MATHAIA 3

Baptistu Johana thuhril

(Mk 1.1-8; Lk 3.1-18; Joh 1.19-28)

1Kha lai khan baptistu Johana kha Judai ram ramchâra thuhrilin a honga. 2“Irlet roi, Irvân Ram anai tâk e!” a tia.#Mt 4.17; Mk 1.15

3Ama hi kêng deipu Isaia’n,

“Ramchâra mi khêk irhâi khan,

‘Rengpa lamlian siam unglân,

A fena hrangin lam intûn siam roi,’ a ti,”

tia a insîr kha. #Isa 40.3

4Johana khan saringsei mul songkolin an nghâka, savun kongkhit a khita, a bu chu khâihmimse le ram khuaihlutui a ni.#2 Rng 1.8 5Kha zoro lai khan Jerusalem le Jordan tuidung vêl ram murdia omhai khan ama kha an pan sup supa. 6An sualhai an inpuanga, Jordan dunga khan a lei baptis-haia. 7Khan, Farisaihai le Sadukai tamtak hong a hmu’n an kuang, “Mirûl irchihaio, ningmur hong tung hrang rengata zôk hrangin tu mo baptisma chang hranga nangni inthor?#Mt 12.34; 23.33 8Nin sualhai ata nin irlet ngêt a nih ti inlang hrangin sin tho roi. 9‘Abrahama irchi kêng ei ni,’ tia ningmurna rengata zôk hrangin irtûng no roi. Nangni ki hril, Pathianin hi lunghai khom hi Abrahama irchi’n a siam thei!#Joh 8.33 10Atûn ata thing bul tina hreipui sia chian a ni ta. I ang thing khom ra saloi chu phûra meia tuapai chian an ti.#Mt 7.19 11Keima’n chu irlet entîrna hrangin tuiin nangni ki baptis ngaia; ki hnunga zuang hrangtu chu keima nêkin a roiinpui uala, a kekok chôi inruk khom ni ma ung. 12Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.

Jisua Baptisma chang thu

(Mk 1.9-11; Lk 3.21-22)

13Kha zoro lai khan Galili ram ata Johana kuang, Jordan dunga baptisma chang hrangin Jisua kha a hong fea. 14Johana khan, “Nangin kêng ni baptis hrang ni nia, ki kuang teh ni honga?” ti’n a sêla. 15Khannisianlân, Jisua’n, “Atûn hin a sa ti chian ro, hianga Pathianin a inuam murdi ei tho zit hrang a ni,” a tia. Khanchu, Johana’n a sa a ti tâka.

16Jisua kha baptisma a chang zoiin chu tui ata kha a suak zôi zela; a ta hrangin irvân ar honga, Pathian Irtha kha vasu anga suakin a chunga chuang a hmua. 17Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.#Irp 22.2; Ipn 2.7; Isa 42.1; Mt 12.18; 17.5; Mk 1.11; Lk 9.35

Actualmente seleccionado:

MATHAIA 3: HRACLBSI

Destacar

Copiar