Versículos más leídos de la Biblia Taga-Roma 6

Compartir

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

Saan a rumbeng nga agturay ti basol kadakayo ta saankayon nga agbibiag iti sakup ti linteg, no di ket iti sakup ti parabur ti Dios.

Ngarud, idi nabuniagantayo, naikaduatayo ken ni Cristo a naitanem, ket nairanudtayo iti ipapatayna tapno, kas iti pannakapagungar ni Cristo babaen iti nakaskasdaaw a pannakabalin ti Ama, sumurottayo met koma iti baro a panagbiag.

Kasta met a diyo itulok nga agbasol ti uray ania a paset ti bagiyo a maaramat kadagiti dakes a panggep. Mayarigkayo kadagiti tattao a natay ngem napagungar. Ipaayyo ketdi ti bagiyo iti Dios ket itulokyo kenkuana ti entero a bagiyo a maaramat kadagiti nalinteg a panggep.

Ammotayo a ti daan a kinataotayo nairaman ken ni Cristo a nailansa iti krus tapno madadael ti managbasol a bagi. Iti kasta, saantayo koman a paadipen iti basol.

Kasta met nga ibilangyo a nataykayon iti basol ngem sibibiagkayo iti Dios, gapu ken ni Cristo Jesus.

Ania ngarud ti kunatayo? Itultuloytayo kadi ti agbasol tapno umadu ti parabur ti Dios? Saan a mabalin! Nataytayon iti basol—kasano ti panagtuloytayo nga agbasol?

Awan duadua nga ammoyo a no patagabukayo, isukoyo ti bagiyo iti apoyo. No tungpalenyo ti basol, agtungpalkayto iti patay. No tungpalenyo ti Dios, mapalintegkayto iti sangoanan ti Dios.

Ngem yaman pay iti Dios! Ta nayarigkay idi iti tagabu a simmuko kadagiti dakes a tarigagayyo nga agbasol ngem itan, nagtulnogkayo a naimpusoan kadagiti pudno a pannursuro nga inawatyo. Nawayawayaankayo iti basol ket tagabunakayon ti kinalinteg.