Matiu 1
1
Ebraham yöxɨm yöxɨp höuöilmel rɨm Jisas Krais nugwo yöx pön hömä
(Luk 3:23-38)
1#Jen 22:18; 1Kro 17:11Jisas Krais nuö nöhönɨŋ maduebö nuŋ bla yöxɨm yöxɨp höuöilmel rön nugwo yöx pön hömä akuyöbö yadɨba rɨmɨdla. Nöbö dib Ebraham yöxɨm yöxɨp duön, kiŋ Depid nugwo yöx pön hömä. Depid nuŋ yöxɨm yöxɨp duön, Jisas Krais nugwo yöx pön hömä.
2Akuyöbö almä:
Ebraham nuŋ Aisak yöx pön höŋa.
Aisak nuŋ Jekop yöx pön höŋa.
Jekop nuŋ piöŋö, Juda yöxön, pɨgnɨŋ nöbö pɨg maga
agɨpa yöx pön höŋa.
3 #
Jen 38:29-30; Rut 4:18-22 Juda nuŋ mö Tama pɨsaŋ mɨdön, Peres Sera yöŋö yöx pön höŋa.
Peres nuŋ Hesron yöx pön höŋa.
Hesron nuŋ Ram yöx pön höŋa.
4Ram nuŋ Aminadap yöx pön höŋa.
Aminadap nuŋ Nason yöx pön höŋa.
Nason nuŋ Salmon yöx pön höŋa.
5 #
Rut 4:13-17
Salmon nuŋ Boas yöx pön höŋa. Boas nuöm nuŋwa Rehap.
Boas nuŋ Obed yöx pön höŋa. Obed nuöm nuŋwa Rut.
Obed nuŋ Jesi yöx pön höŋa.
6 #
2Sam 12:24
Jesi nuŋ kiŋ Depid yöx pön höŋa.
Depid nuŋ Solomon yöx pön höŋa.
Solomon nuöm nuŋ aku, höd Yuraia pɨmɨn wöröxɨm,
mai Depid pön mönö, Solomon yöx pön höŋa.
7Solomon nuŋ Riaboam yöx pön höŋa.
Riaboam nuŋ Abaija yöx pön höŋa.
Abaija nuŋ Esa yöx pön höŋa.
8Esa nuŋ Jihosapat yöx pön höŋa.
Jihosapat nuŋ Joram yöx pön höŋa.
Joram nuŋ Asaia yöx pön höŋa.
9Asaia nuŋ Jodam yöx pön höŋa.
Jodam nuŋ Ehas yöx pön höŋa.
Ehas nuŋ Hesekaia yöx pön höŋa.
10Hesekaia nuŋ Manasa yöx pön höŋa.
Manasa nuŋ Emos yöx pön höŋa.
Emos nuŋ Josaia yöx pön höŋa.
11 #
2Kiŋ 22–24; 2Kro 36:10; Jer 27:20 Josaia nuŋ Jekonaia yöx pön hön,
pɨgnɨŋ nöbö adö bli yöx pön höŋa.
Wop aku, taun dib Babilon nöbö mö hön,
Isrel nöbö mö bla nag nɨg pön Babilon dumä.
12 #
Esra 3:2
Pön dumɨdmä, Jekonaia piaku mɨdön, Sialtiel yöx pön höŋa.
Isrel nöbö mö ñɨŋ Babilon röböxön mögörɨb Juda höbkal duim aku,
Sialtiel nuŋ Serababel yöx pön höŋa.
13Serababel nuŋ Abaiad yöx pön höŋa.
Abaiad nuŋ Eliakim yöx pön höŋa.
Eliakim nuŋ Eso yöx pön höŋa.
14Eso nuŋ Sedok yöx pön höŋa.
Sedok nuŋ Ekim yöx pön höŋa.
Ekim nuŋ Elaiad yöx pön höŋa.
15Elaiad nuŋ Eliesa yöx pön höŋa.
Eliesa nuŋ Matan yöx pön höŋa.
