Kehewà 2
2
Ksut Musis
1Bè yóm kdaw yó, wen sotu tau lemwót gu bè ból Libay yehenen yóm libun lemwót gu bè ból Libay snéen. 2Mlutut ne mngà logi. Tey knóón ngà logi yó gónón bemnos du botong tlu bulón. 3Timbow là bud gbeken bemnos du, yó nmoen, nwahen yóm sotu kfilù ne wen lumangen du anì là gógówen elemen él. Ne suen lemen yóm ngaen, ominen hemsù du ditu ta él bè yóm gónón tahà bnes bè kililen. 4Ne yóm twoguhen libun yóm ngà yó fen hbentey yéen du ditu bede malù mayuk gónón nô, tenngelen ke tedu sut bè yóm ngà.
5Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen. 6Ne tahu se. Bè yóm kkólen béléen, tnukéhen yóm kfilù yó, tódô tonen se yóm ngà logi hanà udì nô lemen bede mkik. Tey kkoduhen du. Yó monen, “Ngà logi Hibru nim ni.”
7Ominen tódô hesut se yóm twoguhen libun yóm ngà yó, monen mò du, “Móyói kô ke mebele béléem libun Hibru mò htutù du béléem nim ngà ni?”
8“Yó sen,” mon yóm ngà libun boi yó. Tahu se, lemwót twogu yóm ngà yó nan e tódô nangay yéen.
9Bè yóm kkólen bè yó yóm yéen, yó monen mò du yóm libun boi yó, “Nwitem nim ngà ni fen htutuem do. Snukéyu uu bè yóm kesegyokem du.” Tahu se, nwit yéen yóm ngà, ne htutuen.
10Timbow deng malù bong yóm ngà yó, ominen mit du ebè yóm libun boi. Lemwót se kun yóm libun boi yó, tódô henbalingen mò hol kun ngà. Yó hendemen, “Nwahu ta él nim ngà ni, yó boluyu du Musis.”#2:10 Yó lanen yóm boluy Musis, “nwa lem él.”
Klóy Musis ebè benwu Midyan
11Timbow deng mtétél knawa Musis,#2:11 Ke senfalahem Nmò le 7:23, tngónem bè yó deng fat folò ne halay Musis. yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru. 12Bè yóm kton Musis du, ominen temngel gu hmilol ne laen kô dù tau tonen, tódô hnatayen yóm tau Idyip yó ne lebengen lem helek, ominen mulék ebè gónóen.
13Hayahen bè yó, bud nauyen yó kem dumu Hibru ne wen tonen lewu kem tau Hibru sfatay honon lu. Yó monen bè yóm tau wen salaen, “Moen du ke hendesem yóm kóm dumu Hibru?”
14Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”
15,16Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô.
Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le. 17Okóm wen kem dumu tau semgyok ubiha kól bè yó, deng mom gotu hdó le lu bè yó yó kem ngà libun yó. Omin Musis mógów ebélê le, nofinen lu ne tnóbóngen lu hinum yó kem ógóf le.
18Bè yóm deng kulék le ebè mà le, snólók mà le lu, monen, “Na, moen ni du ke là legen ye?”
19Mon le se, “Wen tau Idyip tmóbóng kum bè yó kem tau semgyok ubiha, gloken tmóbóng kum ma él ne hinumen yó kem ógóf me.”
20“Nô se kun du?” mon mà le. “Moen du ke tebel ye ditu yóm tau yó? Lemwót ye ne, ne ye e nangay anì mung mken bélê tekuy.”
21Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura. 22Ne mngà logi Sipura ne yó mon Musis, “Lemwót bè yóm kilohu ebè nim benwu ni, yó boluyu du nim ngà ni, Gérsum.”#2:22 Yó lanen yóm boluy Gérsum, “tau milo.”
23Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata. 24Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub. 25Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.
Actualmente seleccionado:
Kehewà 2: tbl
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2007, Wycliffe Bible Translators, Inc. All rights reserved.
