BILANGAN 26
26
Leleke ka dua
1 #
Bil. 1:1-46
Soe ndia basa boema, Manetualain nafa'da Musa ma Eleazar, fo Imam Harun-na upun-na nae, 2“Emi muse leke la'iesak hataholi Israel-la lala'en-na, tunga esa-esak teidalen. Emi muse sulak basa touk fo, teun duahulu leo lain neu, fo nandaa teken solda'du so.” 3-4Musa ma Eleazar, lakalala'ok paleta ndia. De laloo basa touk fo, teun duahulu leo lain neu, de ala fe lakabubua leme masadokek Moab-pa, nai Lee Yarden-na selik, fo deka no kota Yerikho-a.
Hataholi Israel fo manakalua leme Masir mai-a, nde ia:
5Neme leo Ruben, fo Yakob ana ulun-na nde: Henokh, Palu, 6Hezron ma Karmi. 7Touk manai leo-ingu sila-la dalek, hataholi lifun haahulu telu, natun hitu teluhulu. 8Palu anan-na nde: Eliab, 9ma Eliab anan-nala nde: Nemuel, Datan ma Abiram. Hataholi Israel-la hele basa Datan ma Abiram so, tehu ala lakabubua loo Korah no hataholi manatungan-nala, de lale'a loo Musa no Harun, ma ala la'ban Manetualain. 10Boema, dae natangga, de ana ko'do-nalas, nalosa mates sama-sama loo Korah no hataholi manatungan-nana, lelek ha'i-a na'a heni touk natun dua limahulu. Manada'dik ndia, ana da'di nasanene'dak ba'eneu leoina Israel-la. 11Tehu ta mate Korah anan-nala fa.
12Neme leo Simeon mai nde: Leo-ingu Nemuel, Yamin, Yakhin, 13Zerah ma Saul. 14Touk manai leo-ingu sila-la dalek, basa-basan touk lifun duahulu dua natun dua.
15Neme leo Gad mai, nde: Leo-ingu Zefon, Hagi, Syuni, 16Ozni, Eri, 17Arod ma Areli. 18Touk manai leo-ingu sila-la dalek, basa-basan touk lifun haahulu natun lima.
19-21Neme leo Yehuda mai, nde: Leo-ingu Syela, Peres, Zerah, Hezron ma Hamul. Yehuda anan dua, fo nde Er ma Onan, fo maten nai dae Kanaan-na. 22Touk manai leo-ingu sila-la dalek, basa-basan touk lifun hituhulu nee natun lima.
23Neme leo Isakhar-ra mai, nde: Leo-ingu Tola, Pua, 24Yasub ma Simron. 25Touk manai leo-ingu sila-la dalek, basa-basan touk lifun neehulu haa natun telu.
26Neme leo Zebulon-na mai, nde: Leo-ingu Sered, Elon ma Yahleel. 27Touk manai leo-ingu sila-la dalek, basa-basan, touk lifun neehulu natun lima.
28Neme Yusuf tititi-nonosin mai, nanuu anatouk dua, fo nde leo Manasye ma leo Efraim-ma.
29Neme leo Manasye mai, nde: Makhir, fo Manasye anan-na, fo Makhir ia nde been-na, Gilead aman nde ndia; ma leo-ingu manamaik ia-la, nde been-na Gilead tititi-nonosin, fo nde: 30leo-ingu Iezer, Helek, 31Asriel, Sekhem, 32Semida, ma Hefer. 33Zelafehad, fo Hefer anan-na, anatouun ta, ka'da maanainak. Fo na'den-nala nde: Mahla, Noa, Hogla, Milka ma Tirza. 34Touk manai leo-ingu sila-la dalek, basa-basan, touk lifun limahulu dua natun hitu.