Matan nuŋ Jekop yöx pön höŋa.
16Jekop nuŋ Josep yöx pön höŋa.
Mö Maria Josep nölmä. Maria nuŋ Jisas yöx pön höŋa.
Jisas nuŋ Krais me rɨmɨdöia.
17Makwam, nöso an Ebraham nuŋ yöxmɨn yöxɨm yöxɨp u höuöilmel rɨm akuyöbö ragpɨd adokwebö kwo (14) duöŋ aku, mai nöso kiŋ Depid yöx pön hömä. Yöx pön höm, Depid nuŋ piöŋö yöxmɨn yöxɨm yöxɨp u höuöilmel röŋ aku kwo algör ragpɨd adokwebö kwo (14) dumɨn, mai Babilon nöbö hör piakuyöbö hön ñɨgö nag nɨg pön mögörɨb ñɨŋa dumä. Pön dumɨn, mai piöŋö iswob yöxɨp u höuöilmel rɨm akuyöbö ragpɨd adokwebö kwo (14) dumɨn mönö, mai Krais#1:17 Grik mönö “Krais” aipam, Hibru mönö “Mesaia” aipam ila paŋyöbö iör mɨda: “God yad nɨgöŋ Nöbö maku.” nugwo yöx pön hömä.
Maria nuŋ Jisas yöx pön höŋa
(Luk 2:1-7)
18 #
Luk 1:27,35 Jisas Krais nugwo yöx pön höm mönö aku yadɨba rɨmɨdla. Jisas nuöm Maria, Josep nölmɨn, nuŋ pɨsaŋ yönölöŋ wöhö, ñɨŋ nugumɨn Maria ha wöta mɨdöŋa. Inöm Leia nuŋ keir rɨmɨn, ha wöta mɨdöŋa. 19Makwam nöbönɨŋ nuŋwa Josep nöbö waiö makwam, mönö diba yadölöŋ; rɨb akwör yöxön yadöŋa, “Ha wöta mɨd aku, nöbö mö bla yad nölmön, nuŋ möigw yöxöna. Makwam, tar yad abnö,” röŋa. 20Josep aliö rɨbyöx nugwöŋ aku, jɨ pɨxmag yuö bö inɨmö nugwöŋa, Nöbö Diba ejol nuŋ i nugwo yadöŋa, “Josep, Depid ha nuŋwa! ‘Mö aku, pöd raŋ pɨnö?’ rön, rɨbyöx nugumɨjɨnö; amɨn pö. Ha wöta mɨd aku, Inöm Lei akwör rɨmɨn mɨda. 21#Luk 1:31; 2:21Mai ha aku yöx pön haŋ nuŋ dib röxön, nöbö mö nuŋ akuyöbö ap kib mag gwogwo röi pɨx aku örɨx abön makwam, ib nuŋwa Jisas rane,” röŋa. 22Alöŋ aku, Nöbö Diba nuŋ mönö nuŋwa yadɨb nöbö i yad nölöŋa nugwön nuŋ piöŋö al aliö cönɨŋö, rön yadöŋa. 23#Ais 7:14Nuŋ yadöŋa,
“Ha mö i nöbö i pɨsaŋ yönen wöhö, ha wöta mɨdön,
ha i yöx pön haŋ, ib nuŋwa Emanuel me cöñɨŋö,” röŋa.
Emanuel mönö il aku, God an pɨsaŋ mɨda.
24Makwam Josep inɨmö hölɨmön öbɨlön, Nöbö Diba ejol nuŋwa mönö yadöŋ aku pön, mö Maria nugwo mɨ pɨnö, rön rɨbyöx nugwöŋa. 25#Luk 2:21Höd Josep Maria pɨsaŋ yönölöŋ wöhö, Maria ha aku yöx pön höm, Josep ha aku ib nuŋwa Jisas, me rön, Maria nugwo mɨ aŋadö pöŋa.
Actualmente seleccionado:
Matiu 1: tmd
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2010, Wycliffe Bible Translators, Inc. All rights reserved.