Mat 1
1
Nwer nyi etꞌtohngo ji Jisos lohng no
(Luk 3:23-38)
1A wo li nwer nyi etꞌtohngo ji Jisos Kraist lohng no, ji jolo mmon a Devid,#1:1 Mak 12:25-37. Devid ji jolo mmon no Ebraham.#1:1 Jon 8:58. 2Ebraham jele Aisik. Aisik jel Jekob. Jekob jel Juda, a abon bako. 3Juda jele Peres, go Sera. Nnyehn ebo, bo jo lung-e re Tamar. Peres jel Hesron. Hesron jel Ram. 4Ram jel Aminadab, Aminadab jel Nason. Nason jel Salmon. 5Salmon jel Boas. Nnyehn Boas, bo jo lung-e re Rehab. Boas jel Obed. Nnyehn Obed, bo jo lung-e re Rut. Obed jel Jesi. 6Jesi jel Devid ji jolo ntul. Devid ji jolo ntul jel Solomon. Nnyehn Solomon tohko jol nkal Uraya. 7Solomon jel Rehoboam. Rehoboam jel Abija. Abija jel Asa. 8Asa jel Jehosafat. Jehosafat jel Joram. Joram jel Usia. 9Usia jel Jotam. Jotam jel Ehas. Ehas jel Hesekaya. 10Hesekaya jel Manase. Manase jel Amon. Amon jel Josia. 11Josia jel Jekonia, a abon bako, ngare nyi anebe Bebilon ba bob abone Israel, tahm a bo go Bebilon.
12Ngare nyi bo ma bob abone Israel, tahm a bo go Bebilon, owo Jekonia kehm jele Sealtiel. Sealtiel jel Serubabel. 13Serubabel jel Abiud. Abiud jel Eliakim. Eliakim jel Asor. 14Asor jel Sadohk. Sadohk jel Akim. Akim jel Eliud. 15Eliud jel Eleasar. Eleasar jel Matan. Matan jel Jekob.
16Jekob jel Josef ji jolo nlum a Meri. Meri ji jolo nnyehn Jisos, Jisos ji bo kpo lung-e re Kraist. 17Bomo goji Ebraham, nde nne lꞌjel mmon, mmon tahm jel ntem mmon ano ano tete ba rehng go ngare nyi Devid, babnde nne jolo ewubu ane ani. Bomo goji Devid, nde nne lꞌjel mmon, mmon tahm jel ntem mmon ano ano tete ba rehng ngare nyi bo bobo abone Israel, tahm a bo go Bebilon, babnde nne jolo ewubu ane ani. Bomo ngare nyi bo bobo abone Israel, tahm abo go Bebilon, nde nne lꞌjel mmon, mmon tahm jel ntem mmon ano ano tete ba rehng ngare nyi Kraist, babnde nne jolo ewubu ane ani.
Ana bo jele Jisos
(Luk 2:1-7)
18Ana wo bo jele Jisos Kraist. Nnyehn Jisos, bo jo lung-e re Meri. Ngare nyi bo ma lam elbal abola Josef, Josef tikem noongo a Meri, Meri sa ela go nsahm Etingi Etohko.#1:18 Luk 1:35. 19Josef nlum ewe jolo nnobeljina nne. Á sebem re á sono Meri. Á sebe mbang ana nyi á bahk-e tene, ane kꞌwuk.
20Eji Josef jo tir nsol nyio kpee, enjel nyi Esowo kehm bake, ba kpir-e go nlem, kehm-e tongo re, “Josef ji mmon no Devid, ka kpe fahl elkoko Meri go elbal! Tibre ela bi á ma sa o, á sa go nsahm Etingi Etohko. 21Á bahke jele mmon, no a bahk-e gungu mbing re Jisos (ji lohngo re ntꞌtahre). Tibre á bahke tahre ane ebe yehke go bo abiafem.”#1:21 Luk 1:77; Elt 4:12.
22Nsol nyia kpee limi, eji alum nya Ntul Esowo bungu sehng goji nnyehnamahr lꞌlohko jol go etingitingi, nya á bungu re, 23“Mmongungu a nnenkal, (Ngbahme nyi bo kala nꞌnoongo a ne) bahke sake ela, jel mmon no nlum, no bo bahke jo lung-e re Emanuel.” (Ji lohngo re, “Esowo li a nahre”).
24Josef nyahme kan go ellu, á kehm limi ana enjel nyi Ntul Esowo tong-e no, á feere song ko Meri go elbal. 25Á tikem noongo a ne tete á jel ngbokambang a mmon ewe no nlum. Josef kehm-e gungu mbing re Jisos.
Actualmente seleccionado:
Mat 1: ekaNT
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2012, The Nigeria Bible Translation Trust and Wycliffe Bible Translators, Inc. All rights reserved.