MATHAIA 1
1
Jisua Krista Irchibulhai
(Lk 3.23-38)
1Jisua Krista chu Davida irchi a nia, Abrahama ata an irkai lam chu hiang hin a ni.
2Abrahama’n Isaka a neia, Isaka’n Jakoba, Jakoba’n Juda le a urênghai a neia, 3Juda’n Pereza le Zera (an nu chu Tamari a ni) a neia, Pereza’n Hezrona a neia; Hezrona’n Arama a neia. 4Arama’n Aminadaba, Aminadaba’n Nasona, Nasona’n Salmona, 5Salmona’n Rahabi ata Boaza a neia, Boaza’n Ruthi ata Obeda, Obeda’n Jesaia a neia.
6Jesaia’n rêng Davida a nei.
Davida’n Uria dôngma ata Solomona a neia. 7Solomona’n Rehoboama, Rehoboama’n Abija, Abija’n Asa. 8Asa’n Jehosafata, Jehosafata’n Jehorama, Jehorama’n Uzia, 9Uzia’n Jothama, Jothama’n Ahaza, Ahaza’n Hezekia. 10Hezekia’n Manasea, Manasea’n Amosa, Amosa’n Josia. 11Babulon-a sala intâng lai vêl khan Josia’n Jehoiakina le a urênghai a neia.#2 Rng 24.14-15; 2 Tsn 36.10; Jer 27.20
12Babulon-a sala intâng hruai hnungin Jehoiakina’n Sealtiela a neia, Sealtiela’n Zerubabela a neia. 13Zerubabela’n Abiuda, Abiuda’n Eliakima, Eliakima’n Azora. 14Azora’n Zadoka, Zadoka’n Akima, Akima’n Eliuda. 15Eliuda’n Eliazara, Eliazara’n Mathana, Mathana’n Jakoba. 16Jakoba’n Josefa, Mari pasal kha a neia; Mari ata Jisua Krista an iti kha, a zuang suak tâka.
17Khanchu, Abrahama le Davida kâra irlo sôm irlo minli an oma, Davida le Babulon-a sala intâng hruai kâra khom irlo sôm irlo minli an om a ni. Kha rengata irthokin Messia suak dênin irlo sômhleiminli a ni.
Jisua suak thu
(Lk 2.1-7)
18Jisua Krista zuang suak lam chu hiang hin a ni, a nu Mari kha Josefa dôngma hual a nia, an omsuam mân Irtha Irthiangin nâi an vongtir ti inhriat a ni tâka.#Lk 1.27
19A pasal hrang Josefa chu mi fel tak a nia, mualinphoitir nuam maka, inrûkin mâk a tuma. 20Khannisianlân, kha thu kha ar ngaitua laiin, irngai ta, ar manga Rengpa itîr vântîrtôn a hmua, “Josefa, Davida nâipa, ni dôngma hual Mari kha a nei chitinrîm no ro, a nâi vong chu Irtha Irthiang ata kêng, a tia. 21Nâipasal nei a ta, ar hming Jisua phua ni ti, Ama khan a mihai kha an sualhai ata a isaninhring hrang a ni,” a tia.#Lk 1.31 22Rengpa’n Deipu bâia, 23‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.#Isa 7.14 24Josefa in kha a hong hara, Rengpa Vântirtôn thupêk angin a oma, Mari kha dôngma’n a nei tâka; 25Khannisianlân nâipasal a nei mâka chu zâlpui suam ma, khan Josefa’n ar hminga JISUA tiin nâi irhminga khan a phua tâka.#Lk 2.21
Actualmente seleccionado:
MATHAIA 1: HRACLBSI
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.