Versículos más leídos de la Biblia Lukɨ 18

Compartir

Sagaa' yuyagaa'na Gotɨyarɨna yɨdaangabɨ'de', maa'na nyunadɨ'de'na Jizaazai ke'ba'na dara wɨjɨwaakɨna

Yawɨbwa'de kayaa'nanyai kave kave yawɨbwarakelyɨ. Gotɨyai avaalyai daaka! Gotɨyare dahɨlakakera yuya yɨrɨkerɨkaavɨjɨ yuya sawɨsarɨkaavɨjɨ sahwarɨ yɨdaangadɨvɨsaraavɨ kotɨya'na yarai gaimwanna mwi yadei daaka! Sahwaraavɨ kave kave gaimwanna mwi yadei daaka! Aawa. Yɨhɨthɨvanɨge. Sai kotɨya'na yarai wɨgaimwagathelyɨ. Sare' kɨrɨ' dɨvi A'mweraavɨne Kaimɨraayai bathehaa' dazagaasagaa' a'mwe Kwaakevakɨyaraavɨ tɨnna wanganaja' dɨragɨnna lɨmwadɨvɨ' dɨngaka!” wɨdɨna.

Sara wɨdɨna kye' sai wɨdɨna “A'mwera yuya mi yɨpɨne sangɨ, sa Gotɨyai yɨnɨga wi'na yadengɨra.”

Sara wɨdɨwɨja yada sɨnnawɨ sagaa' yawɨbwa'de dazai sahɨrɨvɨna kotɨyavɨ gaimwange'na ‘Aala,’ yawɨ'na. Sara yawɨ'na yaka kɨrɨ' dɨvi sai gannya sɨmunyavɨ dara yawɨ'na ‘Nɨmɨ Gotɨyarɨna lɨka mivanɨgeinyɨ. Nabaai a'mwe kwaraavɨnajɨ sɨmunya yawɨrɨkwaasa mivanɨgeinyɨ. Kɨrɨ' a'mwe dathava datha' yaanyɨwaaka datha' nɨmɨnyɨ taanga nyɨjaavadeinyɨra. Yuyagaa' yuyagaa' bɨbya yɨbainada'davadaawori dɨvi nɨmɨre kɨlaakejɨ' yuna maa'na nanyɨma'nadɨka!’ daka gamɨre kotɨya'na gaimwanna wina yakelyɨ.”

Nebulya'na yɨhɨthɨvanɨge. Pwai kwai Gotɨyai a'mweraavɨ maremwaaide' kaimɨraaya maalɨkemɨlɨ'bɨ' mamaaryajai, yɨ sai kusawɨ yɨnɨga wi'na wɨladei mɨka. Arɨkewɨ.”

Maanga wɨdɨna yadaapi Jizaazai kaimɨraayamɨlɨkaavɨ gamɨnyabanna jaka jɨvwarɨjɨmaa'nyɨna yaka wɨdɨna “Kaimɨraayamɨlɨka yune nɨmɨnyawɨnna bɨpɨka! Sarɨmɨ magaladalɨmwabɨnera! Sare' dare'nesɨ. Gotɨyai a'mweraavɨ maremwaaide', yɨ sasaremɨlɨkaavɨnesɨ.

Wɨdɨna kya' Jizaazai wɨdɨna “Gɨmɨre tɨnnyai ayɨna danganna! Gɨnnya dɨragɨnna lɨmwangebwi gɨmɨnyɨ tewaanya gyavada'gaimwaka.”

Yɨdaanganna kya' Jizaazai wɨdɨna “ ‘Tewaanyaigɨnyɨreva,’ be'na nyɨdɨwaana? Tewaanyai, Gotɨyai yune gave sahwainanyalyɨra. Pwara aawa.