یوعِل 2
2
ربّئن گونو
1صَحیوندا کَره‌نای چالین،
موقدّس داغیمدا بَرکدن چالین.
قوی اؤلکه‌نئن بوتون اهالئسی تئتره‌سئن،
چونکی ربّئن گونو گلئر،
دوغرودان دا بو گون یاخیندادیر.
2قارانلیق و ظولمتلی بئر گون!
بولودلو و قالین قارانلیق بئر گون!
بئر قوشون گلئر؛
داغلار اوستونده یاییلان سحر شفقی کئمی
چوخسایلی و قووّتلی بئر قوشون.
اِله بئر قوشون کی،
ازلدن بَری بونون کئمئسی اولماییب،
بوندان سونرا دا نسئل‌لر بویو اولمایاجاقدیر.
3قاباقلارینداکی هر شیی اود یاندیریب یاخیر،
آرخادا اولانلاری آلوو قووورور.
قاباقلارینداکی اؤلکه عدن باغینا بَنزه‌ر یِردئر،
لاکئن آرخالاریندا اولان ائزسئز بئر صحرادیر،
هچ نه اونلاردان قاچیب قورتارا بئلمئر.
4گؤرونوشده اونلار آتا بَنزه‌یئرلر.
دؤیوش آتلاری نجه چاپیرلار،
اونلار دا اِله‌جه چاپیرلار.
5دؤیوش عارابالارینا بَنزه‌یَن سَسله،
کولَشی یاندیریب یاخان اود-آلووون سَسی ائله،
سیچرایا-سیچرایا داغلاری آشیرلار.
اونلار هوجوم اوچون دوزولَن گوجلو بئر قوشونا بَنزه‌یئرلر.
6اونلارین قاباغیندا خالقلار سانکی آغری چکئر،
بوتون اوزلر سولور.
7ائگئدلر کئمی قاچیرلار،
دؤیوشچولر کئمی دووارا دیرماشیرلار.
هر کس نئظاملا گِدئر،
هامی سیراسینی پوزمادان گِدئر،
8بئربئرئنه تَنه وورمورلار،
هر کس اؤز یولو ائله ائره‌له‌یئر.
مودافئعه خطلرئنی یاریب کچنده،
سیرانی پوزمورلار.
9شهرده قاچیشیرلار،
دوواردان آتلانیب اِولره سوخولورلار،
اوغرو کئمی پنجره‌لردن گئرئرلر.
10قاباقلاریندا یِر تئتره‌یئر،
گؤیلر لرزه‌یه گلئر،
گونش و آی قارالیر،
اولدوزلار ائشیقلارینی گئزله‌دئرلر.
11رب اؤز قوشونو قاباغیندا سَس سالیر:
دوغرودان دا قوشونلارینین سایی-حسابی یوخدور.
اونون سؤزونو یرئنه یتئرَن گوجلودور.
ربّئن گونو مؤحتشم و چوخ دهشتلی‌دئر.
بونا کئم دؤزه بئلر؟
ربّه دؤنون
12رب بله بویورور:
«حتّا ائندی بله بوتون قلبئنئزله منه دؤنون؛
اوروجلا، آغلاماقلا، یاس توتماقلا.
13پالتارلارینیزی یوخ، اوره‌یئنئزی ییرتین،
ائندی تارینیز ربّه طرف قاییدین.
چونکی او، فَیّاضدیر، شَفقَتلی‌دئر،
تِز قضبلَنمَز، بول محبّتلی‌دئر،
بلا گؤندَ‌رمز.
14کئم بئلئر، بلکه رحم ادئب دؤنَر،
آرخاسیندا برکت بوراخار؛
رب تارینیز اوچون تاخیل و مایع تقدئملری بوراخار؟
15صَحیوندا کَره‌نای چالین،
اوروج اوچون واخت تعیئن ادئن،
موقدّس بئر ییغین چاغیرین.
16خالقی بئر یِره ییغین،
جاماعاتی تقدئس ادئن،
آغساقّاللاری ییغین،
اوشاقلاری و سود اَمن کؤرپه‌لری ییغین.
قوی بَی اؤز اوتاغیندان،
گلئن ده اؤز گَرده‌یئندن چیخسین.
17ربّه خئدمت ادن کاهئنلر
معبدئن اِیوانی ائله قوربانگاه آراسیندا آغلاییب دسئنلر:
”یارب، خالقینا اوره‌یئن یانسین!
اؤز ائرثئنی روسوای اولماغا قویما!
