PSALMS 84
84
Ek verlang na u woning
1Vir die koorleier: Met musiek. Van die Koragiete. ’n Psalm.
2Hoe lief het ek u woonplek,
o Here, die Almagtige!
3 Here, ek verlang, ek hunker
na u woning.
Met my hele wese,
liggaam en gees,
wil ek jubel
oor die lewende God.
4Selfs ’n mossie kry hier ’n plek,
en die swaeltjie bou haar nes
en maak haar kleintjies groot
naby u altare, Here, die Almagtige,
my Koning en my God!
5Gelukkig is hulle
wat in u huis woon,
waar hulle U deurentyd kan loof.
Sela
6Gelukkig is hulle
wie se krag van U kom,
wat hulle harte rig
op ’n pelgrimstog.
7Gaan hulle deur ’n droë vallei#84:7 Grondteks die vallei van Baka.,
word dit omskep
tot ’n fonteinedal.
Vroeë reëns
bring vir hulle seëninge.
8Hulle kragte sal vermeerder
tot hulle in Sion
voor God verskyn.
9 Here God, die Almagtige,
luister na my gebed.
Luister, o God van Jakob!
Sela
10O God, ons beskermer, kyk tog,
betoon genade
aan u gesalfde!
11Een dag in u tempel
is beter as duisend elders!
Ek staan liewer by die drumpel
van die huis van my God
as dat ek woon
in huise van goddeloses.
12’n Son en skild
is die Here God.
Die Here gee genade en eer.
Hy sal die goeie nie weerhou
van hulle wat doen
wat reg is nie.
13 Here, die Almagtige,
gelukkig is hy
wat op U vertrou.
Actualmente seleccionado:
PSALMS 84: NLV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011