Versículos más leídos de la Biblia Ichanohichuru 17

Compartir

Chaaen, esenetaain coitucunaa nainihane, coitucuha cachane coinate, nitohaneein ichaelu Cana Coaunera. Coatiha niqui, cana caje coriaae nihei Cana Coaunera.

Chaaen jetaotechu, jauriaanejeein leeinjiin cacha coaaunaelu, caje arajiin nefoerateein, laurilauri catohaneein cana rai chauratane sacutaain neenenu que. Nitohaneein, cacha coaaunaain jetaote, nenajaauru neeuruha le laurichurune coina, acaauru ichaona jaannu jelai beein jetao, cuu ichaooruhane jinatelu Cana Coaunera.

Acate, Cana Coauneraneein, itolere, cana rai chaaurutane Coauneraneein, itolere, que nenacaauru Curuaanaaneein, itolere, satiin cana janonaa sirichaneein ne. Coatiha, raajenihane cacha ichanohineein nenaa loreri Teenforo asaaecha ichaohi.

Nitohaneein beratihane jaunte, inae Cojoanonaa que banihateein niicha rucujuei que tihane bana, caa chaaurutane que, satiin neinichaachene coaareein Cana Coaunera, esinae rauhijiriin rai cachaneein neein caohachaain suujua coaaraauru coitucuha nii leeinjiin cacha janijiin niicha ranojoi aina cuaaine coina. Niite raotojoeein coitucuhacache, aca rai, nii icharaanu que, oo caje ichateein nihalune jaun”, nae jetao Faboro.

Nitohaneein, Cana Coaunera caje, nefoeratenaaneein nihacachene jaun, nainihei nejelauneein, cana suujua cuaain, ‘Aiha coata, ajeri, naaonjoaain caje cacha ichanohineein nenaa chosichuru ecaantooru tocohaniha jecha, Cana Coaunera’, naain cana suujua cuaain nihacachene.