Mateo 4
4
Jesústa Satanás tentayta munashqan
Marcos 1.12-13; Lucas 4.1-13
1Tsaypitanami Jesústa Espíritu Santu chunyaq jirkaman pusharqan diablu tentananpaq.#Heb. 2.18; 4.15. 2Tsaycho chusku chunka (40) junaq y chusku chunka paqas ayunashqa kaptinmi Jesústa wanunayparaq mikanay tsarikuykurqan. 3Tsaymi diablu chayaykur kayno nirqan: <<Diospa Tsurin kaykarqa mä kay rumikunata tantaman tikratsiy>>.
4Tsayno niptinmi Jesús kayno nirqan: <<Tayta Diospa palabrancho kaynömi qelqaraykan: <Manami tantata mikulartsu runa kawan, sinöqa Tayta Dios lapan nishqankunata cäsukurmi kawan> >>.#Deut. 8.3.
5Tsaypitanami sagrädu Jerusalén markaman Jesústa diablu pusharqan. Tsaychönami templupa altunnin kaq puntanman ichiykatsir 6kayno nirqan: <<Diospa Tsurin karqa mä kaypita jeqay. Diospa palabrancho kaynömi qelqaraykan: <Angilninkunatami Tayta Dios kachamunqa imapitapis tsapäshunaykipaq. Paykunami tsarishunki chakilaykitapis rumikunaman mana takakunaykipaq> >>.#Sal. 91.11-12.
7Niptinmi Jesús kayno nirqan: <<Tsaynöpis Tayta Diospa palabrancho kaynömi qelqaraykan: <Tayta Diosta ama tentankitsu> >>.#Deut. 6.16.
8Tsaypitanami altunnin puntaman diablu pushaykur maytsay nacionkunata y riquëzankunata rikatsir 9nirqan: <<Qonqurpaykur adoramaptikiqa lapan rikashqaykikunatami qoykushayki>>.
10Tsaymi Jesús kayno nirqan: <<¡Witikuy, Satanás! Tayta Diospa palabrancho kaynömi qelqaraykan: <Tayta Dioslata adorapäkunki. Pay japalanta sirvipäkunki> >>.#Deut. 6.13.
11Tsayno niptinmi diablu aywakurqan. Tsaypitami angilkuna chayaykur Jesústa yanaparqan.
Galileacho wilakuyta Jesús qalaykushqan
Marcos 1.14-15; Lucas 4.14-15
12Carcilcho Juan wichqaraykashqanta mayaykurmi#Mat. 14.3; Mar. 6.17; Luc. 3.19-20. Galileaman Jesús kutirqan. 13Nazaret markacho tänanpa trukanqa Capernaúm markamannami aywarqan tsaycho tänanpaq. Tsay marka karqan Galilea qocha kuchuncho, Zabulón y Neftalí trïbu runakuna tashqan kaqchömi. 14Capernaúmcho Jesús taykarmi profëta Isaías kayno wilakushqanta cumplirqan:
15<<Zabulón trïbu y Neftalí trïbu runakuna,
qamkuna tashqaykipami lamar kuchunpa y Jordán mayu wak tsimpanpa näni pasaykan.
Mana Israel runakunapis qamkuna tashqaykicho atskaqmi tarkaykan.
16Tsakäpakushqano kawarpis atsikyaqta rikaqnömi salvashuqnikita rikapäkunkipaq.
Yanawyaykaqchöno kawapäkuptikipis salvashuqnikiqa atskinömi kanqa>>.#Isa. 9.1-2.
17Capernaúmcho tashpanmi wilakuyta qalaykur Jesús kayno nirqan: <<¡Tayta Dios mandaykashqan chayamushqanami! ¡Jutsa ruraykunata kacharir Tayta Dios munashqannöna kawapäkuy!>>#Mat. 3.2.
