PSALMS 75
75
God is die regter
1Vir die koorleier: Op die wysie van “Moenie dit vernietig nie”. ’n Asafpsalm. ’n Lied.
2Ons dank U, o God!
Ons dank U, want u Naam
is by ons.
U magtige dade
maak dit bekend.
3“Op die tyd wat Ek bepaal het,
sal Ek met regverdigheid oordeel.
4Die aarde en sy inwoners bewe,
tog vestig Ek hom stewig.
Sela
5“Die hoogmoediges
het Ek gewaarsku:
‘Hou op met julle grootpratery!’
en vir die goddeloses:
‘Moenie julleself verhef nie!
6Moenie jou
teen die hemel verhef,
of aanmatigend praat nie.’”
7Want uit die ooste of weste,
of selfs uit die woestyn,
kom daar geen verheffing nie.
8Maar God is die regter
wat verneder of verhef.
9In sy hand hou die Here
die beker,
gevul met bruisende wyn en kruie.
Hy skink daaruit.
Die goddeloses van die aarde
sal selfs die afsaksels
moet drink.
10Maar ek sal altyd getuig en sing
tot eer van die God van Jakob.
11“Al die krag
van die goddelose
sal Ek afbreek;
maar die krag van die regverdige
sal vermeerder.”
Actualmente seleccionado:
PSALMS 75: NLV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011