soona, tunu-hotu fe Manetualain, tutunu-hohotu nanatunuk, nalupa leo sapi maneanak dua, bi'ilopo mane esa, bi'ilopo maneanak hitu, besak-ka teuk beke esak, fo ta lu'u la'ak fa. 12Tutunu-hohotu nana'ak-ka soona, muse tunu-hotu ha'desopuk nanasese'dok mina setun; fo sapi mane esan-na, ha'desopuk kilo telu; bi'ilopo mane esan-na, ha'desopuk kilo dua, 13ma bi'ilopo maneanak esan-na, ha'desopuk kilo esa. Tutunu-hohotu nanatunuk ndia, nalupa tutunu-hohotu nana'ak, de boon-na nandaa no Manetualain dalen-na. 14Boeo, muse tunu-hotu angol, sama-sama no tutunu-hohotu nanatunuk ndia, fo sapi mane esa soona, angol litel dua, bi'ilopo mane-a, litel esa seselik, ma bi'ilopo ana esan-na, litel esa. Ndia nde da'di nakanenetek la'eneu tutunu-hohotu nanatunuk-ka, fo muse nanatunu-hotuk nai tunga-tunga bulak-kala fain esa, nai teuk esa dalen-na. 15Da'di leo tatamak neu tutunu-hohotu nanatunuk tunga faik-ka, no tutunu-hohotu angol-la, emi muse tunu-hotu bi'ihii mane esa boe, fo soaneu tutunu-hohotuk fo, sala-singok hapu do'o do ampon.
Tunu-hotuk nai Feta Loti fo ta pake Laluteik fa
(Im. 23:5-14)
16 #
Kel. 12:1-13; Ul. 16:1-2 Hataholi Yahudi-la bula ka esan-na, fain sanahulu haa nde been-na, fai Paskah ba'eneu Manetualain. 17#Kel. 12:14-20, 23:15, 34:18; Ul. 16:3-8 Balahaa, fo bulak-ka fain sanahulu lima soona, mulai Feta Loti fo ta pake Laluteik-ka, de na faik hitu dalen-na, emi ta bole mi'a loti fo taon pake laluteik fa. 18Nai feta ndia, fai makasososan-na, emi muse makabubua, fo makaluku-makatele, ma ta bole maue-male'di ue-le'dis mabela fa. 19Tunu-hotu fe Manetualain tutunu-hohotu nanatunuk, fo nalupa sapi maneanak dua, ma bi'ilopo maneanak hitu, besak-ka teuk beke esak, ma ta lu'u la'ak fa. 20Tunu-hotu tutunu-hohotu nana'ak, fo nau do ta nau fa, emi muse tunu-hotuk-ka, nalupa ha'desopuk nanasese'dok mina setun: fo nde sapi mane esan-na, ha'desopuk kilo telu, bi'ilopo mane-a, ha'desopuk kilo esa seselik, 21ma bi'ilopo maneanak-kala, esan-na ha'desopuk kilo esa. 22Boeo, tunu-hotu bi'ihiik mane esa, soaneu tutunu-hohotuk fo, sala-singok hapu do'o do ampon. No enok ndia, emi tao feta soaneu hataholi Israel-la sala-singon, nanalose henik. 23Basa tutunu-hohotuk sila-la, nalupa tatamak neu tutunu-hohotu nanatunuk fafaik-ka. 24No tunu-hotu leondiak-ka boe, emi muse tunu-hotu fe Manetualain tutunu-hohotu nanatunuk, faik hitu dalen-na. Tutunu-hohotuk ndia, nalupa tatamak neu tutunu-hohotu nanatunuk tunga faik-ka, no tutunu-hohotu angol-la. Tutunu-hohotuk sila-la boon-na, nandaa no Manetualain dalen-na. 25Nai fai ka hitun-na, emi muse tao buaok, fo sene-do'ok, ma ta bole tao ue-le'di mabela fa.
Tunu-hotuk nai Feta Keketu-kokoluk
(Im. 23:15-22)
26 #
Kel. 23:16, 34:22; Ul. 16:9-12 Nai Feta Keketu-kokoluk-ka fai makasososan-na, fo basa fai malole-a mamasok hitu, fo nai lelek emi tunu-hotu gandum beuk fe Manetualain soona, emi muse makabubua fo makaluku-makatele, ma ta bole maue-male'di, ue-le'dis mabela fa. 27Tunu-hotu fe Manetualain tutunu-hohotu nanatunuk-ka, nalupa sapi mane dua, bi'ilopo maneanak esa, ma bi'ilopo ana mane hitu, besak-ka teuk beke esak, ma ta lu'u la'ak fa. Tutunu-hohotu nanatunuk ndia boon-na, nandaa no Manetualain dalen-na. 28Tunu-hotu tutunu-hohotu nanatunuk, fo nau do ta nau fa, emi muse tunu-hotuk-ka, nalupa ha'desopuk nanasese'dok mina setun: fo nde sapi mane esan-na, ha'desopuk kilo telu, bi'ilopo mane-a, ha'desopuk kilo dua, 29ma bi'ilopo ana esan-na, ha'desopuk kilo esa. 30Boeo, tunu-hotu bi'ihiik mane esa soaneu tutunu-hohotuk fo, sala-singok hapu do'o do ampon. No enok ndia, emi tao feta soaneu hataholi Israel-la, sala-singon nanalose henik. 31Tutunu-hohotuk sila-la loo tutunu-hohotu angol-la, nalupa tatamak neu tutunu-hohotu nanatunuk, ma tutunu-hohotu nana'ak-ka.
Actualmente seleccionado:
BILANGAN 28: twu
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