قویما اونلار مئلّتلرئن دئلئنه دوشسونلر.
نه اوچون خالقلار آراسیندا بله دیئلسئن:
بس هانی اونلارین تاریسی؟“»
ربّئن جاوابی و برکت وعده
18او زامان رب اؤز تورپاغی اوچون قِیرَتلَنه‌جک،
اؤز خالقینا رحم اده‌جک.
19رب خالقینا بله جاواب وره‌جک:
«باخین، سئزه تاخیل،
تزه شراب و زیتون یاغی گؤندَ‌ره‌جیم،
بونلارلا دویاجاقسینیز،
آرتیق سئزی مئلّتلر آراسیندا روسوای اتمیه‌جیم.
20شئمال طرفدن گلن قوشونو سئزدن اوزاقلاشدیراجاغام.
اونو قوراق، ائزسئز بئر یِره،
قاباقداکی قوشونو شرق دهنزئنه، #۲:۲۰ «شرق دهنزی» - اؤلو دهنز.
آرخادان گلنلری ده قرب دهنزئنه آپاراجاغام. #۲ ۲۰ «قرب دهنزی» - آرالیق دهنزی.
اونلار قوخویاجاقلار،
قوخولاری گؤیه قالخاجاق.»
چونکی بؤیوک ائشلر ادئب.
21قورخما، ای تورپاق، سِوئن، فَرَحلَن.
چونکی رب بؤیوک ائشلر ادئب.
22قورخمایین، ای چؤل حیوانلاری،
چونکی چؤلون اوتلاقلاری گؤیه‌رئر.
آغاج میوه‌سی ائله یوکله‌نئر،
انجئر آغاجی، اوزوم آغاجی بهره‌لرئنی ورئر.
23ای صَحیون اؤولادلاری، سِوئنئن.
تارینیز ربده شادلانین،
چونکی پاییز یاغیشینی سئزه صحئح اولان قدر ورئب.#2:23 و یا «پاییز یاغیشینی سئزه صالحلئکده ورئب» #2:23 و یا «سئزه صالحلئیی اؤیرَدن موعَلّئمی ورئب.»
اوّلکی کئمی پاییز یاغیشی ائله
یاز یاغیشینی یاغدیریر.
24خرمن یِرلری تاخیللا دولو اولاجاق،
تَکنه‌لر تزه شراب و زیتون یاغی ائله داشاجاق.
25«آرانیزا گؤندَردئیئم بؤیوک قوشونومون -
کَسئجی چَیئرتکه‌نئن، قایناشان چَیئرتکه‌نئن،
توللانان چَیئرتکه‌نئن و داغیدیجی چَیئرتکه‌نئن
یِیئب-قورتاردیغی ائللرئن عوضئنی سئزه وره‌جیم.
26بول-بول، دویونجا یئیه‌جکسئنئز،
سئزئن اوچون عجایئب شیلر ادن
تارینیز ربّئن آدینا شوکورلر اده‌جکسئنئز.
خالقیم بئر داها روسوای اولمایاجاق.
27او واخت بئله‌جکسئنئز کی،
من ائسرایئلئن آراسیندایام،
تارینیز رب منم،
آیریسی یوخدور.
خالقیم بئر داها روسوای اولمایاجاق.
موقدّس روحون وعده‌سی
28اوندان سونرا روحومو
بوتون بشر اوستونه تؤکه‌جیم.
اوغوللارینیز و قیزلارینیز نبئلئک اده‌جکلر،
آغساقّاللارینیز رؤیالار،
جاوانلارینیز رؤیالار گؤره‌جکلر.
29او گونلرده روحومو
حتّا قوللار و کنئزلرئن اوستونه ده تؤکه‌جیم.
30گؤیلرده و یرده علامتلر گؤرسده‌جیم؛
قان، آلوو و توستو سوتونلاری.
31ربّئن مؤحتشم و دهشتلی گونو گلمه‌دن،
گونش قارانلیغا و آی قان رنگئنه دؤنه‌جک.
32و اِله اولاجاق کی،
ربّئن آدینی چاغیران هر کس قورتولاجاق،
چونکی ربّئن ددئیی کئمی،
صَحیون داغیندا و اورشلئمده
قورتولوب صاغ قالانلار آراسیندا،
ربّئن چاغیراجاغی کئمسه‌لر اولاجاقدیر.
Actualmente seleccionado:
یوعِل 2: موقدس کتاب
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© Elam Ministries 2013. All rights reserved.
