Versículos más leídos de la Biblia Maakɨ 16

Compartir

Maanga mi'na wɨdaka wɨdɨna “Yuyabanna Kwaaka yuyavakɨna wawopɨjɨ yagaala tewaanya' Gotɨyai wakyaaka yuyaraavɨ duzɨwaakyideihɨlyɨra.

A'mwera kanyɨlɨmwagarapi wɨjɨwaainya dara yɨma'nade. Nɨmɨre dɨragɨnya' maarapɨjɨ nɨmɨnyɨne yayavɨ yɨmakeraavɨ a'mweraavɨre munyɨkaavɨdaasɨ wɨdaasɨpɨ'de. Nabaai Maaveraavɨre yagaala wɨdɨpɨ'de. Naawɨnaanyarɨ maarapɨjɨ aalya nabaidɨvɨsa' napɨjɨ mabalyɨ yɨpɨ'de. Arɨkawɨnyɨra. Nabalɨnakengɨre mɨnyagɨnyangɨ ata kadathɨwagapɨjɨ nabalɨnake tewaanya mwaaibɨ'de. Sara yɨma'nɨpɨ'dengɨra,” wɨdɨna ya'.

Savɨne'na pwai kanyɨlɨmwagarojɨ aalyavɨ bavɨtaazɨya kyapi Gotɨyai kayaa'nanya marasɨ'nada padaihasamaaradelyɨ. A'mwe pwai manyɨlɨmwagaryojɨ gannya kayaa'nanya yɨnahu waragothengɨra. Sahwarɨ jɨdavadelyɨ.

Mi'na walamwaaina kya' gamɨrera waweva yuyaba wɨjɨwakadaapɨjɨ Naangei wɨgaimwaga'. Kugaimwaga' gamɨjɨ nawɨ'nya kye' a'mwera tɨnna wanganya'nera dara wɨja'na “Yagaala sa' Gotɨyaresɨra,” sahwai wɨjɨwaainya ya'.

Atɨka maru'na'na yadaapi mɨgɨnyai wɨdɨna “Lɨka mipɨnera! Jizaazai Naazaretɨ mwaalyarɨ yɨsavɨri nilɨya wɨramwa'daasarɨna bɨ'manɨgava. Sara yawɨ'mwa. Kyɨdɨkaa'mwa' dava mamwaalyɨka. Yɨthaanyi! Wakɨwa'daasaba danganyɨla!

Sara dɨneva maranganna yadɨvɨ' dara wanganesa' “Ai, sɨlyai mena davaasɨnɨka!” Sare' dare'nesɨ. Sɨla sai wapemɨnnakei warakelyɨ. Mi'na deva simaangevɨ wɨlaawɨna yeva kumɨnyɨ aangasɨmagɨ mɨgɨnyai kwaabɨhannya yaaka nawɨ'nya' yɨra'nakerɨ tɨnna wanganna. Tɨnna wanganna yeva lɨka yɨna yeva atɨka maru'na'na.