YEREMIA 45
45
Dandi i Allah kon i Barukh
1 #
Dat.2. 24:1; Taw.2. 36:5-7; Dan. 1:1-2 Kon taong noginggopat kon pinomarentaan i Yoyakin ki adí i Yosia kon Yohuda, ki Barukh in nomais kon onu inta pinogumanku kon inia. Bo pinotaauku kon inia in 2tosingogon i Tuhan, Allah in Israel. Ki Tuhan in noguman, “Barukh, 3iko in nogamui nanaa, ‘Ah, totuu mosoe in akuoi naa! Rorigaku in totuu mobarong, bo ki Tuhan in nopodugang doman in roriga. Moḷopídon in akuoi in mogamui, totokbí in diá in onownea!’
4Ei Barukh! Akuoi, ki Tuhan, koyogot in morumbun kon onu inta ain pinosindog-Ku, bo yogot morabut kon onu inta pinomuḷa-Ku. Sinangkub in dunia in pomiaan-Kubí natua. 5Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”
Actualmente seleccionado:
YEREMIA 45: INOMOG
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Alkitab Singog In Mongondow Masa In Tanaa © Indonesian Bible Society, 2016.