Discïpulun kananpaq pescädu tsariqkunata Jesús qayashqan
Marcos 1.16-20; Lucas 5.1-11
18Galilea qocha kuchunpa aywaykashqanchömi Jesús rikarqan ishkay runakunata. Pescädu tsariq karmi redninta yakuman mashtarkaykarqan. Paykunaqa karqan Simón y wawqin Andrésmi. Simónpa jukaq jutinmi karqan Pedro. 19Paykunatami Jesús kayno nirqan: <<Qatirämay. Noqami yachatsishayki runakunata pescanaykipaq>>.
20Tsayno niptinmi redninkunata kachariykushpan Jesúswan aywakärirqan.
21Tsaypita mas wak lädupa aywarkaykashqanchönami rikarqan Santiaguta y wawqin Juanta. Paykunaqa taytan Zebedeuwanmi büquincho redninkunata altsarkaykarqan. Paykunapis Jesús qayaptinmi 22taytanta y büquita kachariykur jukla aywapäkurqan.
Qeshyaqkunata Jesús aliyätsishqan
Lucas 6.17-19
23Intëru Galileapa Jesús purirmi Tayta Dios mandaykashqanpa ali wilakuyninta sinagögakunacho yachatsirqan y tukuy niraq qeshyawan qeshyaqkunata aliyätsirqan.#Mat. 9.35; Mar. 1.39. 24Tsaytami Siria nación markakunachöpis musyapäkurqan. Tsaymi paykunapis Jesús kaqman apapäkurqan tukuy niraq qeshyawan qeshyaykaqkunata, supay nakatsishqan runakunata, wanuy qeshyawan nakaqkunata y pulan cuerpun wanushqa runakunatapis. Tsay qeshyaqkunata lapantami Jesús aliyätsirqan.
25Tsaytsika runakunami Jesústa qatirparqan. Tsay runakuna karqan Galileapita, Decápolispita, Jerusalénpita, Judeapita y Jordán mayu wak tsimpanpitami.
Actualmente seleccionado:
Mateo 4: qvmB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2003, Wycliffe Bible Translators, Inc. All rights reserved.
Mateo 4
4
Jesústa Satanás tentayta munashqan
Marcos 1.12-13; Lucas 4.1-13
1Tsaypitanami Jesústa Espíritu Santu chunyaq jirkaman pusharqan diablu tentananpaq.#Heb. 2.18; 4.15. 2Tsaycho chusku chunka (40) junaq y chusku chunka paqas ayunashqa kaptinmi Jesústa wanunayparaq mikanay tsarikuykurqan. 3Tsaymi diablu chayaykur kayno nirqan: <<Diospa Tsurin kaykarqa mä kay rumikunata tantaman tikratsiy>>.
4Tsayno niptinmi Jesús kayno nirqan: <<Tayta Diospa palabrancho kaynömi qelqaraykan: <Manami tantata mikulartsu runa kawan, sinöqa Tayta Dios lapan nishqankunata cäsukurmi kawan> >>.#Deut. 8.3.
5Tsaypitanami sagrädu Jerusalén markaman Jesústa diablu pusharqan. Tsaychönami templupa altunnin kaq puntanman ichiykatsir 6kayno nirqan: <<Diospa Tsurin karqa mä kaypita jeqay. Diospa palabrancho kaynömi qelqaraykan: <Angilninkunatami Tayta Dios kachamunqa imapitapis tsapäshunaykipaq. Paykunami tsarishunki chakilaykitapis rumikunaman mana takakunaykipaq> >>.#Sal. 91.11-12.
7Niptinmi Jesús kayno nirqan: <<Tsaynöpis Tayta Diospa palabrancho kaynömi qelqaraykan: <Tayta Diosta ama tentankitsu> >>.#Deut. 6.16.
8Tsaypitanami altunnin puntaman diablu pushaykur maytsay nacionkunata y riquëzankunata rikatsir 9nirqan: <<Qonqurpaykur adoramaptikiqa lapan rikashqaykikunatami qoykushayki>>.
