Dwata 24
24
Là gomongen bè nili bérs 1 efet kól bè bérs 18. Bè ni kem bérs ni tulónen yóm hlau bè tau syehen ne yó kem dumu hlau Dwata kul.
Hlau bè kuta
19“Ke sentifun ye yó kem nuta ye ne ke wen klifót ye du, hol bê ye abay bud na a nangay, mò tódô noyok yó kem tólóng tau menwu lem blóng ye ne yó kem ngà hikit ne yó kem libun bolu. Ke ni se nmò ye, tey któbóng Dwata kuy bè ket nmò ye. 20Ke nuta ye bungu yó kem koyu ulib, hol bê ye abay bud senfulék yó kem dù tebel. Yó se mò noyok yó kem tólóng tau menwu lem blóng ye ne yó kem ngà hikit ne yó kem libun bolu. 21Ke nuta ye yó kem bungu grép, bê ye abay bud senfulék yó kem dù bunguhen tebel. Yó se mò noyok yó kem tólóng tau menwu lem blóng ye ne yó kem ngà hikit ne yó kem libun bolu. 22Hendem ye dé yóm tehe keghesek ye bè Idyip se kuy ne yó se gónów tmulón du kuy nim hlau ni.”
Là gomongen bè nili yóm tsaptér 25. Yó tulónen yóm hlau bè ktafak le du yóm tau wen salaen ne yóm kun snolu yóm tau ke matay yóm dumuhen setwoli logi ne tey wen he dumu hlau Musis kul.
Actualmente seleccionado:
Dwata 24: tbl
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2007, Wycliffe Bible Translators, Inc. All rights reserved.
