याकूब 2
2
सब्बीं ने प्यार करा
1मेरे साथी विश्वासियो, तुहें अहांरे महिमावान प्रभु यीशु मसीह रे चेले हुणे रिया वजह ने तुहां च कोई भेद-भाव नीं ओ। 2कल्पना करा भई तुहांरिया कलीसिया च जे इक माहणु सोने री गुट्ठी कने मैहंगे कपड़े पैहनीने आओ, कने इक गरीब माहणु बी मैले-कुचैले कपड़े पैहनीने आओ। 3जे तुहें अमीर माहणुये जो, “अच्छा आदर कने बैठणे जो खरी जगह दें,” कने तिस गरीब माहणुये जो बोल्लो, “तूं येत्थी खढ़िरा रै,” या “मेरे चरणां च बैठ।” 4तां क्या इसते साफ-साफ भेद-भाव नीं दिखदा भई तुहांरे विचार कितणे खराब ये?
5मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा? 6तां बी तुहें गरीबां री बेज्जति कराँ ये। तुहें जाणां ए भई ये अमीर लोक इ हाए सै जे तुहां पर अत्याचार करां ए। सैई सै जे तुहांजो कचैहरियां च जबरदस्ती घसीटी ने नीं लेई जाएं? 7क्या ये सैई लोक नींये, सै जे मसीह रे तिस उत्तम नौआं री निंध्या कराँ ये, सै जे तुहांजो दित्तिरा?
8तां बी जे तुहें पवित्रशास्त्रा ते मिलणे औल़े वचना रा सच्चमुच पालन कराँ ये, भई “अपणे पड़ेसिये ने अप्पूँ साई प्यार करा” तां तुहें ठीक कराँ ये। 9पर जे तुहें भेद-भाव कराँ ये, तां तुहें पाप कराँ ये; कने परमेशरा री व्यवस्था तुहांजो गुनाहगार साबित कराँ इ।
10काँह्भई सै जे कोई इक्की हुक्मा जो छड्डिने सारिया व्यवस्था रा पालन कराँ, तिस माहणुये साई आ तिने जे सारिया व्यवस्था जो नीं मन्नया। 11सैई परमेशर तिने जे बोल्या था, “तू व्यभिचार नीं करयां” ये बी गलाया था, “तू हत्या नीं करयां।” इस खातर जे तुहें व्यभिचार नीं करदे पर हत्या कराँ ये तां बी तुहें परमेशरा रिया व्यवस्था जो तोड़ने औल़े हुये।
12इस खातर ताहली जे तुहें किछ बोलां ये या कराँ ये, ये आद रखयां भई तुहांरा इन्साफ तिस नियमा ने हूणा सै जे अहांजो अजाद कराँ। 13इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।
विश्वास कने अच्छे काम्म
14मेरे प्यारे साथी विश्वासियो, जे तुहां चते कोई प्रभु यीशु मसीह पर विश्वास करने रा दावा कराँ ये पर तिसले कोई काम्म नींआ, तां तिसरा विश्वास बेकार आ, तां तिसरा सै विश्वास क्या तिसरा छुटकारा करी सक्कां? 15मन्नी लो भई किसी साथी विश्वासिये जो कपड़यां री कने रोज किया रोटिया री किल्लत हो, 16कने तुहें तिन्हांने बोल्ला ये, भई “गर्म रौआ कने तृप्त रौआ, जावा परमेशर तुहांजो आशीष देओ, पर तिन्हांजो रोटी कने कपड़े नीं देओ, तां इसरा क्या फायदा?” 17देख्या तुहें, सिर्फ विश्वास रखणा काफी नींआ, तिस विश्वासा सौगी जे काम्म जुड़ीरे नींये, सै विश्वास नीं कहलाया जाणा सै बेकार कने मरीरा। 18पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा। 19तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई। 20पर ओ! निकम्मे माहणुआ, तू ये कदीं सोचणा भई सै विश्वास बेकार आ, तिस सौगी जे अच्छे काम्म नींये?
21क्या तू भुल्लीगरा भई अहांरे पूर्वज अब्राहमे ताहली जे अपणे पुत्र इसहाका जो बेदिया पर चढ़ाया, तांई परमेशरा रिया नज़राँ च धर्मी गिणया गया? 22देक्खा, तिसरा परमेशरा पर इतणा भरोसा था भई सै जे किछ परमेशरे बोल्या, सै सब किछ करने जो त्यार हुईग्या; तिसरे विश्वासा जो तांई पूरा मन्नया गया ताहली जे तिने सै कित्या सै जे तिस्सो करने खातर बोल्या गया था, 23इस खातर तियां जे पवित्रशास्त्रा च लिखिरा, तियां इ हुया, “अब्राहमे परमेशरा पर विश्वास कित्या, कने तिसरे विश्वासा रिया वजह ने परमेशरे अब्राहम जो धर्मिये रे रुपा च ग्रहण कित्या, कने सै परमेशरा रा मित्र कहलाया। 24तुहें देखील्या भई सिर्फ विश्वासा तेई नीं, पर अपणे कम्मां ते माहणु धर्मी बणां। 25तियां इ राहाब वेश्य बी, क्या तिस बगत अपणे कम्मां ते धर्मी नीं बणी, ताहली जे तिसे जासूसां जो अपणे घरा च शरण दित्ति कने फेरी तिन्हांजो दुज्जे रस्ते किति भेज्जीत्या। 26तियां जे बिणा साह#2:26 साह आत्मा ते शरीर मूईरा हुआं, तियां इ बिणा खरयां कम्मां ते विश्वास बी मूईरा हुआं।
Actualmente seleccionado:
याकूब 2: KFSNT
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
This work is licensed under Creative Commons Attribution-ShareAlike 4.0 License.
