Cantar de Cantares 7
7
Jöven:
1 1 (2) Reypa tsurinnöraq jipash, sandaliata shukukurkuptikim chakikipis kuyakuypaq.
Adornu rurayta yachaqkuna rurayanqan adornunömi tseqllaykipis kuyakuypaq.
2 2 (3) Pupuykipis alli vïnu junta wiñashqa cöpanömi.
Pachaykipis liriu waytawan entërunpa tsapashqa trïgu montunashqanömi.
3 3 (4) Chuchuykipis kuyakuypaq millïshu mallwa lluytsukunanömi.#Cant. 4.5.
4 4 (5) Kunkaykipis kuyakuypaq marfilpita rurashqa törrinömi.
Ñawikipis Hesbón markachö Bat-rabim punku kaqlächö ishkay estanqui yakunömi.
Senqaykipis Damascuman rikakaq Líbanuchö kuyakuypaq törrinömi.
5 5 (6) Umaykipis Carmelo jirkanömi kuyakuypaq.
Aqtsaykipis fïnu jïlunö karmi reytapis löcuyätsin.
6 6 (7) Kuyayllä jipash, alläpa kuyakuypaqmi kanki.
Mana dëjaypa kuyakuypaqmi kanki.
7 7 (8) Palma jacha ichiraqnömi kuyakuypaq jatun kanki.
Chuchuykipis palma jachapa wayuynin warkaraqnöraqmi.
8 8 (9) Wayuyninta pallanäpaqmi palma jachaman lätayta munä.
Tsaychömi tarishaq sartanpa üvanö chuchuyki kaykaqta,
jamayniki poqushqa manzänanö mushkuqta
9 9 (10) y shimikipis alli vïnunö alläpa mishkiqta.
Mutsamaptikim vïnuta upyarkuptï kirüta y qallüta mishkiynin usunkätsiqnö kaykan.
Jipash:
10 10 (11) Noqam kuyaynïllapaq kaykä.
Paypis lädullächö kaytam munan.
11 11 (12) Kuyayllä, markapita saslla yarqushun.
Kuyakuypaq mushkuq waytakunapa chawpinchö warämushun.
12 12 (13) Patsa waraskiptinnam üva chakrakunapa aywashun.
Tsaychö rikämushun mä üvakuna mukkrunnakush y granadïllapis tuktunnakush.
Tsaychömi shonqüta entregashayki.
13 13 (14) Tsaychömi mandrägoraspa mushkuyninpis mushkunraq.
Tsaychömi tukuyläya frütakuna kaykan.
Kuyayllä, reqinqayki y mana reqinqayki frütakunatam tsaychö yawatsishayki.#7.13 Frütakunatam tsaychö yawatsishayki ninanqa tsaychömi oqllashayki ninanmi.
Actualmente seleccionado:
Cantar de Cantares 7: qxn
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2011, Wycliffe Bible Translators, Inc. All rights reserved.