10Tsaymi Jesús kayno nirqan: <<¡Witikuy, Satanás! Tayta Diospa palabrancho kaynömi qelqaraykan: <Tayta Dioslata adorapäkunki. Pay japalanta sirvipäkunki> >>.#Deut. 6.13.
11Tsayno niptinmi diablu aywakurqan. Tsaypitami angilkuna chayaykur Jesústa yanaparqan.
Galileacho wilakuyta Jesús qalaykushqan
Marcos 1.14-15; Lucas 4.14-15
12Carcilcho Juan wichqaraykashqanta mayaykurmi#Mat. 14.3; Mar. 6.17; Luc. 3.19-20. Galileaman Jesús kutirqan. 13Nazaret markacho tänanpa trukanqa Capernaúm markamannami aywarqan tsaycho tänanpaq. Tsay marka karqan Galilea qocha kuchuncho, Zabulón y Neftalí trïbu runakuna tashqan kaqchömi. 14Capernaúmcho Jesús taykarmi profëta Isaías kayno wilakushqanta cumplirqan:
15<<Zabulón trïbu y Neftalí trïbu runakuna,
qamkuna tashqaykipami lamar kuchunpa y Jordán mayu wak tsimpanpa näni pasaykan.
Mana Israel runakunapis qamkuna tashqaykicho atskaqmi tarkaykan.
16Tsakäpakushqano kawarpis atsikyaqta rikaqnömi salvashuqnikita rikapäkunkipaq.
Yanawyaykaqchöno kawapäkuptikipis salvashuqnikiqa atskinömi kanqa>>.#Isa. 9.1-2.
17Capernaúmcho tashpanmi wilakuyta qalaykur Jesús kayno nirqan: <<¡Tayta Dios mandaykashqan chayamushqanami! ¡Jutsa ruraykunata kacharir Tayta Dios munashqannöna kawapäkuy!>>#Mat. 3.2.
Discïpulun kananpaq pescädu tsariqkunata Jesús qayashqan
Marcos 1.16-20; Lucas 5.1-11
18Galilea qocha kuchunpa aywaykashqanchömi Jesús rikarqan ishkay runakunata. Pescädu tsariq karmi redninta yakuman mashtarkaykarqan. Paykunaqa karqan Simón y wawqin Andrésmi. Simónpa jukaq jutinmi karqan Pedro. 19Paykunatami Jesús kayno nirqan: <<Qatirämay. Noqami yachatsishayki runakunata pescanaykipaq>>.
20Tsayno niptinmi redninkunata kachariykushpan Jesúswan aywakärirqan.
21Tsaypita mas wak lädupa aywarkaykashqanchönami rikarqan Santiaguta y wawqin Juanta. Paykunaqa taytan Zebedeuwanmi büquincho redninkunata altsarkaykarqan. Paykunapis Jesús qayaptinmi 22taytanta y büquita kachariykur jukla aywapäkurqan.
Qeshyaqkunata Jesús aliyätsishqan
Lucas 6.17-19
23Intëru Galileapa Jesús purirmi Tayta Dios mandaykashqanpa ali wilakuyninta sinagögakunacho yachatsirqan y tukuy niraq qeshyawan qeshyaqkunata aliyätsirqan.#Mat. 9.35; Mar. 1.39. 24Tsaytami Siria nación markakunachöpis musyapäkurqan. Tsaymi paykunapis Jesús kaqman apapäkurqan tukuy niraq qeshyawan qeshyaykaqkunata, supay nakatsishqan runakunata, wanuy qeshyawan nakaqkunata y pulan cuerpun wanushqa runakunatapis. Tsay qeshyaqkunata lapantami Jesús aliyätsirqan.
25Tsaytsika runakunami Jesústa qatirparqan. Tsay runakuna karqan Galileapita, Decápolispita, Jerusalénpita, Judeapita y Jordán mayu wak tsimpanpitami.
Actualmente seleccionado:
:
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2003, Wycliffe Bible Translators, Inc. All rights reserved.