Versículos más leídos de la Biblia Ma‸htehˍ li‸ 4

Compartir

Yeˍsuˆ kʼaw‸ kʼoˆ piˇ ve, Li‸ hpu hkʼaw chi hkʼe bvuh‸ taˍ ve, Chaw yaˇ lehˬ hkaoˍmonˇ hta‸ pa taw ceh tiˉ gʼa te‸ ve maˇ heˆ. Gʼuiˬsha ve maw‸ kʼaw hkʼaw lo tawˆ la ve tawˇ teˇ hkawˇ le le hta‸ pa taw gʼa te‸ ve yoˬ, teh‸ kʼoˆ ve yoˬ.

Oˇ htaˇ Yeˍsuˆ yawˇ hta‸ kʼaw‸ kʼoˆ piˇ ve, Saˍtanˍ-oˬ, kʼai loˬ. Awˬ lawn kʼo, Nawˬ ve Jawˇmawˇ Gʼuiˬsha hta‸ ceh tiˉ nawˬ oˉ kʼoˍ gʼa pui leh, yawˇ ve kanˉ hta‸ ceh tiˉ nawˬ gʼa te ve yoˬ, teh‸ li‸ hpu hkʼaw bvuh‸ taˍ ve yoˬ.

Yeˍsuˆ yawˇ hta‸ kʼaw‸ kʼoˆ piˇ ve, Li‸ hpu hkʼaw teˇ kaˬ bvuh‸ taˍ sheˍ ve lehˬ, Nawˬ ve Jawˇmawˇ Gʼuiˬsha hta‸ nawˬ maˇ gʼa beˬ maˇ gʼa lawˇ teh‸ kʼaw‸ kʼoˆ piˇ ve yoˬ.

Oˇ htaˇ, neˇhaiˬ beˬ ve lawˇ ve hta‸ Yeˍsuˆ gʼa hkanˍ tuˬ, Awˬ ha hpu yawˇ hta‸ heh puiˉ hkʼaw lo shiˍ kʼai ve yoˬ. Yeˍsuˆ lehˬ, awˇ chi nyi awˇ chi haˉ caˇ tuˬ maˇ caˇ leh chehˇ peuˬ heh‸, awˍ meu‸ la ve yoˬ.

Oˇ htaˇ Yeˍsuˆ kʼoˆ ve, Ngaˬ hkʼaˇ suh laˬ-o‸. Ngaˬ nawˬ huiˉ maˬ hta‸ chaw ca shehˍ hpaˇ te tcuh laˇ tuˬ yoˬ teh‸, yawˇ huiˉ maˬ hta‸ kʼoˆ piˇ ve yoˬ. Yawˇ huiˉ maˬ teˇ cawˬ haˉ geu‸ hta‸ teh taˉ leh yawˇ awˬ hkʼaˇ suh kʼai ve yoˬ.

Oˇ ve teˇ yanˇ ka‸ te leh, Yeˍsuˆ bon tanˬ maˍ leh kʼoˆ ve, Mvuhˇ naw ma mvuhˇmiˬ gaˬ la paˇ neˇ ve pa taw, venˇbaˆ hta‸ dawˇ hpfuhˆ loˬ teh‸ maˍ piˇ ve yoˬ.