Versículos más leídos de la Biblia 2 KORIINTO KAM 6

Compartir

Chaꞌpim ja bɨɨm jum tɨtmodaꞌ guiꞌ nam cham tɨ jɨɨgiꞌñdhaꞌ buiñor guch Xoiꞌkam. Jix maat japim guꞌ nar jumai gux kɨɨꞌp jum duukam, gio gux buam jum duukam jir jumai ɨp. Gio puiꞌ na jax na paiꞌ dhuuk jix chu maax kaꞌ, na guꞌ cham tuꞌ pu chuꞌm jup tum maaxiꞌñdhaꞌ na paiꞌ dhuuk jix chukgam kaꞌ.

Gio gu chiop guiꞌ na sɨlhkam Dios duakam bhaan tɨ nɨiꞌñdhaꞌ, na guꞌ cham tuꞌp jir pu chuꞌm kaꞌ nam jax chuꞌm kɨr ja tuttukaꞌ gu jaꞌtkam gu didios jup duiñxim. Jaꞌp ji buusan guꞌ nach aach jir chiop gaꞌn gu Dios duakam nach tɨ jɨɨgiꞌñ buiñor guch Xoiꞌkam. Jup kaiꞌch guꞌ dɨɨlh gu Dios miꞌ na mɨt paiꞌ tu uaꞌnak gu bɨjɨk dɨr kam: Aañ ja bɨɨm oirɨdaꞌ dhi Israel kam jaꞌtkam, nañ guꞌ ja bɨɨm kiokaꞌ. Jir jiñ jaꞌtkam tuk kaꞌ am, aañ baꞌr ja Dios tuk kaꞌ.

Gio jaꞌp iam nap tu uaꞌñix jaꞌpnip kaiꞌch ɨp dɨɨlh gu Dios: Chaꞌpim mi ja bɨɨm oipodaꞌ guiꞌ nam jix buam tu jim, bubuakiaꞌ pim miꞌ dhɨr. Chaꞌpim gan daꞌngɨdaꞌ guiꞌ na cham jir kɨɨꞌ aañ jiñ bui. Noꞌ pimɨt puiꞌ duu dhiꞌ nañ jax jam tɨtda nañ baꞌ ba xi jam kɨɨgalhiꞌñdhaꞌ ɨp gio. Gammɨjɨñ baꞌ puiꞌ ba jam ɨlhiiꞌñdhaꞌ na pim aapiꞌm sɨlhkam jir jiñ maamar na pim jɨꞌk jir uꞌuub gio na pim jɨꞌk jir chichioꞌñ, nañ guꞌ aañ baꞌr jam Gɨꞌkoraꞌ kaꞌ. Aañiꞌ puiꞌ kaiꞌch nañ bɨxchuꞌ pu tu bua na tuꞌ jaroiꞌ cham jɨꞌxdhaꞌ pu duñiaꞌ, nañ guꞌx ioꞌm jir gɇꞌkam.

Jix maat japim sia na guch Xoiꞌkam cham kɨɨgalhiꞌñ gu jaꞌook. Gio gu jaroiꞌ na buiñor tɨ jɨɨgiꞌñdhaꞌ guch Xoiꞌkam, na guꞌ cham tuꞌ puiꞌ jaꞌk jup tu jimdaꞌ na jax gu jaroiꞌ na cham tɨ jɨɨgiꞌñdhaꞌ.