Versículos más leídos de la Biblia Matɨyui 10

Compartir

Yɨthaanyi! Nɨmɨ kavɨjɨlɨkeraavɨ tɨnnyawɨnna sipɨzipɨya kwaamusaihɨrɨ marayɨhyaasɨwa. Sarevɨdaa'nyɨ sarɨmɨ sɨmunya' nayaa yawɨ'dɨvɨ' nayaa jideihɨlyɨ. Nabaai kwaamɨryarebwibɨ' kave mwaaidɨvɨ' pwaraavɨ kayaa'na mipɨnera! Nayaa duzɨwaakyɨla!

A'mwei gannya gaala yune kaveya sabwina yawɨ'da nɨmɨnyɨna “Aala,” dazai gamɨre kuryai kayaaka yɨnadelyɨ. Yɨ a'mwei nɨmɨnyɨna dɨragɨnna yawɨ'da gamɨre mwaalyabwi yagalya'mavajai nɨmɨnyɨna balajai gamɨre kuryai yuyagaa' yuyagaa' tewaanna mwaaladelyɨ.

Sarɨmɨre kɨlaakejɨkaavɨ a'mwe yɨnahu tamakɨpɨ'deraavɨna lɨka mipɨna! Kɨrɨ' sarɨmɨre kuryaraavɨjɨ tamakɨpɨnera mɨ'. Aawa. Dɨka Kayaa'nanaangevɨ Gotɨyai kuryarɨjɨ kɨlaakejɨkɨjɨ yuyaraarɨ kayaaka yɨgalannerɨna lɨka jide'nanyɨ.

Nabaai yɨta yovihɨrarannɨke' kanyɨjaavapɨjɨ makwawa'mujɨ yɨta savɨ balɨdevaaibɨ' nɨmɨnyɨne taanginyanna bɨraizɨkanna “Aala!” dada kuna manyɨmɨdɨnyajai nɨmɨrei wi'nanyai mɨka.

Sarengɨdaa'nyɨ yɨhɨthɨma! Gazaizai Kwaaka davakɨ a'mweraayaba jalɨkurakɨvanɨkei “Nɨmɨ Jizaazareinyɨ,” yɨ sahwarɨna aayagaa' Sɨgunyavɨ Nɨmaamaangerɨ jalɨkurakɨdeinyɨ “Sahwai nɨmɨrelyɨra.” Kɨrɨ' gazaizai a'mweraayaba wɨjɨwaakajai “Jizaazareinyɨ mɨka!” yɨ sahwarɨna Sɨgunyavɨ Nɨmaamaangerɨ wɨjɨwaakɨdeinyɨ “Sahwarɨna myawɨriweinyɨ.”

Nabaai wawopɨjɨ nalaavɨnakeraavɨ javada'galyɨla! Bainɨkeraavɨ jathɨkaayɨla! Samatanakeraavɨ tewaanya javada'galyɨla! Sara yadɨvɨ' a'mweraavɨre munyɨkaavɨ yɨmakera wɨlamwaaidɨvɨsaraavɨ duthaasɨla! Sasare dɨragɨnyabwina sarɨmɨ yanga maa'dɨvɨta nɨgwia mubya'ne maayangɨ. Sarevɨdaa'nyɨ dazabwina yanga nayaa duzaayɨla! Sanna nɨgwia mamaapɨna!

Sarevɨdaa'nyɨ lɨka mipɨna! Dare' jawɨryɨla! Yuta maalɨkeraavɨ Gotɨyai nayaa maremwaaide kwalaalyaraavɨ nemɨ dɨragɨnna mena wavɨla'mwoinera! Sara jawɨryɨla!

Sarɨmɨ sɨmunya myawɨpɨna! “Kwaaka davakɨna Jizaazai mala yuya yɨga'mwagakya'najɨ narya wakya'najɨ bɨwakelyɨ.” Nɨmɨ narya wakya sa'na bɨweinyɨ mɨ'. Aawa. Kwaari'masɨramɨnya' makabeneinyɨ. A'mweraavɨ tangɨvalya'na bɨweinyɨ.