Lista 10
10
Là gomongen bè nili yóm bérs 1 efet kól bè bérs 32. Tulónen yóm kmò gel kekas le kamfù le yó kem tau Israél ke sok le bud lemwót bè yóm kógów le.
Ktebel kem tau Israél yóm Bulul Sinay
33Timbow tebel yó kem tau Israél yóm bulul Sinay yóm bulul Dwata, tlu kdaw le bud mógów omin le bud kmamfù. Bè yóm kógów le, sal gel tukô gna kul yó kem tau gel mit yóm Slungan Fasad#10:33 Nim Slungan Fasad mon le ni, ni se yóm slungan gónón nô yóm deng senfasad le Dwata yó kem tau Israél ditu bè Bulul Sinay, yóm sfolò hlau deng snulat Dwata bè yóm lewu kem botu kufil. gónón nô yóm deng fasad Dwata kul mò hetngón du kul yóm gónó le bud kmamfù. 34Bè ket kógów le, tódô senflósen tendo nô ta le yóm lobun Dwata ke kemdaw. 35Kesok bang le gel hewót du yóm Slungan Fasad tukô gna kul yó, yó gel udél Musis, monen, “Yó ne, Dwata, tukói gna kum. Gotu senklahem lu yó kem hohonem, gotu hlóyem lu yó kem tau kmutó nawa kóm.” 36Ne kesok htengen mdà se yóm Slungan Fasad yó, yó bud udél Musis, monen, “Yó ne, Dwata, budi semfulék elem blóng yó kem hilu libuhen fes lówó yó kem tau Israél.”
Actualmente seleccionado:
Lista 10: tbl
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2007, Wycliffe Bible Translators, Inc. All rights reserved.