35Neme leo Efraim-ma mai, nde: Leo-ingu Sutelah, Bekher ma Tahan. 36Leo-ingu Eran-na nde been-na, Sutelah tititi-nonosin sila. 37Touk manai leo-ingu sila-la dalek, basa-basan, touk lifun teluhulu dua natun lima. Yusuf tititi-nonosin nde leo-ingu sila-la.
38Neme leo Benyamin-na mai, nde: Leo-ingu Bela, Asybel, Ahiram, 39Sefufam ma Hufam. 40Leo-ingu Ared ma Naaman nde been-na, Bela tititi-nonosin sila. 41Touk manai leo-ingu sila-la dalek, basa-basan, touk lifun haahulu lima natun nee.
42Neme leo Dan-na mai, nde: Leo-ingu Suham-ma. 43Touk manai leo-ingu ndia dalek-ka, basa-basan, touk lifun neehulu haa natun haa.
44Neme leo Asyer-ra mai, nde: Leo-ingu Yimna, Yiswi ma Beria. 45Leo-ingu Heber ma Malkiel-la, nde been-na, Beria tititi-nonosin sila. 46Asyer anainan esa na'de, Serah. 47Touk manai leo-ingu sila-la dalek, basa-basan, touk lifun limahulu telu natun haa. 48Neme leo Naftali mai, nde: Leo-ingu Yahzeel, Guni, 49Yezer ma Syilem. 50Touk manai leo-ingu sia-la dalek, basa-basan, touk lifun haahulu lima natun haa.
51Israel toun-nala, basa-basan, touk lifun natun nee esa natun hitu teluhulu.
52 #
Bil. 34:13; Yos. 14:1-2 Boema, Manetualain nafa'da Musa nae, 53“Baba'e dae ndia, neu leoina Israel-la leon-nala, tunga leo-la esa-esak baba'un-na. 54-56Baba'e dae ndia, nenik tu'u batu. Ba'eneu leo matua soona, muse o fe baba'en-na matua, ma ba'eneu leo anak-ka, fe baba'en-na anak-ka boe.”
57Leo Lewi-a leo-ingu-na nde: leo-ingu Gerson, Kehat ma Merari. 58Leo-ingu manai sila tititi-nonosin-na dalek nde: leo-ingu Libni, Hebron, Mahli, Musi ma Korah. Kehat nde been-na, Amram aman nde ndia. 59Amram sao Yokhebed, fo Lewi anan-na. Yokhebed ndia, bongin neme Masir. Amram no Yokhebed, anatoun dua, fo nde Musa no Harun, boema anainak esa, fo na'de Miryam. 60#Bil. 3:2 Harun anatoun haa, fo nde: Nadab, Abihu, Eleazar ma Itamar. 61#Im. 10:1-2; Bil. 3:4 Mate Nadab ma Abihu, ndek lelek ala tunu-hotu ha'i, fo Manetualain nape'da dale nasak-kana fa. 62Nai leo Lewi-a dalek, touk fo, teun-na besak-ka bulak esa leo lain neu-a, basa-basan, touk lifun duahulu telu. Sila nanasula kofe'ek, neme hataholi manai leoinan-na dalek, nanahu ala ta hapu dae pusaka nai Israel fa.
63Susulak ndia nde, Musa no Imam Eleazar-ra taon, la'eneu Israel leo-ingu-nala, ndek lelek ala leke hataholi Israel-la dede'un-na, neme masadokek Moab-pa, nai Lee Yarden-na selik, fo deka no kota Yerikho-a 64Neme hataholi fo makahulun-na, Musa no Harun sulak-kasa leme moo solokaek Sinai-a, mate la'iesak-kasa so. 65#Bil. 14:26-35 Manetualain nafa'da basa, nae neukose mate la'iesak-kala lai moo solokaek-ka. De memak tete'ek-ka, mate la'iesak-kasa leme moo solokaek-ka, de ela ka'da Kaleb, fo Yefune anan-na, ma Yosua, fo Nun anan-na.
Actualmente seleccionado:
BILANGAN 26: twu
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