Kehewà 2
2
Ksut Musis
1Bè yóm kdaw yó, wen sotu tau lemwót gu bè ból Libay yehenen yóm libun lemwót gu bè ból Libay snéen. 2Mlutut ne mngà logi. Tey knóón ngà logi yó gónón bemnos du botong tlu bulón. 3Timbow là bud gbeken bemnos du, yó nmoen, nwahen yóm sotu kfilù ne wen lumangen du anì là gógówen elemen él. Ne suen lemen yóm ngaen, ominen hemsù du ditu ta él bè yóm gónón tahà bnes bè kililen. 4Ne yóm twoguhen libun yóm ngà yó fen hbentey yéen du ditu bede malù mayuk gónón nô, tenngelen ke tedu sut bè yóm ngà.
5Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen. 6Ne tahu se. Bè yóm kkólen béléen, tnukéhen yóm kfilù yó, tódô tonen se yóm ngà logi hanà udì nô lemen bede mkik. Tey kkoduhen du. Yó monen, “Ngà logi Hibru nim ni.”
7Ominen tódô hesut se yóm twoguhen libun yóm ngà yó, monen mò du, “Móyói kô ke mebele béléem libun Hibru mò htutù du béléem nim ngà ni?”
8“Yó sen,” mon yóm ngà libun boi yó. Tahu se, lemwót twogu yóm ngà yó nan e tódô nangay yéen.
9Bè yóm kkólen bè yó yóm yéen, yó monen mò du yóm libun boi yó, “Nwitem nim ngà ni fen htutuem do. Snukéyu uu bè yóm kesegyokem du.” Tahu se, nwit yéen yóm ngà, ne htutuen.
10Timbow deng malù bong yóm ngà yó, ominen mit du ebè yóm libun boi. Lemwót se kun yóm libun boi yó, tódô henbalingen mò hol kun ngà. Yó hendemen, “Nwahu ta él nim ngà ni, yó boluyu du Musis.”#2:10 Yó lanen yóm boluy Musis, “nwa lem él.”
Klóy Musis ebè benwu Midyan
11Timbow deng mtétél knawa Musis,#2:11 Ke senfalahem Nmò le 7:23, tngónem bè yó deng fat folò ne halay Musis. yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru. 12Bè yóm kton Musis du, ominen temngel gu hmilol ne laen kô dù tau tonen, tódô hnatayen yóm tau Idyip yó ne lebengen lem helek, ominen mulék ebè gónóen.
13Hayahen bè yó, bud nauyen yó kem dumu Hibru ne wen tonen lewu kem tau Hibru sfatay honon lu. Yó monen bè yóm tau wen salaen, “Moen du ke hendesem yóm kóm dumu Hibru?”
14Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”
15,16Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô.
Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le. 17Okóm wen kem dumu tau semgyok ubiha kól bè yó, deng mom gotu hdó le lu bè yó yó kem ngà libun yó. Omin Musis mógów ebélê le, nofinen lu ne tnóbóngen lu hinum yó kem ógóf le.
18Bè yóm deng kulék le ebè mà le, snólók mà le lu, monen, “Na, moen ni du ke là legen ye?”
19Mon le se, “Wen tau Idyip tmóbóng kum bè yó kem tau semgyok ubiha, gloken tmóbóng kum ma él ne hinumen yó kem ógóf me.”
20“Nô se kun du?” mon mà le. “Moen du ke tebel ye ditu yóm tau yó? Lemwót ye ne, ne ye e nangay anì mung mken bélê tekuy.”
21Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura. 22Ne mngà logi Sipura ne yó mon Musis, “Lemwót bè yóm kilohu ebè nim benwu ni, yó boluyu du nim ngà ni, Gérsum.”#2:22 Yó lanen yóm boluy Gérsum, “tau milo.”
23Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata. 24Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub. 25Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2007, Wycliffe Bible Translators, Inc. All rights reserved.