Kalangan 121
121
Kalangan 121
1Pahangad aku ang'nda' tudju ni kabūran.
Minningga aku makabāk tabang?
2Tinabang aku he' si Yawe,
ya bay amapanjari langit maka dunya.
3Mbal pasagaranna tape'nu parasdas ma lān.
Mbal tatuli ya anganjagahan ka'a.
4Mbal talilap ya anunggu'an bangsa Isra'il,
tantu iya mbal tatuli.
5Si Yawe ya anganjagahan ka'a,
pasindungannu si Yawe pataptap ma bihingnu kowan.
6Mbal ka kinapiyalu bang llaw,
mbal ka taluwa' bulan bang sangom.
7 PANGHŪꞋ-Yawe ya angahampanan ka'a bo' mbal ta'abut la'at.
PANGHŪꞋ ya ameyanan kallum-nyawanu.
8 PANGHŪꞋ ya anganjagahan ka'a ma katulaknu maka ma kapole'nu,
min llaw itu sampay ni kasaumulan.
Actualmente seleccionado:
Kalangan 121: sml
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2008, Wycliffe Bible Translators, Inc. All rights reserved.
