Versículos más leídos de la Biblia MATYOO 18

Compartir

Ɓisuulɛ, jàŋ inɛ ɓum ɓɛɓɛɛ̀ nsoò lɛ ɓɛraa ɓɛ taŋzɛɛ ɓi ɗii ɗyɛ̀m, ǹɗì ɓiì ɓaà ɓi nyìinyìm wàà.

Ǹkalii tì mìni saaɗ à rìkalì lɛ; i ɓum ɓɛɓɛɛ̀ ɓɛ wooghrɛɛ jɛ̀ɛ̀ fɛ ɓi ziinɛ, lɛ ɓɛɛ tɔg Tààta wɛ̀m ànɛ à rì aɗyoo com kidɛŋ, à rì ɓɔ kɔ ɓiì faà.

Nni Yeesus à reŋìghày maa ŋwɔɓti à rɛsì ɓɔ nyi ɓi nyìinyìm, à kpaa lɛ: Ǹkalii mìni ɓi saaɗ lɛ, i ɓì koɓsɛɛ ɓi lɛ ɓi ɓa fɛlɛ yɛ̀ɛ ɓɔɓti ɓɛsàg, ɓyàa ɗiŋi ɓi ɓi kìlɔ̀ŋ ki aɗyòò.

Kìɓan kiǹ kɛɛ̀ki, mum ǹcèm ànɛ à ɓiì sɛɛdii nyimiɗ ɓi zi fɛlɛ yɛ̀ɛ maa mutyàànɛ, nnyɛɛ ri ɓiì ceè ɓum ɓɛ̀cèm ɓi kìlɔ̀ŋ ki aɗyòò.

Fɔɔnnɛ i mum à ghàɓi maa ŋwɔɓti yɛ̀ɛ ànɛ ɓi ɗii ɗyɛ̀m di mɛ̀ nnɛ à ghàɓi.

Ǹkalii mìni ɓi saaɗ lɛ; com kìcèm ki ɓì ɓiì kàŋi fɛ ɓi ziinɛ, ɓɛ ri kɔ ɓiì kàŋi aɗyòò, fɔɔnnɛ kìcèm ki ɓì ɓiì fùmii fɛ ɓi ziinɛ, ɓɛ ri kɔ ɓiì fùmii aɗyòò.

Fɔlɔɔ nnɛ Tààta wɛ̀m ànɛ à rì aɗyoo à rì mìni ɓiì kìi di mum ǹcèm ànɛ ɓi mìni à cenɛɛ ɓi geni wìì ri nɗem wii wucèm.

Kìɓan kifog, ì ŋwaà kɛ̀ɓtii kìbog ki ɓi ɓɔɔ ɓɔɓti ɓɛ ɓɛ gherɛɛ mɛ̀ ɓɛ fìɓàg, ki ɓa tì kìrɔɔ ɓisu wii lɛ, ɓɛɛ kaŋ̀ nyi coo gɔ̀g ì kìpɛn ɓi kìmììgh, ɓɛɛ ɓimzi nyi ɓi rìɓày.

Mìnii ghɛɛ là? I ŋwaà rì ɗì jɔ̀ɔ̀ mɛ̀tin mɛtaǹ, nnɛ ì ɗimi bog, à yin nya lɛ à càɗ jɔ̀ɔ̀ yimbog mɛ̀tin mɛnin ɗì ǹtɛ̀ɗ ɗì taànìn, à ka kɛ̀n kì kaà ìnɛ yàa ɗimi?