Fingec fingec 3
3
Ngicngac yeri Kebu Anutuac yoac kpeoc
1 #
Yoh 8:44; 2Kor 11:3; Yhkp 12:9; 20:2 Kebu Anutungo bangecac yang sasawa meficyunuec imoc yeneac botucfu boidzocngo negen negentegec ikoha amma faka manganau feracyunudarec. Anu yeng ngac yofi dema kpesimiec, “Ngeri uau ic sasawa nandacdae imocac fora mi nedarecde, Anutungo foracngoc ifi deec me?”
2 #
Fing 2:16-17
Ifi deu ye yofi meremmiec, “Neri uau ic nandae imocac fora naric nedacdede. 3Anutungo yofi deec, ‘Kecma homebaocac ua botuhau ic mocgu nande imocac fora mi nebesera amma mi kpeserebesera.’ Ifi deec.” 4#Yoh 8:44; 2Kor 11:3Ifi deu boidzocngo yofi meremmiec, “Kpac, ngeri naric mi homeecde. 5Ye ine yofi negende, ngeri ic imocac gbomea neecdeu kicngira tegeru ye isoc amma wiac gombunga nga mangana imocac hania negentegerecde.”
6 #
1Tim 2:14; Yak 1:14; 1Yoh 2:16 Ifi deu ngac ye ic imoc henu nenea gombunga amma yeac kicfu siriha gombunga yombong anec. Anu ye yofi negenec, “Ni naric imoc nema negen negentegecgoc ambade.” Ifi negemma ye ic imocac gbomea mong mema nema ewea yegoc nanec ye ifingoc miu neec. 7#Fing 2:25Neec kicngira tegeru senggang kefoc imoc engenoc. Engemma fig ic#3:7 Fig imoc ic mong fora songeagoc. maria goa mema kpebioc. Kpebima imocngo kporuc isoc anu sebingira semeoc.
Anutungo haec
8Anu marai anu ama nomaneu Kebu Anutungo uau kenu ngic enemagoc yeri haniudumenga negenoc. Negemma ic botucnginau kemma yeac kicfunac sufuoc. 9Sufuec ye ngic kpacma yofi deec, “Adam, ge dahai?” 10Ifi kparu ngicngo yoac turunga yofi meremmiec, “Ni udumengga negemba uau hana senggang kecduaeac kengec amma sufudua.” 11Ifi deu Anutungo yofi dema kpesimiec, “Ge senggang kecnec imoc merang edegudac? Ge ic gbomea mi nenadeac kpae faiyai ge imoc nedang me?” 12Ifi deu ngicngo yofi deec, “Ge ngac nigoc kefudeac nennec yeng icgbomea mema nenu nedua.” 13#Fing 3:4; 2Kor 11:3; 1Tim 2:14Ifi deu ngac yofi dema kpesimiec, “Ge noc faka andang?” Deu deec, “Boidzocngo ikoc anenu ic gbomea kpaeyagoc imoc nedua.”
Anutungo demeting ayemmeec
14Ifi deu boidzoc yofi dema edeec, “Ge ifi andanggac amau ramaburumaka sasawa nga kateu yang sasawa yeneac botucfunac ge sowecgagoc annec. Ge bangecfu kecnadesoc wosogango heima heima kecma sendungnene kecnade. 15#Rom 16:20; Heb 2:14-15; 1Yoh 3:8; Yhkp 12:17Anu ni ge anggemba ngacac ngabaya annade nga ngac ye ifingoc geac ngabaga kefude. Amma geac fingecsahe yeni ngacac bangecfora yeneac ngabafocngina anggecde. Amma yeac bangecfora yeni geac fingecsahegaac ngabafocngina anggecde. Amma ye geac orucga tidzameu geng meremma hania kinade.”
16 #
1Kor 14:34; Efs 5:22; 1Tim 2:11-12; 1Pe 3:1; Heb 6:8 Amma ye ngac yofi dema edeec, “Ge heregoc annade naso imohai kpendzeng monggoc gembade nga gadze witiau nambaracfocga meyununade. Amma ge ewegaac anggenu yeng geac gareng anude.”
17 #
Heb 6:8
Amma Adam ine yofi dema edeec, “Ni yofi edeguai, ‘Ge ic imocac gbomea mi nebesena!’ Anu ge ine enenggaac yoac modacma icgbomea imoc nedang. Imocac bangec imoc geac amma sowehagoc anude. Anu ge kecnadesoc nga kecbesannecsoc uatoa mema yakaga meficgema nenade. 18Bangecfunac icbarang barang nga kpindzing waeyagoc ereude nga semeng bangecfunac ereude ge imoc nenade. 19#Fing 2:7; Myeg 90:3; 104:29; Mde 12:7; 2Tes 3:10; Heb 6:8Ge sengerang heima yakaga homecneckecma homema bangecfungoc dzigenenade. Imoc yofiac, ge bangectehecngo memeguya bangectehecsac annec nga bangec monggoc annade.”
20Anu ngac ye ngicngac sasawa kekecninagoc nenang kisicnina. Imocac amma ngic ye enemaac kpara Ewa#3:20 Ewa Kpac imoc hebiraio yoacfu Hawwa nga imocac titiha kekehagoc. kparec.
Edennu naso wisickeec
21 Kebu Anutungo yangsebera mema wamba miackema Adam ngaenema heiyemeru kemeu kefec 22yofi deec, “Negennec, ngicngacyeri gombunga nga manganaac hania bic negentegecdape, imocacsiricfu yeri nerang isoc andape. Ifiac amma yeri maringira sinemakekec icac fora mema nema kekecserigoc kecbaocac.” 23Imocacamma yeri Eden uaunac meicyuruec. Amma yeri bangectehecngomemeaac sueyuruu kemma yeraoc bangecfu heihomecnec anoc.
24 Kebu Anutungo ngicngac meicyuruu ngadeau kemeoc. Meicyuruu Eden uau wenac ereereau dzikacac beang monggerecborangagoc dzeec imoc yengenaoc imohai yerecgemakenghaanec#3:24 Dzikacac beang imoc siriha dafi anec imoc mi negendimbe ifisac nande. imoc faiec. Anu ye keruwfora goa k#3:24 Keruw yeni kurumenggac gareng areng mong nga siricngina gombunga mi negendimbe. ifingoc ihaifaiyunuu yeneng kekec icac sing hedzickegecdeac gareng nanggec. Kebu Anutungo ngicngac meicyuruu ngadeau kemeoc. Meicyuruu Eden uau wenac ereereau dzikacac beang mong gerecborangagoc dzeec imoc yengenaoc imohai yerecgema kenghaanec#3:24 Dzikacac beang imoc siriha dafi anec imoc mi negendimbe ifisac nande. imoc faiec. Anu ye keruwfora goa#3:24 Keruw yeni kurumenggac gareng areng mong nga siricngina gombunga mi negendimbe. ifingoc ihai faiyunuu yeneng kekec icac sing hedzickegecdeac gareng nanggec.
Actualmente seleccionado:
Fingec fingec 3: Ded
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© (Active), Wycliffe Bible Translators, Inc. All rights reserved.