Isaías 22

Jerusalén runakuna Dios Yayapita mana mantsakuyanqan

1Kaychömi qellqashqa kaykan Rikachakuna Pampachö#22.1a Rikachakuna Pampapaq parlarqa Jerusalénpaqmi Isaías nirqan. Pampapita rikachakur karuyaq rikayta mana puëdinqantsiknömi Jerusalén runakuna Dios Yaya castigananpaq kanqanta tantiyayarqantsu. ima päsananpaq kanqanta Dios Yaya revelanqan.

Jerusalén runakuna, ¿imatan markaykikunachö kaykan?

¿Imanirtan waji janankunachö#22.1b Tsay witsay wajikuna imanö kanqanta musyanaykipaq Isaías 15.3-pa nötanta liyiyay. kushishqa kaykäyanki?

2¿Imanirtan timpullyarraq kushikuykäyanki?

Manam espädawantsu ni guërrachötsu wañuyanki,

sinöqa mallaqaywan y pesti qeshyaywanmi ushakäyanki.

3Autoridäkunam flëchayänanta mantsakur qeshpir aywakuyashqa.

Karupa qeshpir aywayaptikipis llapaykitam prësu achkuyäshushkanki.

4Tsaymi nï: ¡Puntäpita witikuyay!

Marka majintsikkunata wañutsiyänan kaptinmi alläpa waqä.

Waqaptï ama shoqayämaytsu.

5¡Rikachakuna Pampachömi alläpa mantsakay kanqa!

¡Tsay junaq chämunanpaqmi llapanta mandaq Dios Yaya permïtishqa!

Markapa murällankunatam juchutsiyanqa.

Runakuna ausiliuta mañakur qayaraykachäyanqanmi jirkakunayaq wiyakanqa.

6Elam runakunam flëchankunata alistayashqa atacamänapaq.

Carrëtankunamanmi lätayashqana.

Bestiankunatapis montayashqanam.

Kir runakunapis escüdunkuna#22.6 Tsay escüdunkunaqa pelyarnin tsapakuyänanpaqmi karqan. aptashqanam kaykäyan.

7Täkuy munay pampakunachömi maytsika guërra carrëtakuna kaykäyan.

Bestiankuna montashqa runakunapis markantsik punkuchönam kaykäyan.

8Washämänapaq pipis mana kaptinmi munti niyanqan palaciuchö churaraq armakunaman confiakuykäyanki.#1Rey. 7.2. 9Davidpa Markanta tsaparaq perqan juchushqata allitsayänaykipaqmi rikapakuyashkanki. Yakupita mana sufrinapaqmi ura kaq pözuman yakuta qoriyashkanki.#2Rey. 20.20. 10Jerusalénchö wajikunata rikapakurmi mana alli kaqkunata juchutsiyashkanki tsaparaq perqata allitsayänaykipaq. 11Markata tsaparaq murälla waqtanchö estanqui kaptinmi marka rurinchöna yaku pözuta rurayashkanki tsaypita yakuta jipiyänaykipaq. Tsaynö alistakurpis Dios Yayamanqa manam confiakuyankitsu. Contrantsik atacamänapaq unaypitana Dios Yaya permïtishqa kaykaptinpis manam paypita mantsakuyankitsu.

12Llapanta mandaq Dios Yayam munarqan jutsaykikunata dëjaskir waqayänaykita. Tsaynöllam munarqan llakikuyänaykita y aqtsaykikunatapis rutukuskir lütu llatapakunata shukukuyänaykita. 13Peru pay ninqanta mana cäsurmi fiestata rurar wäkakunata y üshakunata pishtaskir aytsata mikur y vïnuta upyar kushishqa kayarqayki. Tsaymi niyarqayki: <<Kawanqantsikyaq mikushun upyashun. Wañukurpis pachantsiktam apashun>>.#1Cor. 15.32.

14Tsaynö kayaptikim llapanta mandaq Dios Yaya nimarqan: <<Tsaynö kayanqanpitam imaypis perdonashaqtsu>>.

Llapanta mandaq Dios Yayam tsaynö nishqa.

Sebna wañunanpaq ninqan

15Llapanta mandaq Dios Yayam nimarqan: <<Reypa palaciunchö mandakuq Sebnaman#2Rey. 18.18; Isa. 36.3. ayway. Chaykur ninki:

16<<¿Pï kanqaykitatan yarpanki?

¿Imapaqtan altu qaqachö kuyakuypaq wajitanö nïchuyki ruraykätsinki?

17Tsaynö kaykaptikim Dios Yaya prësu achkutsishurniki karu nacionman apatsishunki.

18Pelötatanömi jatun nacionman jitarishunki.

Tsaychö wañuptikim kushishqa purinqayki carrëtaykikunapis ichiräkuyanqa.

Ushakaptikim mandaqniki reypis alläpa penqakunqa.

19 Dios Yayam mandakuq kanqaykipita qarqushunki.

Carguykipitam jitarishunki.

20<<Dios Yayam nin: <Tsay junaqmi Hilcíaspa tsurin Eliaquimtana qayashaq. Paymi servimaqnï. 21Paytanam llatapaykikunata shukutsishaq. Wachukuykiwanmi tseqllanta wachakätsishaq. Tsaypitam rantiki autoridä kananpaq churashaq. Paymi Jerusalén runakunapa y Judá runakunapa taytannö kanqa. 22Paytam entregashaq rey Davidpa palaciunpa llävinta. Tsaymi pay kichanqanta ni pï wichqanqatsu. Wichqanqantapis ni pï kichanqatsu.#Apoc. 3.7.

23<< <Paytam churashaq perqaman alli jawishqa estäcanö kananpaq. Mandakuq kanqanta rikarmi castankunapis kushikuyanqa. 24Täzakuna, järrakuna y tukuyläya väsukuna estäcachö warkaraqnömi llapan castankunapis, tsurinkunapis y willkankunapis payman tsinkakuyanqa.

25<< <Peru Sebnatam següru jatiraq qerunö kaptinpis clävaranqanpita sutaqnö jitarishaq. Tsay junaqmi payman tsinkakuqkunapis ushakäyanqa>. Llapanta mandaq Dios Yayam tsaynö nin>>.

Actualmente seleccionado:

Isaías 22: qxn

Destacar

Copiar

Comparar