Salmos 54
54
1Busölá nedaʼ, Dios, para gaca yöl-laʼ ba que Loʼ.
Len yöl-laʼ huáca quiuʼ guléaj nedaʼ tsahuiʼ.
2Ruzë́ naguʼ le rulidzaʼ Liʼ, Dios.
Ruzë́ naguʼ didzaʼ ruáʼa.
3Taʼdíl-lalen bönniʼ ziʼtuʼ nedaʼ,
tuʼ të́ʼënëʼ bönniʼ zidzaj ilútiëʼ nedaʼ.
Bitiʼ caʼ tádxinëʼ Dios.
4Buliʼyútsöcaʼ, naca cazëʼ Dios Nu rácalen nedaʼ.
Ruzóëʼ tsutsu Xanruʼ yöl-laʼ naʼbán quiaʼ.
5Ubiʼë quégaca nupa taʼdíl-lalen nedaʼ le usuniti léguequi.
Tuʼ runuʼ ca rnna xtídzuʼu, Dios, busuniti léguequi.
6Idú ládxaʼa gútiaʼ-baʼ böaʼ-bëdxi loʼ.
Guíaʼ Liʼ: “Xclenuʼ” Xan, tuʼ naca dxiʼa Loʼ.
7Busölá cazuʼ Liʼ nedaʼ lu yuguʼ le guca quiaʼ,
ateʼ riléʼedaʼ zeaj nanítiticaʼsö nupa taʼdíl-lalen nedaʼ.
Actualmente seleccionado:
Salmos 54: zar
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2009, Wycliffe Bible Translators, Inc. All rights reserved.
