Isaías 25

Dios Yayata alabar cantanqan

1 Dios Yayallä, qamllam Diosnï kanki.

Pipis mana ruranqanta ruranqaykipitam shutikichö imaypis alabashayki.

Unaypita prometinqaykitam imaypis cumplinki.

2Chikimaqnï juklä runakunapa markankunatam raqällamanna tikratsishkanki.

Tsinkakuna alli murallashqa markankunatam raqällatana dëjashkanki.

Palaciunkunata juchutsir ushakätsinqaykitam ni imaypis allitsayanqanatsu.

3Tsaynö ruranqaykita rikarmi juklä nacionchö poderyuq runakunapis poderösu kanqaykita willakuyanqa.

Juk marka kallpasapa runakunam qampita mantsakuyanqa.

4Waktsakunapam favornin shärinki.

Mana pïyuqkunatam tsapanki.

Mangäda mana ushananpaq tsinkakuyänanmi kanki.

Alläpa achachay mana rupananpaqmi llantunki.#25.4 Kay textuchö mangädapaq y alläpa achaypaq parlarqa tukuyläya ñakaykunapaqmi nin.

Mana alli runakunam runa majinta sufritsiyan.

Perqakunata mangäda ushmütsir juchutsiqnömi kayan.

5Tsaynöllam desiertuchö achay rupaqnö kayan.

Tsaynö kaykäyaptinmi ollquq kaykäyaqtapis tsunyarpatsinki.

Pukutaywan rupayta tsapaqnömi upällarpatsinki.

Banquëtita Dios Yaya ruratsinanpaq ninqan

6 Sión lömachömi llapanta mandaq Dios Yaya maytsay nación runakunapaq banquëtita ruratsinqa. Tsay banquëtichömi alli mikuykuna mikukuy munay kanqa y alli vïnupis upyakuy munay kanqa.

7Tsay lömachö llapan markakunata tsaparaq yana llatapata y llapan nacionkuna tsaparaq mortäjata#25.7 Kay textuchömi wañuyta iwalatsin yana llatapaman y mortäjaman. Llapan markakunata y nacionkunata tsaparanqanta nirqa llapan runakuna wañuyanqantam nin. Tsaymi kay textu nin Sión lömachö wañur ushakätsinanpaq kanqanta. ushakätsiptinmi 8wañuypis kanqanatsu.#1Cor. 15.54. Waqaqkunapatam kikin Dios Yaya shoqar weqinkunata pitsanqa.#Apoc. 7.17; 21.4. Kuyanqan runakunam penqakuychö kayanqanatsu. Tsaynö kananpaqmi Dios Yaya nin.

9Tsay witsaymi runakuna niyanqa:

<<Kaychönam Diosnintsik kaykan.

Confiakunqantsiknöllam salvamashkantsik.

Paymi shuyaranqantsik Dios Yaya.

Salvamanqantsikpita llapan shonquntsikwan kushishqa alabashun>>.

10Sión lömachö runakunatam llapan imaykapitapis Dios Yaya tsapanqa. Peru Moab naciontam sïqa wanuman oqshata tallurkur jaruqnö jarur 11valienti kayninta ushakätsinqa. Wanupita lamkaykachar shäriyta mana puëdiqnömi Moab nacionpis ni imanö shäriyta puëdinqatsu.#25.11 Moab nación imanöpa shäriyta puëdinqatsu nirqa markankunata yapay shäritsiyta y ima ruraytapis mana puëdiyanqantam nin. 12Dios Yayam markapa altu murällankunatapis jankat juchutsir ushakätsinqa.#Isa. 15.1—16.14; Jer. 48.1-47; Eze. 25.8-11; Amós 2.1-3; Sof. 2.8-11.

Actualmente seleccionado:

Isaías 25: qxn

Destacar

Copiar

Comparar