PSALMS 20
20
’n Roepstem in nood
1Vir die koorleier: ’n Dawidspsalm.
2Mag die Here, in tye van nood,
antwoord op jou roepstem.
Mag die Naam
van die God van Jakob
jou beveilig teen gevaar.
3Mag Hy jou te hulp snel
uit die heiligdom,
en uit Sion jou versterk.
4Mag Hy dink
aan al jou graanoffers,
en jou brandoffers gunstig aanvaar.
Sela
5Mag Hy jou hartsbegeertes
vervul,
en al jou planne verwesenlik.
6Mag ons juig oor u oorwinning,
en baniere hys
in die Naam van ons God.
Mag die Here
al jou gebede verhoor.
7Nou weet ek: die Here red
sy gesalfde koning.
Vanuit sy heilige hemel
verhoor Hy hom
en red hom deur sy groot mag.
8Sommige volke vertrou
op strydwaens en perde,
maar ons vertrou
op die Naam van die Here
ons God.
9Daardie volke sal val
en ineenstort,
maar ons sal opstaan
en regop staan.
10Gee tog oorwinning
aan ons koning, Here!
Mag die Here antwoord
wanneer ons na Hom roep.
Actualmente seleccionado:
PSALMS 20: NLV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011