Versículos más leídos de la Biblia Isai 1

Compartir

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Le agi gagi yagi kä agi humun vunanu ni, agi mba tagi vut ahle suma djivi suma yam ambasina.

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Tan nga d’i lan djivid’a yam vun til ma agi lagizi kur bur ma deîd’a hi tilîna d’i, yam vun til ma agi lagizi kur bur ma vun til magi ma teteng ma a ngama d’uo mi. Kayam azi nga tchan aneka, an kau wa abo zi d’a ni zizid’a mi.