PSALMS 80
80
Herstel ons tog, Here!
1Vir die koorleier: Op die wysie van“Lelies”. ’n Getuienis. ’n Asafpsalm.
2Luister tog,
Herder van Israel,
U wat Josef soos ’n kudde
gelei het.
U wat oor die gerubs troon,
verskyn tog in u heerlikheid
3aan Efraim, Benjamin
en Manasse.
Toon ons u magtige krag!
Kom tot ons redding!
4O God, herstel ons tog!
Laat u guns
weer oor ons skyn
sodat ons gered kan word.
5 Here, God die Almagtige,
hoe lank sal U kwaad bly
ten spyte van u volk se gebede?
6U het vir hulle trane
as kos gegee,
’n beker vol droefheid
laat drink.
7U maak ons
tot ’n voorwerp van twis
vir ons bure.
Ons vyande
dryf met ons die spot.
8God Almagtig, herstel ons tog.
Laat u guns
weer oor ons skyn
sodat ons gered kan word.
9U het ’n wingerdstok
uit Egipte gaan haal.
U het nasies verdryf
en dit hier geplant.
10U het die grond
vir hom reggemaak;
sy wortels het gegroei
en die land gevul.
11Die berge is oordek
met sy skaduwee;
die magtige seders met sy takke.
12Sy ranke het na die
Middellandse See toe uitgestoot,
en sy takke na die Eufraatrivier toe
uitgesprei.
13Hoekom het U sy mure
afgebreek
sodat verbygangers
dit kan stroop?
14Wildevarke van die bos
verwoes dit,
en die wilde diere
vreet dit op.
15God Almagtig,
kom tog terug!
Kyk neer vanuit die hemel.
Ontferm U tog
oor hierdie wingerdstok,
16die loot wat U self geplant het,
en oor hierdie seun
wat U vir Uself
grootgemaak het.
17Laat dié wat u wingerdstok
verbrand
en aan stukke gekap het,
tot niet gaan
wanneer U hulle teregwys.
18Versterk die man
aan u regterhand,
die mensekind
wat U vir Uself
grootgemaak het.
19Dan sal ons U nie weer
verlaat nie.
Laat ons herlewe,
dan sal ons
weer u Naam aanroep.
20O Here, God die Almagtige,
herstel ons tog.
Laat u guns
weer oor ons skyn
sodat ons
gered kan word.
Actualmente seleccionado:
PSALMS 80: NLV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011