याकूब 2
2
सब्बीं ने प्यार करा
1मेरे साथी विश्वासियो, तुहें अहांरे महिमावान प्रभु यीशु मसीह रे चेले हुणे रिया वजह ने तुहां च कोई भेद-भाव नीं ओ। 2कल्पना करा भई तुहांरिया कलीसिया च जे इक माहणु सोने री गुट्ठी कने मैहंगे कपड़े पैहनीने आओ, कने इक गरीब माहणु बी मैले-कुचैले कपड़े पैहनीने आओ। 3जे तुहें अमीर माहणुये जो, “अच्छा आदर कने बैठणे जो खरी जगह दें,” कने तिस गरीब माहणुये जो बोल्लो, “तूं येत्थी खढ़िरा रै,” या “मेरे चरणां च बैठ।” 4तां क्या इसते साफ-साफ भेद-भाव नीं दिखदा भई तुहांरे विचार कितणे खराब ये?
5मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा? 6तां बी तुहें गरीबां री बेज्जति कराँ ये। तुहें जाणां ए भई ये अमीर लोक इ हाए सै जे तुहां पर अत्याचार करां ए। सैई सै जे तुहांजो कचैहरियां च जबरदस्ती घसीटी ने नीं लेई जाएं? 7क्या ये सैई लोक नींये, सै जे मसीह रे तिस उत्तम नौआं री निंध्या कराँ ये, सै जे तुहांजो दित्तिरा?
8तां बी जे तुहें पवित्रशास्त्रा ते मिलणे औल़े वचना रा सच्चमुच पालन कराँ ये, भई “अपणे पड़ेसिये ने अप्पूँ साई प्यार करा” तां तुहें ठीक कराँ ये। 9पर जे तुहें भेद-भाव कराँ ये, तां तुहें पाप कराँ ये; कने परमेशरा री व्यवस्था तुहांजो गुनाहगार साबित कराँ इ।
10काँह्भई सै जे कोई इक्की हुक्मा जो छड्डिने सारिया व्यवस्था रा पालन कराँ, तिस माहणुये साई आ तिने जे सारिया व्यवस्था जो नीं मन्नया। 11सैई परमेशर तिने जे बोल्या था, “तू व्यभिचार नीं करयां” ये बी गलाया था, “तू हत्या नीं करयां।” इस खातर जे तुहें व्यभिचार नीं करदे पर हत्या कराँ ये तां बी तुहें परमेशरा रिया व्यवस्था जो तोड़ने औल़े हुये।
12इस खातर ताहली जे तुहें किछ बोलां ये या कराँ ये, ये आद रखयां भई तुहांरा इन्साफ तिस नियमा ने हूणा सै जे अहांजो अजाद कराँ। 13इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।
विश्वास कने अच्छे काम्म
14मेरे प्यारे साथी विश्वासियो, जे तुहां चते कोई प्रभु यीशु मसीह पर विश्वास करने रा दावा कराँ ये पर तिसले कोई काम्म नींआ, तां तिसरा विश्वास बेकार आ, तां तिसरा सै विश्वास क्या तिसरा छुटकारा करी सक्कां? 15मन्नी लो भई किसी साथी विश्वासिये जो कपड़यां री कने रोज किया रोटिया री किल्लत हो, 16कने तुहें तिन्हांने बोल्ला ये, भई “गर्म रौआ कने तृप्त रौआ, जावा परमेशर तुहांजो आशीष देओ, पर तिन्हांजो रोटी कने कपड़े नीं देओ, तां इसरा क्या फायदा?” 17देख्या तुहें, सिर्फ विश्वास रखणा काफी नींआ, तिस विश्वासा सौगी जे काम्म जुड़ीरे नींये, सै विश्वास नीं कहलाया जाणा सै बेकार कने मरीरा। 18पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा। 19तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई। 20पर ओ! निकम्मे माहणुआ, तू ये कदीं सोचणा भई सै विश्वास बेकार आ, तिस सौगी जे अच्छे काम्म नींये?
21क्या तू भुल्लीगरा भई अहांरे पूर्वज अब्राहमे ताहली जे अपणे पुत्र इसहाका जो बेदिया पर चढ़ाया, तांई परमेशरा रिया नज़राँ च धर्मी गिणया गया? 22देक्खा, तिसरा परमेशरा पर इतणा भरोसा था भई सै जे किछ परमेशरे बोल्या, सै सब किछ करने जो त्यार हुईग्या; तिसरे विश्वासा जो तांई पूरा मन्नया गया ताहली जे तिने सै कित्या सै जे तिस्सो करने खातर बोल्या गया था, 23इस खातर तियां जे पवित्रशास्त्रा च लिखिरा, तियां इ हुया, “अब्राहमे परमेशरा पर विश्वास कित्या, कने तिसरे विश्वासा रिया वजह ने परमेशरे अब्राहम जो धर्मिये रे रुपा च ग्रहण कित्या, कने सै परमेशरा रा मित्र कहलाया। 24तुहें देखील्या भई सिर्फ विश्वासा तेई नीं, पर अपणे कम्मां ते माहणु धर्मी बणां। 25तियां इ राहाब वेश्य बी, क्या तिस बगत अपणे कम्मां ते धर्मी नीं बणी, ताहली जे तिसे जासूसां जो अपणे घरा च शरण दित्ति कने फेरी तिन्हांजो दुज्जे रस्ते किति भेज्जीत्या। 26तियां जे बिणा साह#2:26 साह आत्मा ते शरीर मूईरा हुआं, तियां इ बिणा खरयां कम्मां ते विश्वास बी मूईरा हुआं।
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
This work is licensed under Creative Commons Attribution-ShareAlike 4.0 License.