Versículos más leídos de la Biblia Maakɨ 13

Compartir

Nɨmɨre yayavɨna yɨhyawɨ'dɨvɨ' saihɨrɨna a'mwe yuyaraavɨ sɨnna tɨka wɨdavaderera. Kɨrɨ' a'mwe pwai nɨmɨnyɨna dɨragɨnna daavajarɨ aayagaa' gannya barya'negaa' Gotɨyai padaihasamaaradelyɨra.”

Sarɨmɨ mala nayaa jɨwannyɨla! Sare' dare'nesɨ. ‘Sagaa' gathɨhaa' yɨma'nade' dɨngaka?’ myawɨrivanɨgo. Sare'na dɨvaihanaryɨla!

Wɨla yɨhirapɨjɨ kotɨya yadɨvɨta angevɨna yɨhɨmarɨmwaaihya'nera kihɨmakabapɨjɨ sarɨmɨ yawɨta kwalaalya mipɨnera! ‘Nɨmɨ gara wɨdɨdeinyaka?’ myawɨpɨnera! Aawana. Sagaa' Gotɨyai yagaalya' sara kyɨhɨzaavojɨ dathaza' sara duzideihɨlyɨra. Sare' dare'nesɨ. Sagaa' sarɨmɨ duzideihi mɨka. Aawa. Kurya Tewaanyai sara wɨdathelyɨra.

Sɨgunyasɨ Kwaakevasɨ savakaai dɨvi sagaa' kiwawojɨ kɨrɨ' nɨmɨre yagaalya' yɨwawode' mɨ'. Waragothesɨra.”

“Yɨrɨka walaabɨde sagaa'na aane pwai kwai yawɨradehaa' mɨ'. Ejelɨyara Gotɨyareba mwaaihasara myawɨrivanɨga'. Gotɨyarɨ Gawaalɨvaangai myawɨrivanɨ'. Nɨmwai gavei yawɨ'manɨ'.

Nabaai malyangɨnajɨ malyangɨne yɨhukyagaalyangɨnajɨ wɨ'napɨjɨ yawɨta kwalaalya mipɨnera! Aawa. Sa yɨma'nanne'na kɨrɨ' Kwaakevakɨ aaya' yarai yade' mɨ'.

‘Sarevɨdaa'nyɨ nɨmɨreihi, nabaai nayaa dɨvaihanaryɨla!’ Sare' dare'nesɨ. Angevɨne naangerɨna yawɨ'na ‘Gamɨ gathɨngaa' bathei dɨnga'!’ myawɨrivanɨgo. ‘Sawɨsavɨ bathei dɨngaka? Kalawawegaa' bathei dɨngaka? Yɨrɨkunyagaa' bathei dɨngaka? Yɨrɨke byaaka gaai yadaaworiyagaa' bathei dɨngaka? Nemɨ myawɨrivanɨgo,’ dapi nayaa dɨvaihanaryɨla! ‘Nɨmɨ yɨme'nyabɨ' yɨma'naaba'mujɨ yarai walaabɨde'na se wa'dapi nayɨhwangamudɨ'! Nabaai nɨmɨrerajɨ kayaa'na nabaibɨthɨka!’ dena yɨhɨthɨvanɨge sa'na a'mweraavɨ wɨdɨvanɨge ‘Nayaa dɨvaihanaryɨla!’ ” wɨdɨna ya' Jizaazai.

Sare' dare'nesɨ. Anga naanga pimagɨnyara anga naanga pimagɨnya pwarajɨ mala bwa'nɨpɨ'derera. A'mwe naanga kingɨya pwarera a'mwe naangai kingɨya pwarerari mala bwa'nɨpɨ'derera. Kwalaalyaba wɨnɨnya yadengɨra. Mɨjɨka naanga yɨma'nadengɨra. Yuya yuya sa yɨbwasɨnapi dɨvidaasɨ kayaa'nanya yɨma'nadehaakɨra.

Gotɨyai yawɨrake'na a'mwe ajɨmya yuyangɨyara gazabazaba mwaaihasaraavɨ Gotɨyare yagaala tewaanya' sɨnnawɨ kujɨwaakapɨjɨ dɨvi aaya'na yɨma'nadehaakɨra.

A'mwe kwalaalyara nɨmɨnyɨne yaya' maarapɨjɨ wɨdɨpɨ'dera ‘Nɨmɨ sahwainyɨra. Kɨraazɨtɨyainyɨra.’ Sara kadapɨjɨ a'mwe kwalaalyara ‘Nebulyasɨra,’ dapi kumɨnyɨ a'mwe kwaasɨyaraavɨ mɨdɨbɨ'derera.

Kayaa'nanyara kayaaka nayɨhigaibɨ'de'na nayaa jawɨrila sarɨmɨ saihi! Pwara sarɨmɨnyɨ wɨla yɨrakapɨjɨ kaajolɨyaraavɨ yɨhɨmaaripɨ'dere. Lotuangengɨ yɨhɨrabɨ'deihɨlyɨ. Nɨmɨnyɨna Ga'maanɨyaraavɨjɨ a'mwe naangeraavɨ kingɨyaraavɨjɨ kihɨmwangapɨjɨ sarɨmɨ yagaala tewaanya' nebulya'na dɨzalɨkurakyide'nanyɨ!

Dɨvi kwaasɨ kwaasɨ Kɨraazɨtɨyara, Gotɨyarɨ wɨ'nawɨjɨwaakadɨvɨta kwaasɨ kwaasɨyara kumɨ sara kwaasɨ yawɨradɨdɨvɨ' wɨlaabapɨjɨ dapɨjɨ ‘Gotɨyai dahɨlakakera yawɨpɨ'de' dɨngaka? Kwaasɨ yagaala wɨ'nɨpɨka! Kayaa'na yɨpɨka!’ wɨjɨwaainyajɨ atɨka maru'natajɨ kwaasɨ yɨpɨ'derera.

Sare' kɨrɨ' sagaa' daanga naanga wɨvɨnade sasa' tɨvi'na kyojɨ yɨrɨka sangɨ nyɨlyai mujɨ kyojɨ jɨhɨnya yɨma'nyɨna, nabaai lawei mujɨ yadelyɨ. Sɨgunyavɨdaasɨ sɨlɨngaamɨnyarɨka pɨrɨ' bwala'na, pɨrɨ' bwala'na, sɨgunyavɨ dɨragɨnya warɨkevɨ wɨnɨnya naange'na yɨma'nadesɨ.