BILANGAN 24
24
1Besak ia, Bileam bubuluk basa, nae Manetualain nau ana fe leoina Israel-la, baba'e-papalak. Hu ndia de, ta neu sanga ta'du-tana sama leo makahulun-na so'on. Bileam nakanae leo moo solokaek-ka neu, 2de nita leoina Israel-la bei ofu nai bubuak-kala dalek, tunga leoinan leon-nala. Boema, Manetualain Duladalen-na koasan-na Bileam, 3de ana kokolak hala nafa'da elak-ka nde ia nae,
“Bileam, fo Beor anan-na, hala hehelun-na nde ia,
hataholi mananitak esa, hala-kokolan
4fo namanene basa Manetualain dede'a-kokolan so
ma nita Manetualain fo Manakoasan-natu'du aoinan-na,
boema ana bala neu, tehu no mata malaak.
5O lalaa tema oofum-mala, lalole-lanapu lanseli, hai Yakob,
ma o mamana leleom-mala, hai Israel!
6Sama leo bafak fo maloainan-natabaa,
do osi nai lee su'un-na;
sama leo ai lou kaboomenik, fo Manetualain selek-ka,
do ai aras-sa nai lee su'un-na.
7Ala hapu u'da oe-a, sasi kao-kao,
bubu'u-palusa bini-nggen, hapu oe makadotok.
Manen-na, neukose tetu-temak, lena heni Agag,
ma nusan-na, neukose nananamatutua-namadedemak.
8Manetualain nde nos kalua leme Masir mai,
Ana natee-natati soaneus, sama leo sapi fuik-ka.
Neukose Ana ko'do heni, leoina fo, manamusu loon-na,
Ana tao nakalulutuk duin-nala,
ma Ana helu la'di kokou isin-nala.
9 #
Kej. 12:3, 49:9 Leoina ndia, sama leo singa mane, ma singa ina,
fo ana laek, ma nangape'uk.
See kande napalani tao nafo'an-nana?
Sa'di leo been-na, hataholi manafe o baba'e-papalak-ka, nanaba'e-palak,
ma hataholi manasupa-soo o-a, nanasupa-sook.”
10Balak kukumu liman-na no nasak, de nafa'da Bileam nae, “Au aloo o mai, soaneu supa-soo au musung-ngala, te se'kona, o fes baba'e-papalak losa la'i telu. 11Besak ia o bole fali mu'um-ma leo o umam muu! Au helu basa, au se'ba o so, tehu Manetualain ta fe o loak sipo sese'bak ndia.”
12Boema Bileam nataa nae, “Ade au beita afa'da basa Tuan nadenu hataholi-la, ae 13leomae Tuan fe la'iesak lilofulak, ma lilopilas manai Tuan uma manen-na boeo, au ta bisa la'olena Manetualain paletan-na, fo au tao hata esa, tunga ka'da au dale hihiing-nga fa do? Ka'da au bole afa'da hata fo, Manetualain nadenu au afa'dan.”
Hala nafa'da elak mate'ek-ka
14Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.” 15Boema, Bileam kokolak hala nafa'da elak ia,
“Bileam, fo Beor anan-na, hala hehelun-na nde ia;
hataholi mananitak esa, dede'a-kokolan
16fo namanene basa Manetualain dede'a-kokolan so,
ma bole nalelak Manetualain Fo Mademaina;
ma nita Manetualain Fo Manakoasa, natu'du aoinan-na
boema ana bala neu, tehu no mata malaak
17Au itan, tehu ta nai besak ia fa;
au akanaen, tehu neme dook-ka mai.
Manek esa, ana da'di neme Israel mai,
neukose ana mai, sama leo nduuk mandela-masa'ak-ka.
Neukose ana tao nakalulutuk la'iesak mauli-malangan Moab-pala
neukose ana tao nakalulutuk leoina Set-ta.
18Neukose musun-na, nangatuu-na dae Edom-ma,
tehu Israel tao tatao-nono'i matuaina-la.
19Manakoasa esa, neukose to'da mai neme Yakob mai,
fo ana tao namopo-namate musun-nala.”
20Basa boema, nai ninitak ndia dalek, Bileam nita hataholi Amalek-kala. Boema, ana kokolak hala nafa'da elak ia,
“Neme basa leoina manai daebafak-ka lala'en-na,
Amalek nde manakoasa matuaina.
Tehu neu mate'en-na te, leoina ndia,
neukose mopok-kana losa dodoon-na boe.”
21Nai ninitak ndia dalek, Bileam nita Keni tititi-nonosin, boema ana kokolak hala nafa'da elak ia nae,
“Memak, o mamana leleom-ma matea-mahelek,
sama leo manupui ndunuk-ka nai piak lain.
22Tehu emi, fo hataholi Keni-la, neukose nanatao namopo-namatek,
ta dook-ka so'on te, Asyur foo emi, da'di leo hataholi nanafook.”
23Basa boema, Bileam kokolak hala nafa'da elak ia boe nae,
“Soe! Metema Manetualain tao dede'ak ndia soona,
see kande naso'da
24Tehu neukose ofak bubuak esa, ala mai leme Siprus mai,
fo neukose ala lasengi Asyur ma Heber,
basa soona, ofu bubuak ndia neukose mopo-mates boe.”
25Boema, Bileam naheheleaon, fo ana sanga fali leo mamana leleon-na neu, de Balak tunga boe.
Actualmente seleccionado:
BILANGAN 24: twu
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
