Versículos más leídos de la Biblia Zenezi 8

Compartir

Tawamhã Noéhé nhibzari zadaze, Uburé Danhib'apito te te hãi wamhã, ma tô wẽsã. Tahawa te ãne rosa'rata na hã sima tinha: “Niwamhã ti'ai ma, ãne na te irob'manharĩ na isahu da hã mare di za, iwa 're idahâimana za'ra mono norĩ u'âbâmhã, daprédup tém hawim haré, marĩ iwasété na si da te dasima 're rosa'rata u'âsi za'ra mono nherẽ. Tawamhã duré ti'a 're sa'wari mono ré, te za iwa rob'rezé hã, duré roptehârizé hã dama 're hâimana za'ra. Te za duré rowahâ zé zama hã 're hâimana, duré rowa'ro hã. Duré wahubzé, tã 're ita'a mono zé me te za dama 're hâimana zahuré apâ. Duré bâdâ te te 're irob'uiwẽ mono hã 're imara mono me hã te za tô 're hâimana u'âsi zahuré.”

Tawamhã Noé, ẽtẽ za'ra hã ma tô 'manha, Uburé Danhib'apito ma, ãma tãma isõprubzé te te ãma zata da. Taha pari, si norĩ abaze norĩ me, 'Re ihâimana u'âsi mono ma, iwẽ hã ma tô nima norĩ si 'mai'âri za'ra. Tawamhã ta norĩ hã ma tô ẽtẽ za'ra nhisiwimhã tãma zata za'ra.

Tawamhã 'Re ihâimana u'âsi mono, Noéhé ãma, duré uburé abaze, uba're wa isiré ihâimana za'ra norĩ ãma, ma tô oto po're puru. Tahawa rowa'u, ti'a nhisiwi te te â wapõrĩ mono da hã, ma tô tãma tinha. Ãhã wa, ma tô duré apâ â'ré mono na hã ãma sãna'rata.

Tahawa hâiwahâ pesere si, ma tô apâ hã wi. Ãhã wa, tiwata na olivera su uzé hã ma tô ãwisi. Tawamhã taha na ma tô Noé waihu'u, oto apâ i'â'ré na hã.