Versículos más leídos de la Biblia Lucas 20

Compartir

Tawamhã Zezusi hã ma tô tãma nharĩ za'ra, ãne: — Cézaha te marĩ hã, ma'ãpé tô Cézaha ma 're sõmri za'ra wa'aba mono. Tane duré 'Re ihâimana u'âsi mono te marĩ hã, 'Re ihâimana u'âsi mono ma, 're sõmri za'ra wa'aba mono.

Tawamhã Zezusi hã ma tô da'a'madâ'â pese. Taha pari ma tô da'azadanha, ãne: — Tawamhã bété e marĩ te wasu'u, Ibaihâ Iwazé pese na rob'ui'éré te te inharĩ hã, ã hã: “Ẽne, 'ri'wa norĩ te te siwi iwẽ'õ hã, ta hã danhipai u te pire uptabi na oto tihâiba.”

— Ma'ãpé 're asipibui pese za'ra wa'aba mono, 'Re ihâimana u'âsi mono nhimiroti zahi na rob'ui'éré na dama rowahutu'wa norĩ hâimanazé wi hã. Ta norĩ ma hã iwẽ, uza hâi wẽ na 're inomro mono da hã. Duré da te dasina 're i'ubumroi mono zéb ãma, wazép sina, da te 're iwaibui wẽ mono da si, tãma iwẽ za'ra hã. Duré dama ipire norĩ simasisizém na 're si'ubumroi mono da si, tãma iwẽ za'ra hã, Zudeu norĩ te rowahutuzéb ãma hã duré dasiré 're idasaihuri mono zéb ãma zama. Pi'õi mrotõ norĩ wi, te hâimana nhipese na isibrom na 're simisaihuri za'ra. Duré hâimana wẽ newa, te hâimana nhipese na rowaptẽrẽ hã pa na te te 're 'manharĩ za'ra. Tahawa te za ta norĩ ma, danhipai u 'Re ihâimana u'âsi mono hã tãma rob'manharĩ wasété uptabi za'ra.